Siga Pakaradjaan bay Pinalahil 9:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Kuwan tōng ingko ga kuraꞌ looy, meꞌ bantuk kōk sō. Boꞌ ninduk lagi man da mapaddihan jama. Dari labba man behe ga kuraꞌ looy sampay pa ingko da, ilooy na man da mapaddi sampay mapatoy jama.

Siga Pakaradjaan bay Pinalahil 9:19 ပူးပေါင်းရင်းမြစ်များ

Epesus 4:14

Bong ina kitabi sukup iman na, yaꞌ na kitabi meꞌ anak-anak os-os pitsayaꞌ ni oy-oy bitsala jama. Yaꞌ na kitabi meꞌ sapantun kumpit umatung kuhi jaꞌ tinuran leꞌ lamba ka baliyu. Intong na, yaꞌ na kitabi takoleꞌ llingu meꞌ siga guru palsu ma alistu moo-moo jama magsiꞌ.

Siga Pakaradjaan bay Pinalahil 9:10

Maka luu gi ingko da meꞌ ingko patikāꞌ man da nabbok. Boꞌ ilooy na poonan kawasa da man da mabisahan manusiyaꞌ njawom limam buwan.

Siga Pakaradjaan bay Pinalahil 9:18

Dari sabahagiꞌ tallu manusiyaꞌ taꞌ junyaꞌ lay matoy sabapan api, humbu ka manilang ma bay pōꞌ man jawom behe ga kuraꞌ looy.

Siga Pakaradjaan bay Pinalahil 9:20

Sugaꞌ san meꞌ looy, kuwan manusiyaꞌ ma yaꞌ bay matoy leꞌ siga balaꞌ looy, masi du yaꞌ bay kuhi magsiddik. Gam pin amu-amu sila numba siga seytan ka ga tuhan-tuhan ma bay jaꞌ pinabuwat ka mmas, pilak porol, tumbagaꞌ, batu atawa kayu. Mingkan siga tuhan-tuhan meꞌ looy ilay, yaꞌ san ngita, yaꞌ san kale, sampay yaꞌ san kapalān.