Suwat si Pol pa mman Baanan Sukuꞌ si Isa ndooy ni Rom 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

Suwat si Pol pa mman Baanan Sukuꞌ si Isa ndooy ni Rom 1:1 ပူးပေါင်းရင်းမြစ်များ

Malkus 1:14

Na song hallom, kuwan si Yahiya, lay na baw sinungkuban sampay lay na tajīl sabap meꞌ na bay nahawi Gubnul Herod pasal dusa na. Kuwan si Isa, lay na pabeleng pa Jalil masaplag umanat mahap man Tuhan,

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 15:15

Na meꞌ kaam ina ngawnan aku Papuꞌ bi, subay ga kam ata ku. Sugaꞌ bong inawnan ata ina, yaꞌ katoonan da bong oy garaꞌ papuꞌ da. Sangkon yaꞌ na kam awnan ku ata ku. Arapun awnan ta na kam bagay, batan lay na kam baan ku mimon ma bay takale ku man Mmaꞌ ku.

Yahiya 15:20

Ingatun bi meꞌ halling sambat ku na siꞌ, ‘Yaꞌ sina luu ata patingkat labi gi man papuꞌ na.’ Sangkon, pagka aku bay nilaugan meꞌ da, kaam pun ina mastiꞌ nilaugan du. Bong siꞌ ilay ndang bay kinanna meꞌ da tōꞌ ku, malaingkan ningkaam pun ina, kinanna du.

Salsila siga Rasul 13:9

Na si Sol siꞌ tu ma inawnan du si Pol ssob na meꞌ Rū Sutsiꞌ. Pag ndaꞌ na meꞌ looy na kadari si Elimas, lay pinatong meꞌ si Pol sambayan na pinahallingan, yuk na,

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Salsila siga Rasul 21:40

Lay jaꞌ siꞌ ya pinadari, lay doꞌ ya paawop ni baanan Yahudi looy sasang na nangge ni kōk haron. Pag-anu, lay na ya ngisalat ni ga jama looy nohoꞌ diyam-diyam. Yaꞌ jaꞌ siꞌ sila hibuk, lay na ya mitsala ninsila makoy pallun da mismu, yana Hibrani.

Salsila siga Rasul 22:21

“Sugaꞌ yuk Papuꞌ niyaku, ‘Daa na ba. Lakka na ko mantuu batan sohoꞌ ta na ko pa katāhan masaplag ni kabangsa-bangsahan saꞌ Yahudi.’ ”

Salsila siga Rasul 22:7

Dari siꞌ, lay na ga ku humantak taꞌ tanaꞌ maka luu na suwara takale ku mitsala niyaku, yuk na, ‘Sol, ū Sol, ongoy ko ngalaugan aku?’

Salsila siga Rasul 26:1

Pag-anu siꞌ, yuk Sultan Agripa ni si Pol, “Pilayun teꞌ. Mitsala na ko.” Dari ilooy ma ngisalat na si Pol ka tangan na boꞌ na mitsala, yuk na,

Salsila siga Rasul 26:14

Pag-anu, lay na ga kami humantak sikamimon taꞌ tanaꞌ. Boꞌ luu gi takale ku suwara ni pallun kami Hibrani, yuk na, ‘Sol, ū Sol, ongoy ko ngalaugan aku? Midjalaꞌ jaꞌ bina ko dī nu nulang aku.’

Salsila siga Rasul 27:23

Ngkon ku tu kabāꞌ meꞌ tuu batan dabuhiꞌ, luu malaikat bay patammu niyaku. Lay ya sinohoꞌ pa mman ku meꞌ Tuhan, ilooy ma sumba ku saltaꞌ na ma dapu baran ku.

Salsila siga Rasul 9:15

Sugaꞌ yuk Papuꞌ Isa ni si Ananiyas, “San na ko, subay sina ko pilay. Lalla looy ilay bay peneꞌ ku tukang masaplag pasal aku ni kabangsa-bangsahan saꞌ Yahudi sampay ni ga sultan da maka ni siga pagkahi nu bangsa Israil.

Suwat si Pol pa mman Baanan Sukuꞌ si Isa ndooy ni Rom 1:16

Tud manganna situ ku ni kawasa Tuhan njawom umanat mahap tuktuk na pinasaplag. Sangkon yaꞌ ku loman masaplag. Batan katoonan ku mimon jama ma pitsayaꞌ ni umanat mahap tattap jaꞌ nammu kasalamatan, nagnaꞌ man bangsa Yahudi sampay pa kabangsa-bangsahan ma saꞌ Yahudi.

Suwat si Pol pa mman Baanan Sukuꞌ si Isa ndooy ni Rom 1:5

Boꞌ iya na silay bay nguwakilan kami binuwat siga rasul na. Lay kami buwanan na kapatut masaplagan kabangsa-bangsahan nohoꞌ pitsayaꞌ sampay ngasip niiya, pamaehe bantug ni awon na.

Suwat si Pol pa mman Baanan Sukuꞌ si Isa ndooy ni Rom 1:9

Wā situ kam pakuhan ku duwaa, ilu na Tuhan pakale-kale, yana Tuhan ma inisbat meꞌ ku ni kahilas atay ku jawom ku masaplag umanat mahap pasal Anak na.

Suwat si Pol pa mman Baanan Sukuꞌ si Isa ndooy ni Rom 11:13

Na kaam ina ma saꞌ bangsa Yahudi, katoonan bi du sina, lay ku pineneꞌ meꞌ Tuhan binuwat disu rasul si Isa nohoꞌ masaplag umanat mahap ningkaam. Dari man sabapan sangsāꞌ ku, meka na supaat man Tuhan lay na takoleꞌ bi. Boꞌ wā situ ku nuntutan siga pagkahi ku Yahudi pasal pabuwatan ku ningkaam.

Suwat si Pol pa mman Baanan Sukuꞌ si Isa ndooy ni Rom 15:16

Aku itu bay pineneꞌ binuwat sosohoan si Isa Almasi kalnaꞌ siga bangsa ma saꞌ Yahudi. Pabuwatan ku tu meꞌ karuha imam batan masaplag ku umanat mahap man Tuhan ninsila. Kuwan sagannap ma pitsayaꞌ, sila meꞌ sapantun jakat sinongan meꞌ ku pa Tuhan. Boꞌ tinimaꞌ jaꞌ sina sila meꞌ Tuhan sabap lay na sinutsiꞌ pangatayan da meꞌ Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 15:29

Bong ina ku mintu takka na pilu, basta saliꞌ-saliꞌ na sina kitabi koleꞌ kaayaran man sabapan pagkatibuuk tabi ka Almasi.

Suwat si Pol pa mman Baanan Sukuꞌ si Isa ndooy ni Rom 16:18

batan sila ina, saꞌ Papuꞌ tabi si Isa Almasi pakutuꞌ da. Iya paabak da meꞌ da nganduwan napsu da. Alistu sila mitsala sampay malambu tinga jama man da ngandupang jama awam.

Suwat si Pol pa mman Baanan Sukuꞌ si Isa ndooy ni Rom 16:25

Na katapusan bitsala ku, pudji tabi Tuhan. Iya ina nganggaosan kaam mari kam yaꞌ usik man umanat ma bay tinōꞌ ningkaam. Umanat ma awnan ku yana umanat mahap pasal si Isa Almasi ma pinasaplag meꞌ ku. Umanat mahap itu, ndang luu na njawom siga suwat kanabi-nabihan, sat na jaꞌ yaꞌ gi bay tumampak kamaatunan na.

1 Korin 1:1

Ituu itu aku, yana si Pol, bay pineneꞌ leꞌ Tuhan binuwat disu rasul si Isa Almasi. Itu suwat kami ka danganakan tabi si Sostinis

1 Korin 9:1

Kamasaꞌ, meꞌ aku tu disu jama ma mmeꞌ na ni Almasi, sumunsayaꞌ jaꞌ situ ku mangan oy-oy karomanan ku. Ndang tahati ku hāl meꞌ tuu batan aku disu rasul Almasi. Tandaꞌ aku rasul sabanna, mata ku mismu ma duwa bay ngita iya bay nammuhan aku. Sarī gi, danan bi lay na dari sukuꞌ Almasi sabapan sangsāꞌ ku du.

2 Korin 1:1

Ituu itu aku, yana si Pol, disu rasul si Isa Almasi man kahandak Tuhan. Suwat tuu lakka man kami ka danganakan tabi si Timuti pa mman bi ma mmeꞌ ni si Isa, yana sukuꞌ Tuhan nnaa ni Korin sampay ni sikaliput Akaya.

2 Korin 11:5

Sugaꞌ bistahan ku, san gi soy guru bi nnaa ma kanna bi rasul si Isa ninggi taꞌ mimon rasul, basta yaꞌ baw tu ku tamban leꞌ da.

2 Korin 11:7

Bay jaman ku noan kaam nnaa umanat mahap pasal Almasi, yaꞌ ku bay pingkaꞌ maku hasil. Bay jaꞌ ku magpadiyoꞌ para kaayaran ningkaam. Bong ningkaam, dari dusa kilay niyaku sukat ku yaꞌ bay maku hasil?

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

2 Korin 2:12

Na ni bay palanan ku masampay umanat mahap pasal Almasi, lay ku bay nakka Troas. Ndooy siꞌ, lay na ku binuwanan lawang meꞌ Tuhan masaplag.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

Galatiya 1:1

Ituu itu aku, yana si Pol, disu rasul si Isa Almasi. Itu suwat ku pa mman bi siga baanan sukuꞌ si Isa nnaa ni sikaliput Galatiya. Ni kapasal pagkarasul ku itu, saꞌ manusiyaꞌ bay nguwakilan aku nohoꞌ masaplag. Ilooy ya bay nguwakilan aku yana si Isa Almasi mismu ka Mmaꞌ tabi Tuhan ma bay makallum iya pabalik. Duhuꞌ-duhuꞌ bitsala ku, salam duwaa ningkaam man kami ka mimon soheꞌ ku ntuu ma pitsayaꞌ ni si Isa.

Epesus 1:1

Ituu itu aku, yana si Pol, disu rasul si Isa Almasi man kahandak Tuhan. Itu suwat ku pa mman bi siga sukuꞌ Tuhan, yana kaam ma magkanaalla mmeꞌ ni si Isa Almasi nnaa ni Epesus.

Epesus 1:13

Na kaam pun nnaa, meꞌ kami na du sina kam bay lliyun binuwat sukuꞌ Tuhan. Batan pag lay jaꞌ takale bi kabanahan, yana umanat mahap pasal kasalamatan, lay na du kam pitsayaꞌ ni Almasi. Pag-anu, boꞌ bi bay pinaasokan Rū Sutsiꞌ meꞌ ndang bay njanjiꞌ meꞌ Tuhan, tandaꞌ sukuꞌ na na kam.

Epesus 4:11

Na ni kapasal jinisan kapandoyan bilang ladjikiꞌ ma ndean meꞌ Almasi, kasohean jama pineneꞌ binuwat rasul na. Kasohean binuwat tukang masampay siga umanat bay pinalahil meꞌ Rū Sutsiꞌ ninsila. Kasohean binuwat tukang masaplag umanat mahap. Kasohean pineneꞌ binuwat pa-mmean ngayaran siga baanan sukuꞌ si Isa. Maka kasohean binuwat guru.

Pilipi 1:1

Ituu itu kami, si Pol ka si Timuti. Kami itu siga ata si Isa Almasi. Itu suwat kami pa mman bi sukuꞌ Tuhan njawman Almasi nnaa ni Pilipi sampay pa mman siga pa-mmean bi ka siga tatabang da.

Pilipi 2:11

Boꞌ da mangaku na si Isa Almasi yana Papuꞌ, pamaehe sanglit ni Mmaꞌ tabi Tuhan.

Kolossa 1:1

Ituu itu aku, yana si Pol, disu rasul si Isa Almasi man kahandak Tuhan. Itu suwat kami ka danganakan tabi si Timuti

Kolossa 1:25

Aku tu lay pineneꞌ meꞌ Tuhan binuwat sosohoan na kalnaꞌ kaam kabangsa-bangsahan ma saꞌ Yahudi. Sangkon tuyuan ku ngalataan kalahat-lahatan bi masaplag umanat Tuhan.

1 Tesaloneka 2:8

Tandaꞌ ehe aseꞌ kami ningkaam, sarī man umanat mahap man Tuhan bay pasampay kami ningkaam, lay gi du atas kami narapan umu kami kalnaꞌ kaam. Tud maaseꞌ kami ningkaam.

1 Tesaloneka 2:9

Siga danganakan, tamasa bi na du silay bay jaman kami masaplag umanat mahap man Tuhan ni daira bi, yaꞌ du bay man bi tiksaꞌ. Batan sangom-llaw na kami bay magtuyuꞌ ngusahān dī kami bong pin yaꞌ jaꞌ kam paya malanjaan kami.

1 Timuti 1:1

Ituu itu aku, yana si Pol, disu rasul si Isa Almasi man panohoan Tuhan, yana poonan kasalamatan tabi maka man panohoan si Isa Almasi, yana pag-asa tabi.

1 Timuti 2:7

Ituu situ kon ku bay pineneꞌ meꞌ Tuhan binuwat rasul na nohoꞌ masaplag umanat mahap ni siga bangsa saꞌ Yahudi. Toan ku sila supaya sila mangando ni si Isa Almasi ka pitsayaꞌ ni tōꞌ sabanna. Na pitsayaꞌ jama atawa niyaꞌ, basta kanaalla jaꞌ baw situ bitsala ku. Yaꞌ ku pandoy ngandustaꞌ.

2 Timuti 1:11

Kuwan aku, lay na ku peneꞌ Tuhan binuwat disu rasul ka guru supaya tapasaplag ku umanat mahap.

Taytus 1:1

Ituu itu aku, si Pol, disu ata Tuhan saltaꞌ na rasul si Isa Almasi. Itu suwat ku pa mman nu Taytus. Meꞌ ku ngingat, sibuꞌ du ko ka anak ku rahasiyaꞌ sabap meꞌ ta dambuwaꞌ atay pitsayaꞌ ni umanat mahap pasal si Isa. Kamura-murahan binuwanan na pin ko kasannangan ka barakat meꞌ Mmaꞌ tabi Tuhan ka tukang nalamat kitabi, yana si Isa Almasi. Ndang katoonan nu du, meꞌ aku disu rasul, bay ku kawakilan noan sagannap ma bay peneꞌ Tuhan supaya patakkoꞌ pangando da ni si Isa. Kamura-murahan man sabapan umanat mahap ma pasampay ku, pasōng du dawom da ngakig arat-tabiat Tuhan. Boꞌ na, bong siꞌ ina umanat mahap kinapitsayaan, tatantu jama luu na kasampulnaan nyawa da saumu-umu. Kasampulnaan nyawa ina, ndang lay na bay njanjiꞌ meꞌ Tuhan ni manusiyaꞌ maruhuꞌ-ruhuꞌ lagi. Boꞌ bila ina Tuhan, yana tukang nalamat kitabi, bay nganjanjiꞌ, mastiꞌ mmeꞌ jaꞌ ya ni lapa na. Dari pag taabut masa ma bay ginantaꞌ meꞌ Tuhan, lay na pinalahil meꞌ na si Isa yana lān man manusiyaꞌ koleꞌ kaallum bahau. Na umanat mahap pasal kaallum bahau ina, yana umanat ma bay sinohoꞌ pinasaplag niyaku.

Hibrani 5:4

Ni hāl meꞌ meneꞌ panghuluꞌ imam, yaꞌ dari jama meneꞌ dī na ni ntan bantug meꞌ looy. Ilooy du dari meneꞌ yana Tuhan mismu meꞌ bay karuha jaman na bay meneꞌ Imam Harun.

Hibrani 7:26

Danan si Isa ilay tawop binuwat panghuluꞌ imam ma asahan tabi sabap sutsiꞌ ya. Yaꞌ luu sutsutan njataꞌ na maka yaꞌ luu tamak na. Yaꞌ ya bay pingkaꞌ mmeꞌ meꞌ uwahan siga baldusa. Maka sa langkaw-langkaw langit, mas langkaw gi kabantugan na ka kapatut na.

Yaꞌkub 1:1

Ituu itu aku, si Yaꞌkub, disu ata Tuhan ka Papuꞌ tabi si Isa Almasi. Itu suwat ku pa mman bi siga sukuꞌ Tuhan ma magkanatan ni kalahat-lahatan, yana kaam ma meꞌ aku du tabeꞌ ni panubuꞌ siga anak Nabi Yaꞌkub sikasapu-duwa. Salam duwaa ningkaam sikamimon.

1 Pitel 4:17

Batnaa tu, taabut na masa man Tuhan ngahukum manusiyaꞌ. Boꞌ nagnaꞌ na ya ka kitabi siga sukuꞌ na. Na bong kitabi ma intong subay lumingkaꞌ njawom kamalasahiyan, bistahan bi oy na baw mintu katuwaꞌ ni sagannap ma yaꞌ kuhi mmeꞌ ni umanat mahap man Tuhan?

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.

Siga Pakaradjaan bay Pinalahil 1:1

Isi kitab tuu yana siga pakaradjaan ma bay pinalahil meꞌ si Isa Almasi, yana hāl ma yaꞌ na hallom talpaksaꞌ tinakdil. Labbasakayi lay na bay pinamāꞌ meꞌ Tuhan ni si Isa supaya tapalahil na meꞌ na ni siga sosohoan na. Meꞌ si Isa bay malahil, lay ya bay nohoꞌ malaikat na pa mman sosohoan na si Yahiya, yana aku.

Siga Pakaradjaan bay Pinalahil 22:6

Pag-anu, yuk malaikat looy siꞌ niyaku, “Na ilooy ilay siꞌ mimon ma bay bināꞌ ningkau, kanaalla jaꞌ silay maka taasahan. Maruhuꞌ ilay, siga kanabi-nabihan bay sohoꞌ Papuꞌ ta Tuhan malahil kabanahan. Pag batnaa, itu na baw ku, disu malaikat na, sohoꞌ na malahil ningkaam, siga sosohoan na, hāl ma deꞌ-dēꞌ na binakbul.”

Siga Pakaradjaan bay Pinalahil 22:9

Sugaꞌ yuk na niyaku, “Uy, daa ba. Tuhan jaꞌ sumbahun. Aku bitu ata Tuhan sadjaꞌ meꞌ kau du ka siga danganakan nu sukuꞌ Tuhan. Saliꞌ du kitabi ata Tuhan sadjaꞌ meꞌ karuha kanabi-nabihan ka mimon ma mogbogan isi kitab tuu.”