Suwat si Pol pa mman Baanan Sukuꞌ si Isa ndooy ni Rom 1:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

^3-4 Umanat mahap ina yana pasal Anak Tuhan, Papuꞌ tabi si Isa Almasi. Ni kapasal pagkamanusiyaꞌ na, panubuꞌ Sultan Daud ya. Ni kapasal pagkaTuhan na, sutsiꞌ gi ya man sutsiꞌ, boꞌ tumatandaꞌ na Anak Tuhan ya Sangat Kawasa sabap meꞌ na bay llum pabalik.

Suwat si Pol pa mman Baanan Sukuꞌ si Isa ndooy ni Rom 1:3 ပူးပေါင်းရင်းမြစ်များ

Panagnaan 3:15

Lagiꞌ na, pagsikagigit ta na sina kam ka danda tuu sampay na siga panubuꞌ bi sikaduwa. Sugaꞌ luu du sina mintu disu panubuꞌ danda tuu maā kau. Bbuwatan nu ina mintu ninduk tikod na, sugaꞌ pinipis du sina meꞌ na kōk nu.”

Matiyu 1:1

Ituu tu usuwan siga pangkatan kabboꞌ-bboan si Isa Almasi, panubuꞌ Sultan Daud, yana disu panubuꞌ Nabi Ibrahim.

Matiyu 1:16

si Yaꞌkub mmaꞌ si Yusup. Si Yusup lla si Mariyam ma bay mamaddihan si Isa, ma ginalla Almasi.

Matiyu 1:6

si Jesse mmaꞌ Sultan Daud. Na labba man jaman Sultan Daud ngabut sampay pa jaman bangsa Israil bay tasungkub ni bonoꞌ sampay binoo pa Babilon, ituu na siga pangkatan kabboꞌ-bboan si Isa: Sultan Daud mmaꞌ si Sulayman. Nneꞌ si Sulayman bay nda si Uriyas.

Matiyu 12:23

Pag ndaꞌ siga baanan jama ndooy pabuwatan si Isa, ilooy ma tud inu-inu sila labbasakayi sampay yuk dangan-padangan, “Batiꞌ ta iya na panubuꞌ Sultan Daud ilooy ma bay njanjiꞌ meꞌ Tuhan pinapitu.”

Matiyu 15:22

Ndooy siꞌ, luu disu danda bangsa Kanan lay pilay pa mman si Isa nganjunjung, yuk na, “Ū Tuwan, panubuꞌ Sultan Daud, panimbangan doꞌ ku sabap tud malasahi la anak ku bay inasok meꞌ seytan.”

Matiyu 26:63

Pag yaꞌ jaꞌ siꞌ nampung si Isa, mitsala na baw bbalik panghuluꞌ imam, yuk na, “Sapahan nu teꞌ ba batnaa ni awpan Tuhan sabanna ma llum saumu-umu bong bana kau na Almasi, yana Anak Tuhan.”

Matiyu 27:43

Baꞌ-bāꞌ na, mangando ya pa Tuhan maka mangaku ya Anak Tuhan. Bong ina ya kinaasean meꞌ Tuhan, mastiꞌ tinabang jaꞌ ya batnaa.”

Matiyu 3:17

Maka luu suwara man sulgaꞌ, yuk na, “Ituu tu Anak ku, kakasi ku. Kasulutan ku banahan niiya.”

Matiyu 9:27

Pag lakka ga si Isa mandooy, luu na baw duwa lalla buta patuhut ngahowapan iya, yuk da, “Ū panubuꞌ Sultan Daud, panimbangan doꞌ kami.”

Lukas 1:35

Pag tampung malaikat looy, “Luu du sina mintu Rū Sutsiꞌ takka pitu pa mman nu. Maka liput du sina ko meꞌ kawasa Tuhan Mahatinggi nganggaosan kau mari ko battong na. Sangkon anak nu ina mintu sutsiꞌ maka ginalla Anak Tuhan.

Lukas 1:69

Tinuman na situ meꞌ Tuhan bay janjiꞌ na ni awwal jaman, ilooy ma bay sohoꞌ na sinuwatan ni kanabi-nabihan. Batan luu na du sina papitu na pa mman tabi disu tukang nalamat. Iya ilay sukup kawasa maka panubuꞌ Sultan Daud.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:34

Boꞌ na, pagka tud lay na du bay takita ku meꞌ looy, ituu situ man ku kabāꞌ na basta tud mawjud du lalla looy Anak Tuhan.”

Yahiya 1:49

Pag tabista si Natanyel talus si Isa, ilooy ma yuk na, “Tuwan Guru, tud bana-bana du bitu la kau na Anak Tuhan, sultan bangsa kami Israil!”

Yahiya 10:30

Kami tu ka Mmaꞌ ku tibuuk.”

Yahiya 10:36

ongoy taggahaꞌ bāꞌ bi pangka pa Tuhan sukat ku bay mangaku Anak na? Padahal, aku na situ ilooy ma bay inuwakilan sampay pinapitu leꞌ Mmaꞌ ku Tuhan pa junyaꞌ majatu garaꞌ na.

Yahiya 20:28

Yuk si Tomas niiya, “Papuꞌ ta ko! Tuhan ta ko!”

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Yahiya 5:25

“Baan ta kam banahan, tapit banahan na situ waktu sagannap ma tiksaꞌ nyawa da kale suwara Anak Tuhan nginganan sila. Sagannap ma ngahasi iya, mastiꞌ koleꞌ kaallum bahau.

Yahiya 7:42

Saꞌ ba, yuk njawom kitab, Almasi konoꞌ panubuꞌ Sultan Daud maka lahil du ya ni Betlehem, kawum man Sultan Daud bay pinamaddihan?”

Salsila siga Rasul 2:30

“Na maruhuꞌ ilay, sasang Nabi Daud masi magsultan ni Israil, lay ya njanjian meꞌ Tuhan binuwanan disu panubuꞌ ma magsultan saumu-umu. Boꞌ lay gi sinapahan meꞌ Tuhan. Dari, lay na du kinanna meꞌ Nabi Daud. Maka taabut na bay nuwat bitsala looy siꞌ, ilooy ma yuk na, ‘Yaꞌ du ku pabiya nu ni tahanan jama matoy,’ maka ‘Yaꞌ du ku pabiya nu ngahaluꞌ njawom kubu,’ ndang katoonan Nabi Daud saꞌ du tuwaꞌ pa dī na. Arapun, meꞌ iya disu nabi, bay jaꞌ ya mōꞌ tunaꞌ pasal kadarihan panubuꞌ na ma bay bāꞌ Tuhan magsultan saumu-umu. Dari, sabapan tunaꞌ looy, tahati tabi na hantak bitsala Nabi Daud pinakallum du Almasi pabalik.

Salsila siga Rasul 3:13

Saꞌ situ man kami, arapun man kawasa Tuhan ma bay inisbat meꞌ Nabi Ibrahim, Nabi Isahak, Nabi Yaꞌkub sampay na kabboꞌ-bboan tabi kasohean. Tuhan ilay siꞌ bay ngulian lalla tuu man na muwan kabantugan mehe ni si Isa, lalla ma wā ngasip ni kahandak Tuhan. Ilooy na silay Isa ma bay pa-ntan bi pa mman Gubnul Pilatu sinohoꞌ pinapatoy. San ya adak na bay paddusan Gubnul Pilatu, lay gi sinaggaꞌ meꞌ bi.

Salsila siga Rasul 8:36

Sasang da palanja, lay na sila nakka disu lugar bohean. Pag-anu, yuk manijel looy ni si Pilip, “Alay la boheꞌ. Bong siꞌ kadarihan ningkau, pandihun doꞌ ku.”

Salsila siga Rasul 9:20

Ndooy siꞌ, magti du ya ngalataan siga langga bangsa Yahudi ndooy maan sila tud mattan du si Isa yana Anak Tuhan.

Suwat si Pol pa mman Baanan Sukuꞌ si Isa ndooy ni Rom 1:9

Wā situ kam pakuhan ku duwaa, ilu na Tuhan pakale-kale, yana Tuhan ma inisbat meꞌ ku ni kahilas atay ku jawom ku masaplag umanat mahap pasal Anak na.

Suwat si Pol pa mman Baanan Sukuꞌ si Isa ndooy ni Rom 4:1

Na pasal jama initung meꞌ Tuhan intong, mamintang jaꞌ kam ni bay jaman bboꞌ kami Nabi Ibrahim, yana poonan bangsa kami Yahudi.

Suwat si Pol pa mman Baanan Sukuꞌ si Isa ndooy ni Rom 9:5

Maka kabboꞌ-bboan kami ilay yana Nabi Ibrahim, Nabi Isahak ka Nabi Yaꞌkub. Boꞌ na, pōꞌ man bangsa kami lagi Almasi bong inikut usuwan pagkamanusiyaꞌ na. Iya ilay yana Tuhan, ilooy ma magbayaꞌ ni sikamimon. Pudji mehe niiya saumu-umu. Amin.

1 Korin 1:9

Tuhan ina taasahan. Boꞌ iya na sina bay ngaliyun kitabi supaya kitabi kapagrahasiyaꞌ na ka Anak na, yana Papuꞌ tabi si Isa Almasi.

1 Korin 10:18

Mamintang jaꞌ kam ni arat bangsa Israil. Tuktuk da mangan sumbalian kulban ma bay sinongan pa Tuhan, magtibuuk sila numba Tuhan. Siga kapil pun ina, tuktuk da mangan sumbalian kulban ma bay sinongan ni tuhan-tuhan da, magtibuuk du sila numba tuhan-tuhan da.

Galatiya 4:4

Sugaꞌ pag taabut na gantaan Tuhan, lay na papitu na Anak na pa junyaꞌ, boꞌ na dari manusiyaꞌ pinamaddihan leꞌ danda meꞌ karuha kitabi du. Maka iya ilay bay du lumingkaꞌ njawman sakup saraꞌ Nabi Musa.

1 Tesaloneka 1:10

Maka lay gi sila māꞌ ngagad na kam ni Anak na, yana si Isa, pabeleng pa junyaꞌ man sulgaꞌ. Maka yuk da, pitsayaꞌ kam pus si Isa bay pinapatoy, lay na ya pinakallum meꞌ Mmaꞌ na Tuhan. Maka pitsayaꞌ na du kam iya tukang maddusan siga sukuꞌ na man mulkaꞌ Tuhan ma takka bbos-bbos.

1 Timuti 2:5

Kabanahan ina meꞌ tuu: Tuhan ina disu du. Damikiyan, disu du utusan ni antaraꞌ Tuhan ka manusiyaꞌ, yana si Isa Almasi, pagkahi tabi manusiyaꞌ.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

2 Timuti 2:8

Kannahun na pin kabanahan pasal si Isa Almasi. Numbul satu, pus na bay pinapatoy, lay du ya pinakallum pabalik. Maka iya na Sultan bay tinunaꞌ mattoꞌ, ma panubuꞌ Sultan Daud. Inaa ina yana umanat mahap ma ndang pinasaplag meꞌ ku.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

1 Yahiya 3:23

Ga panohoan na ina meꞌ tuu: Subay kitabi pitsayaꞌ ni Anak na si Isa Almasi. Maka subay kitabi sikaaseꞌ-kaaseꞌ batan ndang inaa bay sohoꞌ si Isa ningkitabi.

1 Yahiya 3:8

Sugaꞌ sagannap ma amu-amu buwat dusa, tumatandaꞌ anak Ibilis sila. Kon sila taawnan anak Ibilis batan Ibilis ndang nabiat buwat dusa labba man awwal tagnaꞌ lagi. Lipara bay na pinapitu Anak Tuhan pa junyaꞌ ngalangkat kawasa Ibilis ma moo-moo manusiyaꞌ buwat dusa.

1 Yahiya 4:15

Dari soysoy ina mangaku si Isa yana Anak Tuhan, malaingkan tattog Tuhan niiya maka iya pun tattog du ni Tuhan.

1 Yahiya 5:1

Na sagannap ma pitsayaꞌ si Isa yana Almasi, sila na bay dari anak Tuhan. Maka bong ina kitabi maasean Mmaꞌ tabi Tuhan, mastiꞌ maaseꞌ du kitabi ni siga pagkahi tabi anak Tuhan.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

1 Yahiya 5:5

Dari sagannap ma pitsayaꞌ si Isa yana Anak Tuhan, sila du sina ngantanan gaos nuwak siga sasat njawom junyaꞌ.

2 Yahiya 1:7

Batnaa tu, meka na guru palsu ni junyaꞌ magsian jama. Baꞌ-bāꞌ da, si Isa saꞌ Almasi bay pitu pa junyaꞌ magbaran manusiyaꞌ. Pangandustaꞌ sila maka tukang nguntra Almasi.

Siga Pakaradjaan bay Pinalahil 2:18

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Tayatira. Bong ko nuwat, yuk nu meꞌ tuu, “Bitsala tuu lakka man Anak Tuhan. Mata na meꞌ dagbos api noleyab ka battis na subay ga tumbagaꞌ porol ma bay pinangiin. Yuk na meꞌ tuu,