Suwat si Pol pa mman Baanan Sukuꞌ si Isa ndooy ni Rom 1:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Wā situ kam pakuhan ku duwaa, ilu na Tuhan pakale-kale, yana Tuhan ma inisbat meꞌ ku ni kahilas atay ku jawom ku masaplag umanat mahap pasal Anak na.

Suwat si Pol pa mman Baanan Sukuꞌ si Isa ndooy ni Rom 1:9 ပူးပေါင်းရင်းမြစ်များ

Malkus 1:1

Ituu tu umanat mahap pasal si Isa Almasi, yana Anak Tuhan. Duhuꞌ-duhuꞌ,

Lukas 18:1

Pag-anu, lay na baw si Isa muwan pamintangan ni siga mulit na supaya tahati da subay sila wā maku duwaa pa Tuhan. Maka subay sila yaꞌ jamu ngaholat duwaa da kinabbul.

Salsila siga Rasul 12:5

Kuwan siga sukuꞌ si Isa baw siꞌ tu, pag taaka da si Pitel lay njīl, buwatan da sigi-sigi makuhan iya duwaa pa Tuhan.

Salsila siga Rasul 19:21

Yaꞌ gi siꞌ hallom, maru na baw si Pol pabeleng pa Masidunya ka Akaya boꞌ na pawus pa Jerusalem. Maka angan-angan na, paddus man Jerusalem, subay du ya pilay pa Rom.

Salsila siga Rasul 24:14

Tuwan Gubnul, mangaku baw situ ku mmeꞌ ni lān kasalamatan ma baꞌ-bāꞌ siga pagkahi ku Yahudi ntuu magsāꞌ. Sugaꞌ bong baw inawnan Tuhan ma sumba ku, yana Tuhan kabboꞌ-bboan kami du. Maka pitsayaꞌ du baw situ ku ni mimon saraꞌ agama kami sampay na mimon suwat kanabi-nabihan njawom kitab.

Salsila siga Rasul 27:23

Ngkon ku tu kabāꞌ meꞌ tuu batan dabuhiꞌ, luu malaikat bay patammu niyaku. Lay ya sinohoꞌ pa mman ku meꞌ Tuhan, ilooy ma sumba ku saltaꞌ na ma dapu baran ku.

Salsila siga Rasul 3:26

Na panubuꞌ looy ilay siꞌ yana Ilooy ma Sutsiꞌ, ma wā mmeꞌ ni kahandak Tuhan, yana si Isa. Iya bay pinapitu meꞌ Tuhan duhuꞌ pa mman bangsa tabi Yahudi nabangan kitabi nikutan mimon kalaatan tabi.”

Suwat si Pol pa mman Baanan Sukuꞌ si Isa ndooy ni Rom 9:1

Na pasal pagkahi ku bangsa Israil ma nuwak Almasi, yana tukang nalamat man Tuhan, biddaꞌ na situ susa ku ninsila. Sila ilay sibuꞌ du ka danganakan ku. Tud yaꞌ kuhi maglumba karukkaan njawom atay ku batan yaꞌ sila pitsayaꞌ ni Almasi. Bong siꞌ bay dari, atas ku na pinagantiꞌ ninsila minulkaan sampay man ku na sakkat man Almasi bong pin sila tasalamat jaꞌ. Tud bana situ bitsala ku. Meꞌ aku itu njawman Almasi, yaꞌ ku nawakka ngandustaꞌ. Luu du situ Rū Sutsiꞌ māꞌ njawom honaꞌ-honaꞌ ku tud hilas bay halling ku siꞌ.

2 Korin 1:23

Na danan ku ilay yaꞌ na bay tabawus pilu pa Korin, ilu na Tuhan pakale-kale, man ku jaꞌ ngilagan paddi atay bi bong luu gi kam nnaa ma subay na pin sahawi ku.

2 Korin 11:31

Bay bitsala ku ilay siꞌ, tud bana silay. Tasayu du sina meꞌ ilooy ma tawop pinudji saumu-umu, yana Tuhan, Mmaꞌ Papuꞌ tabi si Isa.

Galatiya 1:20

Bana situ bitsala ku ni suwat tuu. Ilu na Tuhan pakale-kale. Yaꞌ ku pandoy ngandustaꞌ.

Epesus 6:18

Maka njawom bi makoy siga kalangkapan ma bay sabbut ku siꞌ, maku na pin kam duwaa pa Tuhan. Maka bean bi jaꞌ Rū Sutsiꞌ magmundaan kaam njawom bi maku tabang pa Tuhan. Meꞌ kaam ina sundalu Almasi, iyakin kam. Maka daa kam jamu makuhan siga pagkahi bi sukuꞌ Almasi duwaa pa Tuhan.

Pilipi 1:3

Tuktuk bi taintom ku, mehe meꞌ ku magsuku pa Tuhan.

Pilipi 1:4

Maka tuktuk kam pakuhan ku duwaa, tud mehe meꞌ ku gāk.

Pilipi 2:22

Boꞌ si Timuti itu, katoonan bi na du, ndang kanaalla ya man maruhuꞌ lagi. Ndang tigiꞌ ya nabangan aku masaplag umanat mahap meꞌ karuha anak-anak nabangan mmaꞌ na.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

1 Tesaloneka 1:2

Tuktuk kami itu maku duwaa pa mman Mmaꞌ tabi Tuhan, wā kami muwan pagsukuhan niiya sabapan bi. Kon kami magsuku batan taintom kami kaayaran bay pabuwat bi sabapan pangando bi ni Papuꞌ Isa maka ehe tabang bi ni jama sabapan aseꞌ bi ni Papuꞌ. Maka yaꞌ du takupan kami meꞌ bi yaꞌ kuhi ngalabbahan holat bi koleꞌ mimon ma bay njanjiꞌ meꞌ Papuꞌ tabi si Isa Almasi ni sukuꞌ na.

1 Tesaloneka 3:10

Dari sangom-llaw na situ tiniggohan meꞌ kami maku duwaa pa Tuhan. Kamura-murahan nduwan na kami meꞌ na sitammu ka kaam pabalik. Batan kainagon kami luu na kami nnaa muwansangan kaam mari magsasōng na pin hallot pangando bi.

1 Tesaloneka 5:17

Wā tiggohan bi maku duwaa pa Tuhan.

1 Timuti 2:7

Ituu situ kon ku bay pineneꞌ meꞌ Tuhan binuwat rasul na nohoꞌ masaplag umanat mahap ni siga bangsa saꞌ Yahudi. Toan ku sila supaya sila mangando ni si Isa Almasi ka pitsayaꞌ ni tōꞌ sabanna. Na pitsayaꞌ jama atawa niyaꞌ, basta kanaalla jaꞌ baw situ bitsala ku. Yaꞌ ku pandoy ngandustaꞌ.

2 Timuti 1:3

Mehe pagsukuhan ku pa Tuhan ma bay inisbat meꞌ kabboꞌ-bboan ku sampay na aku. Meꞌ aku itu ngisbat Tuhan, sannang na atay ku, batan katoonan ku yaꞌ na luu pabuwat ku ma nulang ni honaꞌ-honaꞌ ku. Magsuku ku pa Tuhan sabapan nu. Sangkon, tuktuk ku maku duwaa pa Tuhan, sangom na ka, llaw na ka, yaꞌ situ lipas meꞌ ku nabbut awon nu.

Pilimun 1:4

Tuktuk ku itu makuhan kau duwaa Pilimun, wā ku muwan pagsukuhan pa Tuhan sabapan nu.