Suwat si Pol pa mman Baanan Sukuꞌ si Isa ndooy ni Rom 10:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Salla na, dangkitiꞌ du jama pitsayaꞌ ni umanat mahap. Meꞌ bay halling Nabi Isaya njawom kitab, yuk na, “Ū Papuꞌ, adak yaꞌ bitu luu pitsayaꞌ ni umanat kami.”

Suwat si Pol pa mman Baanan Sukuꞌ si Isa ndooy ni Rom 10:16 ပူးပေါင်းရင်းမြစ်များ

Matiyu 13:14

Dari njataꞌ da lay na binakbul palman ma bay sinuwatan meꞌ Nabi Isaya maruhuꞌ-ruhuꞌ, ilooy ma yuk Tuhan, ‘Sigi-sigi sila pakale sugaꞌ yaꞌ du sila kuhi kahati. Wā sila ngandaꞌ sugaꞌ yaꞌ du sila kakila.

Yahiya 10:26

Sugaꞌ yaꞌ du kam kuhi pitsayaꞌ niyaku sabap saꞌ kam sukuꞌ ku.

Salsila siga Rasul 28:24

Dari kuwan kasohean, lay na du takoleꞌ binitsalahan, sugaꞌ kuwan kasohean, yaꞌ kuhi pitsayaꞌ.

Suwat si Pol pa mman Baanan Sukuꞌ si Isa ndooy ni Rom 1:5

Boꞌ iya na silay bay nguwakilan kami binuwat siga rasul na. Lay kami buwanan na kapatut masaplagan kabangsa-bangsahan nohoꞌ pitsayaꞌ sampay ngasip niiya, pamaehe bantug ni awon na.

Suwat si Pol pa mman Baanan Sukuꞌ si Isa ndooy ni Rom 11:17

Bana du baw silay bangsa Yahudi meꞌ sapantun disu kayu jaytun bay tinanom meꞌ Tuhan sampay inipat paayad. Salla na, meka na Yahudi meꞌ kadari engas lay na sinappean sabap yaꞌ sila kuhi pitsayaꞌ ni Almasi. Boꞌ kaam ma saꞌ bangsa Yahudi, meꞌ sapantun siga engas poon jaytun ma bay jaꞌ tomoꞌ di-dī na jawom tawun. Sugaꞌ song hallom lay na kam kinaddoꞌ man jawom tawun boꞌ pinatunggu meꞌ Tuhan ni poon jaytun looy siꞌ ma inipat paayad. Dari pag batnaa, hampit na du kam ni mimon ayad sambuhan poon jaytun looy ma inipat meꞌ Tuhan.

Suwat si Pol pa mman Baanan Sukuꞌ si Isa ndooy ni Rom 16:26

Pag batnaa, man kahandak Tuhan sabanna ma llum saumu-umu, lay na pinatallak umanat mahap ni mimon bangsa mari sila pitsayaꞌ ni si Isa sampay ngasip niiya.

Suwat si Pol pa mman Baanan Sukuꞌ si Isa ndooy ni Rom 2:8

Sugaꞌ luu baw sina kasohean ngulihal pa kaayaran ni dī da sadjaꞌ. Boꞌ nuwak gi sila kabanahan. Pagka doman jaꞌ sila pabingkok, mastiꞌ kalabuan jaꞌ sina sila mulkaꞌ Tuhan ni kaehe duga na ninsila.

Suwat si Pol pa mman Baanan Sukuꞌ si Isa ndooy ni Rom 3:3

Bana na, luu siga Yahudi yaꞌ kanaalla mmeꞌ ni Tuhan, sugaꞌ bong Tuhan, mastiꞌ kanaalla jaꞌ ya numan ilooy ma bay janjiꞌ na ni kabboꞌ-bboan tabi.

Suwat si Pol pa mman Baanan Sukuꞌ si Isa ndooy ni Rom 6:17

Na jaman bi ilay yaꞌ gi bay mmeꞌ ni si Isa, masi gi silay kam pinahata meꞌ napsu bi buwat dusa. Magsuku pa Tuhan, pag batnaa niyaꞌ na. Batan ni kahilas atay bi, lay na bean bi kabanahan ma bay tinōꞌ ningkaam.

Galatiya 3:1

Kuwan kaam baw nnaa ni Galatiya, subay ga kam jama yaꞌ luu panayu bi. Meꞌ bay na kam hinikmatan. Batan tatammu bi na baw ga mmeꞌ-mmeꞌ ni jama nnaa ma māꞌ subay bogbogan bi saraꞌ agama Yahudi boꞌ bi dari initung intong. Boꞌ ko, isu-isu kapatoy Almasi taꞌ tehang poonan manusiyaꞌ initung intong. Tud tallak na bilay la meꞌ ku bay mahatiyan kaam.

Galatiya 5:7

Kaam la maruhuꞌ, tud bay mahap meꞌ bi mmeꞌ ni kabanahan. Sugaꞌ pag batnaa, soy na baw ina bay moo-moo kaam magsiꞌ?

2 Tesaloneka 1:8

Iya ina mintu duwai ddas ka api noleyab man na midjalaꞌ sagannap ma nuwak Tuhan ka sagannap ma yaꞌ mmeꞌ ni umanat mahap pasal Papuꞌ tabi si Isa.

Hibrani 11:8

Damikiyan Nabi Ibrahim pun, sabapan pangando na pa Tuhan, lay jaꞌ du ya mmeꞌ ni panohoan Tuhan. Bay sohoꞌ Tuhan niiya, subay ya maglayin pa disu lahat ma bay njanjiꞌ meꞌ Tuhan pinamuwan niiya. Dari lay na jaꞌ ya ngambanan lahat na san yaꞌ gi bay tasayu na bong ninggai lahat looy man na bay tumiluꞌ.

Hibrani 4:2

Batan kitabi pun itu, lay na du kale umanat mahap pasal pahaliyan bay hinalliꞌ ningkitabi meꞌ karuha umanat bay takale leꞌ kabboꞌ-bboan tabi. Sat na jaꞌ kuwan ninsila, yaꞌ sila bay kapaasok sabap yaꞌ sila bay pitsayaꞌ ni umanat Tuhan ninsila.

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 2:8

Maka luu gi suwat njawom kitab pasal Almasi, ilooy ma yuk na, “Iya na sina batu man jama sumantuk sampay habbaꞌ.” Na ngkon da ilay binilang sumantuk niiya sabap yaꞌ sila kuhi pitsayaꞌ ni umanat mahap pasal iya. Mingkan man maruhuꞌ lagi, ndang ilooy na bay ginantaꞌ ni soysoy yaꞌ pitsayaꞌ.

1 Pitel 3:1

Na kuwan kaam karandahan, subay kam maglillaꞌ ni lla bi. Meꞌ naa ina, san sawpama lla bi nuwak umanat mahap pasal si Isa, balangkali taboo bi na sila pitsayaꞌ sabapan hāp arat-tabiat bi. Minsan ina kam yaꞌ na mitsalahan sila, kawu-kawu pitsayaꞌ na du sila ni si Isa