Suwat si Pol pa mman Baanan Sukuꞌ si Isa ndooy ni Rom 11:36 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁶ Kon na ilay meꞌ looy batan mimon-mimon lakka man Tuhan. Maka iya magbayaan labbasakayi. Maksud mimon-mimon bay pinapayak supaya labbasakayi kaboo kabantugan niiya. Sangkon, subay ya pinudji saumu-umu. Amin.

Suwat si Pol pa mman Baanan Sukuꞌ si Isa ndooy ni Rom 11:36 ပူးပေါင်းရင်းမြစ်များ

Matiyu 6:13

Maku kami tabang ningkau mari kami yaꞌ takoleꞌ meꞌ siga sasat seytan. Batan kau du magbayaꞌ ni mimon-mimon, Sangat Kawasa ma pinudji saumu-umu. Amin.’ ”

Lukas 19:38

Yuk da, “Sinupaatan la sultan naa ma pitu ni kawasa-kapatut Papuꞌ tabi Tuhan. Itu na ya moo kasalassayan mari tabi mahap na pa Tuhan. Pudji tabi Tuhan ni sulgaꞌ.”

Lukas 2:14

“Pudji mehe pa Tuhan ni sulgaꞌ! Luu na kasalassayan bay papitu na pa junyaꞌ ni kaehe timbang na pa manusiyaꞌ.”

Salsila siga Rasul 17:28

Batan sabapan na, luu na kitabi, maka llum na kitabi sampay kapausik na kitabi. Meꞌ halling sambat kasohean pagkahi bi ma alistu ngandalil, ‘Mimon kitabi manusiyaꞌ yana anak Tuhan.’

Suwat si Pol pa mman Baanan Sukuꞌ si Isa ndooy ni Rom 16:27

Dambuli man naa, pudji tabi Tuhan ma toon mimon-mimon. Pudji tabi ya saumu-umu sabapan si Isa Almasi. Wassalam

1 Korin 11:12

Batan san ina danda bay lakka man lalla, yaꞌ na baw sina pasampun kalallahan bong saꞌ sabapan karandahan. Sugaꞌ mimon-mimon lakka man Tuhan.

1 Korin 8:6

Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

Galatiya 1:5

Kamura-murahan pinudji du Tuhan saumu-umu. Amin.

Epesus 3:21

Kamura-murahan pinudji na pin Tuhan saumu-umu sabapan si Isa Almasi sampay man sabapan siga sukuꞌ na. Amin.

Pilipi 4:20

Kamura-murahan pinudji na pin Mmaꞌ tabi Tuhan saumu-umu. Amin.

1 Timuti 1:17

Pudji tabi Tuhan, yana Sultan Mahatinggi ma yaꞌ takita maka yaꞌ kuhi matoy. Magbayaꞌ ya ni sikamimon pangkat-mamangkat saumu batan isu-isu iya Tuhan. Kamura-murahan saumu-umu na ya binuwanan pudji mehe ka kabantugan. Amin.

1 Timuti 6:16

Isu-isu iya yaꞌ luu kapatoy na. Maglahat ya njawom dantaꞌ saꞌ alang-alang ma yaꞌ tasōng leꞌ manusiyaꞌ ni kasilaw na. Yaꞌ luu manusiyaꞌ bay pingkaꞌ ngita iya batan ndang niyaꞌ ya takita. Maka iya du ngantanan kawasa magbayaꞌ saumu-umu. Tawop ya binuwanan kabantugan mehe. Amin.

2 Timuti 4:18

Maka katoonan ku du mastiꞌ sinalamat du sina mintu ku meꞌ Papuꞌ man mimon kalaatan ma song tumiluꞌ njataꞌ ku. Maka boo na du sina ku pa jawom pamarinta na ndooy ni sulgaꞌ. Pudji mehe niiya pangkat-mamangkat saumu-umu! Amin.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

Hibrani 2:10

Na Tuhan ina bay mapayak mimon-mimon maka iya dapu mimon-mimon. Boꞌ na, iya du bay bagaraꞌ subay meka manusiyaꞌ dari anak na hampit ni ehe kabantugan na. Pag-anu, man na majatu garaꞌ na, bay ya mapitu Anak na. Boꞌ lay gi bay ginantaꞌ meꞌ Tuhan subay Anak na ngalingkaan kabinsanaan supaya ya tawop binuwat pa-mmean tabi ka poonan kasalamatan tabi.

1 Pitel 4:11

Sawpama lay kam kaladjikian kapandoyan magnasihat, subay kam magnasihat du. Sugaꞌ subay kabanahan jaꞌ pōꞌ man behe bi meꞌ saparati Tuhan mismu mitsala. Maka kaam ma luu kapandoyan bi sarī, subay pakoyun bi man nabangan jama. Maka ingatun bi, mimon anggawtaꞌ man bi nabang lakka man Tuhan. Meꞌ naa ina, man tabang si Isa Almasi, mimon pabuwat bi kaboo kabantugan pa Tuhan. Pudji tabi ya sabap tud tawop ya magbayaꞌ saumu-umu! Amin.

1 Pitel 5:11

Pudji tabi ya sabap tud tawop ya magbayaꞌ saumu-umu! Amin.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam

Suwat Lakka man si Jūd 1:25

Isu-isu iya Tuhan. Maka iya na sina bay nalamat kitabi man sabapan pabuwatan Papuꞌ tabi si Isa Almasi. Kaayaran Tuhan ina yaꞌ luu sibuꞌ sabanding na. Pudji tabi ya. Iya ina Tuhan Mahatinggi, Sangat Kawasa ma magbayaꞌ ni mimon-mimon labba man kapayak alam ngabut batnaa sampay saumu-umu ni sinōng. Amin! Wassalam

Siga Pakaradjaan bay Pinalahil 19:1

Pus meꞌ looy, luu na baw takale ku siga suwara manusiyaꞌ sakiyan ni sulgaꞌ ngahowap, yuk da, “Pudji mehe pa Tuhan tabi! Iya du kasalamatan tabi. Biddaꞌ na ehe kawasa na. Kabantugan na yaꞌ luu sibuꞌ sabanding na.

Siga Pakaradjaan bay Pinalahil 21:6

Maka yuk na lagi, “Magjatu na situ mimon ma bay ginantaꞌ meꞌ ku. Aku itu Alpa ka Omega, yana panagnaan ka katapusan mimon-mimon. Soysoy tohoꞌ kallong na, painum ku boheꞌ man poon boheꞌ looy ma muwan kaallum ma yaꞌ luu katapusan na. Boꞌ boheꞌ looy ilay libre jaꞌ, san yaꞌ na luu bayad na.

Siga Pakaradjaan bay Pinalahil 7:10

Maka haboy-haboy sila ngahowap, yuk da, “Pudji tabi Tuhan, ilooy ma magsultan njataꞌ mimon-mimon. Maka pudji tabi Bili-bili looy, batan yaꞌ kitabi salamat bong saꞌ sabapan da.”

Siga Pakaradjaan bay Pinalahil 7:12

yuk da, “Bana-bana du Tuhan tabi subay binuwanan kabantugan sampay pagsukuhan. Tawop ya pinaehe. Pudji mehe niiya batan iya ngantanan gaos saꞌ na gantaꞌ na ka akka lawom ma yaꞌ luu sibuꞌ sabanding na. Iya Sangat Kawasa saumu-umu. Amin.”