Suwat si Pol pa mman Baanan Sukuꞌ si Isa ndooy ni Rom 11:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Sangkon tumatandaꞌ na Tuhan yaꞌ bay nikutan bangsa ma bay peneꞌ na sukuꞌ na maruhuꞌ. Intomun bi doꞌ ilooy ma bay sinuwatan njawom kitab meꞌ bay jaman Nabi Eliyas. Lay ya masamba pa Tuhan kalaatan siga pagkahi na bangsa Israil, yuk na,

Suwat si Pol pa mman Baanan Sukuꞌ si Isa ndooy ni Rom 11:2 ပူးပေါင်းရင်းမြစ်များ

Panagnaan 44:15

Yuk si Yusup ninsila, “Ongoy kam bay buwat meꞌ looy? Yaꞌ kina tasayu bi jama meꞌ aku pandoy nunaꞌ bong oy pabuwat jama?”

Malkus 12:26

Na buktiꞌ man tabi mindoga jama matoy pinakallum lagi, mamintang jaꞌ kam ni ilooy ma bay tabatsa bi njawom suwat Nabi Musa. Saꞌ ba, lay ya kale suwara Tuhan pōꞌ man poon kayu-kayu noleyab na meꞌ api? Yuk Tuhan niiya, ‘Aku na situ Tuhan ma sinumba meꞌ ga Nabi Ibrahim, Nabi Isahak ka Nabi Yaꞌkub.’

Lukas 4:1

Na pus si Isa bay pinandi, lay na ya lakka man Sōng Juldan. Maka inassob ya meꞌ Rū Sutsiꞌ. Pag-anu siꞌ, lay na baw ya pinagmundaan meꞌ Rū Sutsiꞌ pa lahat lau-lau yaꞌ maglumaꞌ.

Yahiya 4:11

Yuk danda looy baw siꞌ tu, “Tuwan, ndaꞌ ku bina yaꞌ san luu gayung nu, boꞌ lawom lagi tagaꞌ tuu. Bong siꞌ pinaamu, ninggai na baw man nu koleꞌ boheꞌ looy ma llum?

Salsila siga Rasul 13:48

Na pag takale jaꞌ meꞌ sagannap ma saꞌ Yahudi bitsala si Pol, tud bay gāk sila sampay lay na ga sila mudji Tuhan. Dari sagannap ma ndang bay pineneꞌ meꞌ Tuhan binuwanan kasampulnaan nyawa ma yaꞌ luu katapusan na, lay na du pitsayaꞌ ni si Isa.

Salsila siga Rasul 15:18

Mimon ma bay sabbut ku siꞌ, ndang bay na ginantaꞌ meꞌ ku man awwal jaman lagi.’

Salsila siga Rasul 3:17

Yuk si Pitel lagi, “Siga mbuwaꞌ danganakan, katoonan ku du kaam ina ka ga pa-mmean bi bay mapatoy si Isa ni kaawam bi. Yaꞌ san bay taingat bi ga tud iya na Almasi, tukang nalamat bay pinapitu meꞌ Tuhan.

Salsila siga Rasul 7:40

Dari likutan Boꞌ Musa bay hallom taꞌ Punu Saynay, halling ga kabboꞌ-bboan tabi ni Boꞌ Harun, ‘Babahan doꞌ tabi siga tuhan supaya luu na baw magmundaan kitabi. Batan si Musa ilay, pus na bay moo kitabi pōꞌ man Ejip, pag batnaa, yaꞌ na tasayu tabi bong oy na bay katuwaꞌ niiya.’

Suwat si Pol pa mman Baanan Sukuꞌ si Isa ndooy ni Rom 6:16

Bong yaꞌ katoonan bi, soysoy ina duwan ta, inaa na sina papuꞌ ta. Sangkon bong ina kita nganduwan napsu ta buwat dusa, malaingkan dusa yana papuꞌ ta mahata kita. Pag toklas na, tiksaꞌ nyawa ta. Sugaꞌ bong ina inaa ya duwan ta kahandak Tuhan, malaingkan Tuhan yana Papuꞌ ta. Kuwan kita yana ata na. Pag toklas na, intong na jaꞌ kawul-piil ta.

Suwat si Pol pa mman Baanan Sukuꞌ si Isa ndooy ni Rom 9:23

Bong hati ya natasan kalaatan jama, maksud na makitahan sila bong pooy ehe kaayaran na ni sagannap ma tinimbangan meꞌ na, yana sagannap ma bay peneꞌ na hampit ni kabantugan na.

Suwat si Pol pa mman Baanan Sukuꞌ si Isa ndooy ni Rom 9:6

Siga pagkahi ku ilay bangsa Israil ma bay nuwak si Isa, sibuꞌ du sila ka bay nimanan mimon kabantugan looy siꞌ. Sugaꞌ san meꞌ looy, saꞌ ga hatiyan na yaꞌ na bay tinuman meꞌ Tuhan janjiꞌ na ni bangsa Israil. Sat na jaꞌ, saꞌ na mimon panubuꞌ si Israil taawnan bangsa Israil sabanna.

1 Korin 6:2

Yaꞌ kina katoonan bi, bbos-bbos kitabi sukuꞌ Tuhan ngahukum mimon manusiyaꞌ ma yaꞌ pitsayaꞌ? Dari bong yaꞌ takaya bi nalassay sat palkalaꞌ dikiꞌ ni baanan siga danganakan bi, pooy na baw mintu meꞌ bi pandoy ngahukum mimon ma saꞌ sukuꞌ Tuhan?

1 Korin 8:3

Sugaꞌ soysoy ina maaseꞌ, iya na sina ngantanan pangahati sabanna.

Pilipi 1:22

Kamasaꞌ, bong itu ku masi binuwanan umu taꞌ junyaꞌ, meka gi kaayaran tapabuwat ku kalnaꞌ iya. Sangkon bong luu pagpenean ku tamban ni junyaꞌ atawa moleꞌ na pa mman Almasi, yaꞌ katoon-toonan ku bong mamooy na peneꞌ ku.

Hibrani 1:1

Maruhuꞌ, njataꞌ kanabi-nabihan man Tuhan bay masampay siga umanat na ni kabboꞌ-bboan tabi. Boꞌ kajinisan na jalan man Tuhan bay masampay siga umanat na ninsila kaniya-kaniya ka masa da.

1 Pitel 1:2

Halloman tabi yaꞌ gi bay lahil pa junyaꞌ, ndang katoonan Tuhan na pitsayaꞌ kitabi ni si Isa bbos-bbos. Dari man gantaan Tuhan, lay na kitabi sinutsiꞌ meꞌ Rū na. Maksud na supaya kitabi ngasip ni si Isa Almasi, maka supaya puwas na dusa tabi sabapan lahaꞌ si Isa bay pinaduwai kalnaꞌ kitabi. Kamura-murahan lipat man lipat na pin kasannangan ningkaam ka barakat man Tuhan.