Suwat si Pol pa mman Baanan Sukuꞌ si Isa ndooy ni Rom 10:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Na adakala luu na baw mintu māꞌ ngkon meka Yahudi yaꞌ pitsayaꞌ ni umanat mahap sabap yaꞌ sila bay kabaan. Sugaꞌ daa kam hidjab, batan yuk njawom kitab, “Umanat pasal Tuhan pinamahalayak ni mimon kalahat-lahatan. Tanyag na umanat looy ni sikaliput junyaꞌ.”

Suwat si Pol pa mman Baanan Sukuꞌ si Isa ndooy ni Rom 10:18 ပူးပေါင်းရင်းမြစ်များ

Matiyu 24:14

Na inawnan umanat mahap pasal pamarinta Tuhan, pinasaplag na pin sina mintu ni sikaliput junyaꞌ supaya luu na dapat mimon kabangsa-bangsahan ngahasi. Pag-anu, boꞌ takka na katapusan junyaꞌ.”

Matiyu 26:13

Baan ta kam banahan, nnoy-nnoy jaꞌ ina mintu man umanat mahap pinasaplag ni sikaliput junyaꞌ, tasabbut jaꞌ sina danda tuu pangintoman ni bay pabuwat na niyaku.”

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Matiyu 4:8

Pag-anu siꞌ, lay na baw ya binoo meꞌ Ibilis pa taꞌ punsak punu langkaw banahan. Ndooy siꞌ, lay na baw ya pinakitahan mimon kalahat-lahatan ni sikaliput junyaꞌ ddas ka pangaltaꞌ da ka kawasa pa-mmean da.

Malkus 16:15

Pag-anu, lay gi sila sinohoꞌ meꞌ si Isa, yuk na, “Lataan bi na junyaꞌ maka pasaplagun bi na umanat mahap pasal aku ni sikamimon manusiyaꞌ.

Malkus 16:20

Dari kuwan siga mulit na siꞌ, lay na ngalataan kalahat-lahatan masaplag umanat mahap pasal Papuꞌ Isa. Man kawasa na njataꞌ da, meka na sipat kahaylan-haylan bay tapōꞌ da bilang buktiꞌ ni sikamimon tud bana du umanat da.

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 26:20

Duhuꞌ-duhuꞌ man ku bay masaplag ndooy ni Damaskus. Pasunuꞌ, ndooy na baw ni Jerusalem. Paddus mandooy, boꞌ lay na ku ngalataan kakawum-kawman ni sikaliput Yahudiya. Lakka mandooy, lay na baw ku pilay pa kalahat-lahatan ga bangsa saꞌ Yahudi masaplag. Tōꞌ ku ninsila, subay sila nawbat ka maglillaꞌ pa Tuhan. Maka subay sila buwat kaayaran mari tumatandaꞌ lai na du labbahan da mimon dusa da.

Salsila siga Rasul 28:23

Dari lay na baw sila isun bong llaw oy tanam man da pakale ni bitsala si Pol. Na taabut llaw looy, meka na lay pilay pa lumaꞌ man si Pol. Pag-anu siꞌ, lay na sila pahatiyan si Pol kabanahan pasal pamarinta Tuhan. Boꞌ na, lay gi ya mōꞌ buktiꞌ man jawom saraꞌ Nabi Musa ka kitab kanabi-nabihan inaa si Isa yana tukang nalamat ma bay njanjiꞌ meꞌ Tuhan. Boꞌ tud bay pinagtuyuan bana meꞌ si Pol mitsalahan sila labba man sayu ngabut sampay sangom bong pin sila pitsayaꞌ jaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 1:8

Duhuꞌ-duhuꞌ bitsala ku, ni awon si Isa Almasi, magsuku ku pa Tuhan sabapan bi sikamimon. Magsuku ku sabap aka pasal pangando bi ni si Isa tanyag na ni sikaliput junyaꞌ.

Suwat si Pol pa mman Baanan Sukuꞌ si Isa ndooy ni Rom 15:19

Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.

1 Tesaloneka 1:8

Maka sabapan bi, lataꞌ na man umanat mahap pasal Papuꞌ Isa pinasaplag ni sikaliput Masidunya ka Akaya sampay pa kalahat-lahatan ni katāhan. Batan paninggai-paninggai jaꞌ kami, ndaꞌ kami luu na jaꞌ jama bay kaakahan pasal pangando bi ni Tuhan. Dari san kami yaꞌ na bay magtuyuꞌ mahati ninsila oy maka oy na.