Suwat si Pol pa mman Baanan Sukuꞌ si Isa ndooy ni Rom 11:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Kainagon ku ilohan na sila ningkaam sampay man da na pitsayaꞌ, boꞌ da sinalamat.

Suwat si Pol pa mman Baanan Sukuꞌ si Isa ndooy ni Rom 11:14 ပူးပေါင်းရင်းမြစ်များ

Panagnaan 29:14

Pag lupus, yuk si Laban, “Bana-bana du la Toꞌ rahasiyaꞌ ta ko.” Na luu jaꞌ siꞌ ga dambuwan halloman si Yaꞌkub ndooy man Paꞌ na Laban,

Suwat si Pol pa mman Baanan Sukuꞌ si Isa ndooy ni Rom 10:19

Na adakala luu na baw māꞌ ngkon siga Yahudi yaꞌ pitsayaꞌ sabap yaꞌ tahati da umanat mahap. Sugaꞌ daa kam hidjab, batan minsan ina siga bangsa kasohean lay du kahati sampay pitsayaꞌ. Sangkon luu bay sinuwatan meꞌ Nabi Musa njawom kitab ma tuwaꞌ pa bangsa Yahudi, ilooy ma yuk Tuhan, “Padangkiꞌ ta kam sina sampay man bi na lasu sabap patabeꞌ ku na du sina mintu ni sukuꞌ ku kabangsa-bangsahan ma tanyag ningkaam awam pasal aku.”

Suwat si Pol pa mman Baanan Sukuꞌ si Isa ndooy ni Rom 11:11

Na san ku ilay siꞌ bay nabbut si Isa meꞌ karuha batu man bangsa Yahudi sumantuk, saꞌ baw lay ga yaꞌ na luu dapat da sinalamat. Sugaꞌ sabapan dusa da nuwak umanat kasalamatan, lay na takka kasalamatan pa mman siga kabangsa-bangsahan ma saꞌ Yahudi. Maksud Tuhan ilay meꞌ looy, kawu-kawu ilohan na siga Yahudi ni kasalamatan ma bay tinuwak meꞌ da pag takita da na eka jama ma saꞌ Yahudi salamat.

1 Korin 1:21

Na Tuhan ina tud halul-akka batan ndang bay na ginantaꞌ meꞌ na jalan man manusiyaꞌ salamat. Jalan ma awnan ku ilay siꞌ yana meꞌ manusiyaꞌ pitsayaꞌ ni umanat mahap ma pinasaplag pasal Almasi. Salla na, binilang jaꞌ karupangan meꞌ sagannap ma mangaku halul-akka. Kon na ilay meꞌ looy sabap ndang yaꞌ katoonan da Tuhan.

1 Korin 10:33

Aku pun itu, inaa du aturan bean ku. Wā ku ngilag oy-oy pabuwatan ma binista meꞌ jama maat. Batan yaꞌ ku muhung kaayaran ni dī ku. Arapun ilooy ya puhung ku, kaayaran ni pagkahi ku manusiyaꞌ bong pin sila nammu jaꞌ kasalamatan.

1 Timuti 1:15

Na ituu tu bitsala kanaalla ka pataꞌ kinanna meꞌ sikamimon: Maksud si Isa Almasi bay pitu pa junyaꞌ supaya tasalamat na siga baldusa. Man ku kasiguru, batan bong kinawnan baldusa, yaꞌ luu bay lumabi man aku.

1 Timuti 2:4

Kainagon Tuhan ina mimon manusiyaꞌ salamat sampay kahati ni kabanahan.

1 Timuti 4:16

Paayad-ayad ko supaya yaꞌ luu salla ni kawul-piil nu atawa pun ni tōꞌ nu. Bong ina tud kanaalla du ko mmeꞌ ni palbiatan tuu, malaingkan saꞌ sat kau salamat, arapun sampay mimon ma pakale ni tōꞌ nu.

2 Timuti 1:9

Maka ndang-ndang, iya du bay nalamat kita sampay ngaliyun kita supaya kita dari sukuꞌ na ma sutsiꞌ halloman ta llum. Sugaꞌ iya ilay bay nalamat kita, saꞌ baw ga man sabapan ni lilingan na mahap arat-tabiat ta. Arapun kon na ilay bay nalamat kita sabap ndang inaa garaꞌ na yaꞌ gi san junyaꞌ bay pinapayak. Ndang luu na garaꞌ na makitahan manusiyaꞌ aseꞌ-tabang na njataꞌ pabuwatan si Isa Almasi.

2 Timuti 2:10

Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.

Taytus 3:5

Lay na ya nalamat kitabi. Boꞌ tud kainu-inu silay batan yaꞌ luu kaayaran bay pabuwat tabi gantaꞌ man tabi pataꞌ sinalamat. Arapun kon Tuhan bay nalamat kitabi sabap ehe timbang na ni manusiyaꞌ. Dari man sabapan pabuwatan si Isa Almasi, tukang nalamat kitabi, lay na puwasan Tuhan dusa tabi. Dari ko ngawon, lay na kosoan na atay tabi supaya kinaddoan dusa tabi. Boꞌ lay gi ya nupaatan kitabi ka Rū na, yana Rū Sutsiꞌ bay pinaasok njawom atay tabi. Dari sabapan Rū Sutsiꞌ, sibuꞌ na du kitabi ka lay na pinamaddihan pabalik, batan luu na kaallum tabi bahau.

Pilimun 1:12

Batnaa, ilu na sina ya papoleꞌ ku pa mman nu minsan ya meꞌ bigi jantung ku na.

Hibrani 1:14

Boꞌ siga malaikat ina sosohoan Tuhan sadjaꞌ sinohoꞌ ngayaran mimon manusiyaꞌ ma koleꞌ kasalamatan man Tuhan.

Hibrani 2:3

Na bong meꞌ looy bay katuwaꞌ ninsila, pooy meꞌ tabi kailag mulkaꞌ Tuhan bong pabiya tabi umanat kasalamatan, meꞌ naa na ehe hagaꞌ na? Umanat looy ilay, Papuꞌ Isa mismu bay duhuꞌ masaplag. Pag-anu, kuwan sila ma bay kale niiya balharapan, sila na baw bay masaplag sampay muwanan kitabi buktiꞌ tud bana bitsala na.

Yaꞌkub 5:20

Batan subay katoonan bi, bong ina luu jama bay takoleꞌ bi nohoꞌ ngalabbahan siga dusa na, lay na ya paddusan bi man jawom katiksaan nyawa. Dari san bay meka dusa na, lay na puwas. Ngkod tuu jaꞌ bitsala ku. Wassalam