Suwat si Pol pa mman Baanan Sukuꞌ si Isa ndooy ni Rom 1:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Batan subay siꞌ Tuhan Sangat Kawasa ma llum saumu-umu sumba da. Boꞌ sila, ilooy ya sumba da siga tuhan-tuhan ma bay jaꞌ pinabuwat meꞌ dagbos manusiyaꞌ, atawa meꞌ dagbos ga manuk-manuk ka ga hayop sampay ga mananap.

Suwat si Pol pa mman Baanan Sukuꞌ si Isa ndooy ni Rom 1:23 ပူးပေါင်းရင်းမြစ်များ

Salsila siga Rasul 10:12

Njawom siob looy, luu jinisan sattuwa ka ga balnyawa ma maglelehan taꞌ gumi sampay jinisan manuk-manuk.

Salsila siga Rasul 17:29

Dari pagka kitabi anak Tuhan, daa na kitabi ngingat Tuhan meꞌ karuha siga jama-jama bay jaꞌ pinabuwat meꞌ manusiyaꞌ ka mmas atawa pilak porol atawa batu. Siga jama-jama meꞌ looy ilay lay jaꞌ tinulun-tulun meꞌ pamiki manusiyaꞌ.

Suwat si Pol pa mman Baanan Sukuꞌ si Isa ndooy ni Rom 1:25

Kon ilay meꞌ looy sabap yaꞌ sila kuhi pitsayaꞌ ni kabanahan pasal Tuhan. Iya kapitsayaan da yana dustaꞌ. Batan tatammu da ga ngisbat sampay numba kajinisan ma bay jaꞌ pinapayak. Boꞌ Tuhan ma bay mapayak mimon-mimon, niyaꞌ san isbat da. Mingkan, isu-isu iya pataꞌ pinudji meꞌ mimon manusiyaꞌ saumu-umu. Amin.

1 Korin 12:2

Batan bay jaman bi ina yaꞌ gi pitsayaꞌ ni si Isa Almasi, katoonan bi du, bay jaꞌ kam taboo-boo numba siga tuhan-tuhan yaꞌ san kabitsala.

1 Pitel 4:3

Sangkon kuwan kaam, ddong na kam malātan waktu bi ngakig uwahan jama ma yaꞌ ngisbat Tuhan. Sila ina maabak jinisan kalaatan meꞌ sapantun magjina, maka nganduwan oy-oy napsu ma maat sampay maglangohan. Boꞌ mmeꞌ gi sila ni baanan danda ka lalla buwat kasabuhan. Maka luu gi sarī pabuwat da ma tagga pa Tuhan meꞌ sapantun numba siga tuhan-tuhan.

Siga Pakaradjaan bay Pinalahil 9:20

Sugaꞌ san meꞌ looy, kuwan manusiyaꞌ ma yaꞌ bay matoy leꞌ siga balaꞌ looy, masi du yaꞌ bay kuhi magsiddik. Gam pin amu-amu sila numba siga seytan ka ga tuhan-tuhan ma bay jaꞌ pinabuwat ka mmas, pilak porol, tumbagaꞌ, batu atawa kayu. Mingkan siga tuhan-tuhan meꞌ looy ilay, yaꞌ san ngita, yaꞌ san kale, sampay yaꞌ san kapalān.