Suwat si Pol pa mman Baanan Sukuꞌ si Isa ndooy ni Rom 10:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Boꞌ ni kapasal bangsa Israil, yuk Tuhan, “Hallom na silay ku bay nganjunjung nohoꞌ sila patapit niyaku. Sugaꞌ ni katohas kōk da, doman jaꞌ sila nguntra aku sampay yaꞌ ngasip.”

Suwat si Pol pa mman Baanan Sukuꞌ si Isa ndooy ni Rom 10:21 ပူးပေါင်းရင်းမြစ်များ

Lukas 24:47

Maka yuk si Isa, “Luu gi bay sinuwatan subay pinasaplag umanat mahap pasal Almasi ni mimon kabangsa-bangsahan nagnaꞌ mantuu ni Jerusalem. Subay jama binaan bong tawbatan da dusa da maka pitsayaꞌ ni Almasi, malaingkan inampun na sila meꞌ Tuhan.

1 Tesaloneka 2:16

Batan pag ndaꞌ da kami masaplag supaya luu dapat kabangsa-bangsahan saꞌ Yahudi salamat, buwatan da nulang kami. Tamba-manamba na pin eka dusa da sampay man da na song kalabuan mulkaꞌ Tuhan.

1 Pitel 2:8

Maka luu gi suwat njawom kitab pasal Almasi, ilooy ma yuk na, “Iya na sina batu man jama sumantuk sampay habbaꞌ.” Na ngkon da ilay binilang sumantuk niiya sabap yaꞌ sila kuhi pitsayaꞌ ni umanat mahap pasal iya. Mingkan man maruhuꞌ lagi, ndang ilooy na bay ginantaꞌ ni soysoy yaꞌ pitsayaꞌ.