Suwat si Pol pa mman Baanan Sukuꞌ si Isa ndooy ni Rom 1:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Duhuꞌ-duhuꞌ bitsala ku, ni awon si Isa Almasi, magsuku ku pa Tuhan sabapan bi sikamimon. Magsuku ku sabap aka pasal pangando bi ni si Isa tanyag na ni sikaliput junyaꞌ.

Suwat si Pol pa mman Baanan Sukuꞌ si Isa ndooy ni Rom 1:8 ပူးပေါင်းရင်းမြစ်များ

Matiyu 24:14

Na inawnan umanat mahap pasal pamarinta Tuhan, pinasaplag na pin sina mintu ni sikaliput junyaꞌ supaya luu na dapat mimon kabangsa-bangsahan ngahasi. Pag-anu, boꞌ takka na katapusan junyaꞌ.”

Lukas 2:1

Na jaman looy ilay, luu aturan bay pinōꞌ meꞌ panghuluꞌ parinta Rom, yana Sultan Agustus. Njawom aturan looy, mimon raayat ni kalahat-lahatan njawom ntanan na subay magrejistel pa parinta supaya kinatoonan bong dangoy eka raayat ni sakup na.

Salsila siga Rasul 11:28

Ilooy disu, yana si Agabus. Man kapandoyan Rū Sutsiꞌ, lay ya bay nunaꞌ, yuk na, “Yaꞌ na hallom, luu du sina takka gotom mehe ni sikaliput junyaꞌ.” Na bay tunaꞌ na ilay siꞌ lay du bana binakbul sasang si Kalawdiyus panghuluꞌ sultan ndooy ni Rom.

Salsila siga Rasul 28:22

Sugaꞌ ninggai-ninggai jaꞌ lahat, luu jaꞌ jama malaat ntan bahau ma kinapitsayaan meꞌ nu ka ga pagkahi nu. Dari doman kami kale bong oy njawom pamiki nu.”

Suwat si Pol pa mman Baanan Sukuꞌ si Isa ndooy ni Rom 10:18

Na adakala luu na baw mintu māꞌ ngkon meka Yahudi yaꞌ pitsayaꞌ ni umanat mahap sabap yaꞌ sila bay kabaan. Sugaꞌ daa kam hidjab, batan yuk njawom kitab, “Umanat pasal Tuhan pinamahalayak ni mimon kalahat-lahatan. Tanyag na umanat looy ni sikaliput junyaꞌ.”

Suwat si Pol pa mman Baanan Sukuꞌ si Isa ndooy ni Rom 16:19

Boꞌ kaam ina, kinatoonan na meꞌ sikamimon kanaalla kam mmeꞌ ni kahandak Papuꞌ Isa. Sangkon tud gāk ku ningkaam. Sugaꞌ doman na pin baw ku maintoman kaam supaya tiggo kam buwat kaayaran maka supaya yaꞌ luu kabigiꞌ-bigian bi ni kalaatan.

Suwat si Pol pa mman Baanan Sukuꞌ si Isa ndooy ni Rom 6:17

Na jaman bi ilay yaꞌ gi bay mmeꞌ ni si Isa, masi gi silay kam pinahata meꞌ napsu bi buwat dusa. Magsuku pa Tuhan, pag batnaa niyaꞌ na. Batan ni kahilas atay bi, lay na bean bi kabanahan ma bay tinōꞌ ningkaam.

1 Korin 1:4

Yaꞌ situ bakkat meꞌ ku magsuku pa Tuhan sabapan aseꞌ-tabang bay dean na kaam pagka tibuuk na kam ka si Isa Almasi.

2 Korin 2:14

Sugaꞌ san meꞌ looy, magsuku ku pa Tuhan sabap luu na pin ya magmundaan kami supaya wā kami tumanjataꞌ san gi oy katuwaꞌ ningkami. Kon meꞌ looy sabap tibuuk na kami ka Almasi. Batnaa pinakoy na pin situ kami meꞌ Tuhan ngalataan kalahat-lahatan masampay umanat mahap pasal Almasi. Umanat mahap ina meꞌ sapantun bawu insallan hamut ma muhag-muhag ni sikaliput lahat.

Epesus 1:15

Siga danganakan, lay du silay taaka ku habal pasal pangando bi ni Papuꞌ Isa ka aseꞌ bi ni mimon pagkahi bi sukuꞌ Tuhan.

Epesus 1:16

Sangkon yaꞌ na situ bay bakkat meꞌ ku magsuku pa Tuhan sabapan bi. Maka wā kam pakuhan ku duwaa.

Epesus 3:21

Kamura-murahan pinudji na pin Tuhan saumu-umu sabapan si Isa Almasi sampay man sabapan siga sukuꞌ na. Amin.

Epesus 5:20

Subay kam wā magsuku ni Mmaꞌ tabi Tuhan sabapan mimon supaat na njataꞌ tabi njawman Papuꞌ tabi si Isa Almasi.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Pilipi 1:3

Tuktuk bi taintom ku, mehe meꞌ ku magsuku pa Tuhan.

Kolossa 1:3

Siga danganakan, tuktuk kami itu makuhan kaam duwaa, wā kami muwan pagsukuhan pa Tuhan, yana Mmaꞌ Papuꞌ tabi si Isa Almasi.

1 Tesaloneka 1:2

Tuktuk kami itu maku duwaa pa mman Mmaꞌ tabi Tuhan, wā kami muwan pagsukuhan niiya sabapan bi. Kon kami magsuku batan taintom kami kaayaran bay pabuwat bi sabapan pangando bi ni Papuꞌ Isa maka ehe tabang bi ni jama sabapan aseꞌ bi ni Papuꞌ. Maka yaꞌ du takupan kami meꞌ bi yaꞌ kuhi ngalabbahan holat bi koleꞌ mimon ma bay njanjiꞌ meꞌ Papuꞌ tabi si Isa Almasi ni sukuꞌ na.

1 Tesaloneka 2:13

Tud yaꞌ na situ bakkat meꞌ kami magsuku pa Tuhan pasal meꞌ bi bay ngahasi umanat na ma bay pinasampay meꞌ kami ningkaam. Ndaꞌ kami, pag lay takale bi, magti bay tabista bi ilooy na palman Tuhan, saꞌ ga umanat bay jaꞌ tinulun-tulun meꞌ manusiyaꞌ. Boꞌ palman Tuhan ina, yaꞌ luu hantiꞌ na ngahalin pangatayan bi, sagannap ma pitsayaꞌ.

2 Tesaloneka 1:3

Siga danganakan, pataꞌ na du situ kami wā muwan pagsukuhan pa Tuhan sabapan bi, batan pabasag na pin pangando bi ni si Isa maka magsasōng na pin meꞌ bi sikaaseꞌ-kaaseꞌ.

2 Timuti 1:3

Mehe pagsukuhan ku pa Tuhan ma bay inisbat meꞌ kabboꞌ-bboan ku sampay na aku. Meꞌ aku itu ngisbat Tuhan, sannang na atay ku, batan katoonan ku yaꞌ na luu pabuwat ku ma nulang ni honaꞌ-honaꞌ ku. Magsuku ku pa Tuhan sabapan nu. Sangkon, tuktuk ku maku duwaa pa Tuhan, sangom na ka, llaw na ka, yaꞌ situ lipas meꞌ ku nabbut awon nu.

Pilimun 1:4

Tuktuk ku itu makuhan kau duwaa Pilimun, wā ku muwan pagsukuhan pa Tuhan sabapan nu.

Hibrani 13:15

Dari meꞌ kitabi itu tibuuk na ka si Isa, daa na tabi paagak mudji Tuhan. Maka baan tabi na jama pasal ehe kaayaran na. Batan pudji tabi ina meꞌ sapantun jakat songan tabi pa Tuhan.

1 Pitel 4:11

Sawpama lay kam kaladjikian kapandoyan magnasihat, subay kam magnasihat du. Sugaꞌ subay kabanahan jaꞌ pōꞌ man behe bi meꞌ saparati Tuhan mismu mitsala. Maka kaam ma luu kapandoyan bi sarī, subay pakoyun bi man nabangan jama. Maka ingatun bi, mimon anggawtaꞌ man bi nabang lakka man Tuhan. Meꞌ naa ina, man tabang si Isa Almasi, mimon pabuwat bi kaboo kabantugan pa Tuhan. Pudji tabi ya sabap tud tawop ya magbayaꞌ saumu-umu! Amin.