Siga Pakaradjaan bay Pinalahil 9:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Sugaꞌ san meꞌ looy, kuwan manusiyaꞌ ma yaꞌ bay matoy leꞌ siga balaꞌ looy, masi du yaꞌ bay kuhi magsiddik. Gam pin amu-amu sila numba siga seytan ka ga tuhan-tuhan ma bay jaꞌ pinabuwat ka mmas, pilak porol, tumbagaꞌ, batu atawa kayu. Mingkan siga tuhan-tuhan meꞌ looy ilay, yaꞌ san ngita, yaꞌ san kale, sampay yaꞌ san kapalān.

Siga Pakaradjaan bay Pinalahil 9:20 ပူးပေါင်းရင်းမြစ်များ

Matiyu 21:32

Batan kaam ina, jaman si Yahiya ma Tukang Mandi bay pitu makitahan kaam lān intong tinūs pa Tuhan, yaꞌ kam bay kuhi pitsayaꞌ niiya. Gam gi siga tukang ninga sukay ka ga puta pitsayaꞌ lagi. Boꞌ ilooy gi laat na, san lay na takita bi lay na paayad kawul-piil da, masi du kam yaꞌ pitsayaꞌ ni umanat si Yahiya sampay nawbat.”

Salsila siga Rasul 17:29

Dari pagka kitabi anak Tuhan, daa na kitabi ngingat Tuhan meꞌ karuha siga jama-jama bay jaꞌ pinabuwat meꞌ manusiyaꞌ ka mmas atawa pilak porol atawa batu. Siga jama-jama meꞌ looy ilay lay jaꞌ tinulun-tulun meꞌ pamiki manusiyaꞌ.

Salsila siga Rasul 19:26

Sugaꞌ song lungay na situ usaha tabi man sabapan tōꞌ lalla looy ma inawnan si Pol. Takita bi na du bong pooy na eka jama ntuu ni Epesus bay takoleꞌ na binitsalahan nohoꞌ ngalabbahan siga tuhan da. Baꞌ-bāꞌ na, siga tuhan ma pinabuwat meꞌ manusiyaꞌ saꞌ tuhan bana. Maka lay na du taaka bi saꞌ na sat jama ntuu bay takoleꞌ na binitsalahan, sampay ni sikaliput Asiya, meka na du pitsayaꞌ ni tōꞌ na.

Salsila siga Rasul 7:41

Dari siꞌ, lay na sila buwat tuhan-tuhan meꞌ bantuk anak sapiꞌ. Boꞌ lay gi sila numbaliꞌ hayop sampay lay na ga songan da pa tuhan-tuhan looy. Maka lay gi sila ballang mehe ni kagāk da ni tuhan-tuhan ma bay pabuwat da.

2 Korin 12:21

Bong ina sipais, meꞌ naa na pin kadarihan bi pag takka ku pilu, mehe meꞌ ku hinaꞌ pa Tuhan sabapan bi. Maka mehe sina mintu meꞌ ku magkasusahan bong luu gi nnaa yaꞌ gi bay nawbatan dusa da sampay masi buwat jinisan kalalamaan ka kasabuhan sampay kajinahan.

1 Timuti 4:1

Na Timuti, luu silay bay pinalahil meꞌ Rū Sutsiꞌ meꞌ tuu: Bbos-bbos ina meka na jama nimanan tōꞌ sabanna ma kinapitsayaan meꞌ tabi. Kon meꞌ looy sabap meꞌ da maruli tōꞌ palsu lakka man siga seytan.

Siga Pakaradjaan bay Pinalahil 15:1

Paddus meꞌ looy, ngita na baw ku balik sipat kahaylan-haylan taꞌ langit. Luu pituꞌ malaikat bay kabuwanan kapatut matakka pituꞌ balaꞌ, yana siga balaꞌ katapusan. Batan pag ilay mintu katis na siga balaꞌ looy pinatakka, ilooy na katobtoban mulkaꞌ Tuhan.

Siga Pakaradjaan bay Pinalahil 16:8

Na pag tumpahan malaikat looy ni ka-mpat na isi pinggan na, lay tuwaꞌ pa taꞌ mataallaw. Dari siꞌ, lay na ga magdaruhun pasuꞌ na sampay lay na ga lūs manusiyaꞌ.

Siga Pakaradjaan bay Pinalahil 9:19

Kuwan tōng ingko ga kuraꞌ looy, meꞌ bantuk kōk sō. Boꞌ ninduk lagi man da mapaddihan jama. Dari labba man behe ga kuraꞌ looy sampay pa ingko da, ilooy na man da mapaddi sampay mapatoy jama.

Siga Pakaradjaan bay Pinalahil 9:21

Ga jama looy ilay siꞌ masi yaꞌ kuhi nawbatan dusa da mapatoy jama, makoy ilmuꞌ seytan, nangkaw sampay magjina.