Suwat si Pol pa mman Baanan Sukuꞌ si Isa ndooy ni Rom 12:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Daa na kam mmeꞌ meꞌ uwahan jama ma yaꞌ pitsayaꞌ ni Almasi. Halinun bi na pamiki bi mari sikatuwaꞌ na ka pamiki Almasi. Meꞌ looy ilay, tapabahauwan na leꞌ Tuhan pangatayan bi supaya katoonan bi na kahandak na sampay tapabuwat bi na. Boꞌ inawnan kahandak Tuhan ina, mastiꞌ mahap jaꞌ, boꞌ kagak-gāk lagi maka yaꞌ luu salla na.

Suwat si Pol pa mman Baanan Sukuꞌ si Isa ndooy ni Rom 12:2 ပူးပေါင်းရင်းမြစ်များ

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Malkus 4:19

sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn sampay ni kajinisan. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Yahiya 14:30

Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku.

Yahiya 15:19

Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

Yahiya 17:14

Umanat nu lay na pasampay ku ninsila. Dari batnaa, kinalammisan na sila meꞌ sagannap ma yaꞌ pitsayaꞌ niyaku. Kon meꞌ looy batan meꞌ aku na du sila, saꞌ sukuꞌ junyaꞌ tuu.

Yahiya 7:7

sabap yaꞌ kam kinalammisan. Boꞌ aku tu, kinalammisan meꞌ mimon ma mandang hāl junyaꞌ sabap mungka ku kalaatan da.

Suwat si Pol pa mman Baanan Sukuꞌ si Isa ndooy ni Rom 12:1

Sangkon siga danganakan, sabapan ehe aseꞌ Tuhan ningkitabi, junjung ku na ningkaam, suhuran bi na dī bi pa Tuhan. Ingatun bi na Tuhan dapu baran bi halloman bi llum. Labbahan bi na oy-oy arat-tabiat ma yaꞌ nulut ni kahandak Tuhan mari kam sutsiꞌ. Batan subay silay meꞌ looy meꞌ bi makitahan iya bana-bana kam ngisbat iya.

Suwat si Pol pa mman Baanan Sukuꞌ si Isa ndooy ni Rom 13:14

Akig tabi arat-tabiat Papuꞌ tabi si Isa Almasi. Maka paayad-ayad kitabi mari yaꞌ taduwan tabi oy-oy pamiki magnapsu ni kalaatan.

Suwat si Pol pa mman Baanan Sukuꞌ si Isa ndooy ni Rom 7:12

Kamasaꞌ bong inawnan saraꞌ, mastiꞌ yaꞌ luu laat na samasakali. Mimon panohoan njawom saraꞌ intong sadjaꞌ maka mahap sabap lakka man Tuhan.

Suwat si Pol pa mman Baanan Sukuꞌ si Isa ndooy ni Rom 7:14

Na kitabi itu, ndang katoonan tabi saraꞌ mahap sabap lakka man Tuhan. Sangkon, bong ni dī ku, doman ku mean saraꞌ. Salla na, wā ku kalangga sabap sibuꞌ du ku ka pinahata meꞌ napsu ku ma wā kaboo-boo niyaku buwat dusa.

Suwat si Pol pa mman Baanan Sukuꞌ si Isa ndooy ni Rom 7:22

San njawom atay ku tud doman ku mean saraꞌ Tuhan,

1 Korin 3:19

Batan ilooy ilay ma binilang akka lawom meꞌ jama ma mandang hāl junyaꞌ, bong pa Tuhan, karupangan jaꞌ sina. Boꞌ magbēꞌ du ka suwat njawom kitab, ilooy ma yuk na, “Sagannap ma mista dī da tud akkahan, akka da na mismu man Tuhan nalloban sila.”

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

2 Korin 5:17

Pag batnaa, tabista tabi na, soysoy tibuuk ka Almasi, sibuꞌ du karuha da ka jama bahau bay pinapayak. Pagkajama da maruhuꞌ ma nabiat nulut dī da, yaꞌ na luu. Yaꞌ na sibuꞌ ka maruhuꞌ batan luu na pagkajama da bahau ka kaallum da bahau.

Galatiya 1:4

ma bay nongan umu na man muwasan dusa tabi. Maksud na supaya kitabi tapaddusan na man jawom sakup kalaatan ntuu ni junyaꞌ. Boꞌ ndang ituu na situ bay garaꞌ Mmaꞌ tabi Tuhan man maruhuꞌ-ruhuꞌ lagi.

Epesus 1:18

Maka pakuhan ta na pin kam duwaa, kamura-murahan binuwanan du kam meꞌ Tuhan pangahati supaya tasayu bi na bong oy taholat bi pagka lay na kam lliyun pa jawom okoman na. Maka kamura-murahan pinalahil du ningkaam siga supaat hagaan saꞌ alang-alang ma bay hinalliꞌ meꞌ Tuhan ni sukuꞌ na.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

Epesus 5:17

Sangkon, daa papondokun bi pamiki bi, arapun hatiyun bi bana bong oy kahandak Papuꞌ Isa ningkaam, boꞌ pabuwatun bi.

Kolossa 1:9

Dari labba man llaw kami bay kaakahan pasal kaam, yaꞌ na situ bakkat meꞌ kami makuhan kaam duwaa pa Tuhan. Kamura-murahan binuwanan na pin kam meꞌ Rū Sutsiꞌ akka lawom ka pangahati supaya tahati bi na banahan bong oy kahandak Tuhan ningkaam.

Kolossa 3:10

sampay lay na saynan bi ka pagkajama bahau. Dari mangkin pasōng pangahati bi ni ilooy ma bay mapayak kaam, mangkin magsasōng na pin meꞌ arat-tabiat bi hinalin ngkod-ngkoran yaꞌ gi taabut bi arat-tabiat na.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

1 Tesaloneka 4:3

Kahandak Tuhan ina subay kitabi sutsiꞌ. Sangkon bong kinawnan jina, basta palawak kam.

Taytus 3:5

Lay na ya nalamat kitabi. Boꞌ tud kainu-inu silay batan yaꞌ luu kaayaran bay pabuwat tabi gantaꞌ man tabi pataꞌ sinalamat. Arapun kon Tuhan bay nalamat kitabi sabap ehe timbang na ni manusiyaꞌ. Dari man sabapan pabuwatan si Isa Almasi, tukang nalamat kitabi, lay na puwasan Tuhan dusa tabi. Dari ko ngawon, lay na kosoan na atay tabi supaya kinaddoan dusa tabi. Boꞌ lay gi ya nupaatan kitabi ka Rū na, yana Rū Sutsiꞌ bay pinaasok njawom atay tabi. Dari sabapan Rū Sutsiꞌ, sibuꞌ na du kitabi ka lay na pinamaddihan pabalik, batan luu na kaallum tabi bahau.

Yaꞌkub 1:27

Ilooy ya binilang meꞌ Mmaꞌ tabi Tuhan agama sabanna ma yaꞌ luu tamak na, meꞌ tuu: Subay kita nulung ga iluꞌ-iluꞌ iyatin ka ga bawu danda ma njawom tiksaꞌ. Maka subay kita patā man mimon kalaatan ma pinaabak meꞌ siga jama ma yaꞌ ngisbat Tuhan.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Pitel 1:14

Meꞌ kaam ina anak Tuhan na ma ngasip niiya, daa na padarahun bi bay kadarihan bi maruhuꞌ. Waktu looy ilay awam lagi kam pasal Tuhan. Sangkon lay na jaꞌ duwan bi napsu bi ma maat.

1 Pitel 1:18

Intomun bi doꞌ bong pooy ehe gastus man Tuhan bay maddusan kaam man arat-tabiat bi maruhuꞌ. Yaꞌ silay luu sōng na arat-tabiat bi maruhuꞌ ma bay labuꞌ pa kaam man kabboꞌ-bboan bi. Kahapan, lay na kam pinaddusan man arat-tabiat looy. Sugaꞌ saꞌ ga silay mmas atawa pilak porol ma yaꞌ natas saumu bay man maddusan kaam.

1 Pitel 4:2

Honaꞌ-honaꞌ na, ddong na ya nganduwan napsu na ma maat. Ilooy sa karomanan na sinulut yana kahandak Tuhan halloman na masi llum.

2 Pitel 1:4

Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.

2 Pitel 2:20

Na sibuwa ilay, siga guru palsu looy siꞌ bay ngahasi kabanahan pasal tukang nalamat kitabi, yana Papuꞌ tabi si Isa Almasi. Pag toklas na, lay na labbahan da mimon kawul-piil da maat ma katamak ni manusiyaꞌ. Pag batnaa, meꞌ ga takawum na baw sila balik meꞌ napsu da buwat dusa. Dari mas maat gi kaadaan da ni batnaa man jaman da yaꞌ gi bay mmeꞌ ni si Isa.

1 Yahiya 3:13

Sangkon siga danganakan, daa kam jayip bong kam kinalammisan meꞌ siga jama ma yaꞌ pitsayaꞌ ni si Isa.

1 Yahiya 5:19

Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 13:8

Dari dak mimon na manusiyaꞌ taꞌ babaw junyaꞌ numba sattuwa looy na. Ilooy du yaꞌ numba iya yana sagannap ma lay na sinuwatan awon da njawom Būk Kaallum man ngalista awon sagannap ma luu kasampulnaan nyawa da saumu-umu. Awon da ilay ndang lay na sinuwatan njawom būk looy labba man kapayak junyaꞌ. Ilooy ma dapu būk looy yana Bili-bili looy ma bay pingkaꞌ pinapatoy.