Suwat si Pol pa mman Baanan Sukuꞌ si Isa ndooy ni Rom 10:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Batan bong ina jama bana-bana pitsayaꞌ ni si Isa, malaingkan initung ya intong. Damikiyan, bong ya mangaku mmeꞌ ni si Isa, salamat na du ya.

Suwat si Pol pa mman Baanan Sukuꞌ si Isa ndooy ni Rom 10:10 ပူးပေါင်းရင်းမြစ်များ

Malkus 9:23

Yuk si Isa niiya, “Ongoy lay yuk nu, ‘bong siꞌ’ lagi? Yaꞌ bina luu tunmanūn basta ko pitsayaꞌ jaꞌ niyaku.”

Lukas 8:15

Boꞌ tanaꞌ looy ma mahap man bani looy bay sinaburan, tuwaꞌ pa sagannap ma bay kale umanat Tuhan, boꞌ kinanna meꞌ da ni kahilas atay da. Wā sila mean umanat looy san gi oy katuwaꞌ ninsila. Sangkon jinisan kaayaran na takita ni kaallum da. Kaayaran da ina, bong dalil ta pa tinanom, yaꞌ luu hantiꞌ da buwaꞌ, boꞌ ayad jaꞌ buwaꞌ da.”

Salsila siga Rasul 8:37

Pag tampung si Pilip, “Bong ko tud bana-bana pitsayaꞌ ni si Isa, dari ba.” “Ohoꞌ,” yuk manijel looy, “pitsayaꞌ na ku si Isa Almasi yana Anak Tuhan.”

Suwat si Pol pa mman Baanan Sukuꞌ si Isa ndooy ni Rom 10:11

Batan yuk njawom kitab, ‘Soysoy pitsayaꞌ niiya yaꞌ kaap-apan.’ ”

Suwat si Pol pa mman Baanan Sukuꞌ si Isa ndooy ni Rom 10:9

“Bong kam māꞌ ni pagkahi bi manusiyaꞌ si Isa yana Papuꞌ sampay bana-bana kam pitsayaꞌ lay ya pinakallum meꞌ Tuhan pabalik, salamat na sina kam.

Galatiya 2:16

Sugaꞌ batnaa, labbahan ta na pamiki meꞌ looy. Batan katoonan ta na, ilooy ya man manusiyaꞌ initung meꞌ Tuhan intong yana sabap meꞌ da pitsayaꞌ ni si Isa Almasi, saꞌ ga sabap meꞌ da mogbogan saraꞌ. Inaa sina kon kita bay pitsayaꞌ niiya. Tabista ta na yaꞌ luu san disu jama koleꞌ kaintongan pa Tuhan meꞌ na bay mogbogan saraꞌ.

Pilipi 3:9

Maka ituu gi tu hagaan niyaku ni hāl meꞌ ku initung meꞌ Tuhan intong. Sugaꞌ kaintongan ku itu, saꞌ ga sabap meꞌ ku bay mogbogan saraꞌ agama, arapun sabap meꞌ ku pitsayaꞌ ni si Isa Almasi. Batan kaintongan ku tu, yana ladjikiꞌ man Tuhan niyaku.

Hibrani 10:22

Patapit na kitabi pa Tuhan ni kahilas atay tabi ka ni kabasag pangando tabi niiya. Tatantu tabi na hinasi jaꞌ kitabi meꞌ Tuhan batan lay na sinutsiꞌ atay tabi ka lahaꞌ si Isa. Baran tabi pun, lay na du bay pinandi ka boheꞌ sutsiꞌ. Maka yaꞌ na du luu jawom honaꞌ-honaꞌ tabi ga masi kitabi dusahan pa Tuhan.

Hibrani 3:12

Sangkon siga danganakan, iyakin kam taggahaꞌ luu laat njawom pamiki bi moo kam yaꞌ pitsayaꞌ ni kabanahan sampay man bi na nikutan Tuhan sabanna ma llum saumu.

1 Yahiya 4:15

Dari soysoy ina mangaku si Isa yana Anak Tuhan, malaingkan tattog Tuhan niiya maka iya pun tattog du ni Tuhan.

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.