Siga Pakaradjaan bay Pinalahil 3:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ “Na soysoy ina kanaalla mmeꞌ niyaku tanne-pasuꞌ, malaingkan buwanan ku sina mintu kapatut ningkōꞌ ni bihing ku mmeꞌ marinta niyaku. Aku pun itu, lay du ku magkanaalla mmeꞌ ni Mmaꞌ ku tanne-pasuꞌ sampay luu na pin ku ningkōꞌ ni bihing na mmeꞌ marinta.

Siga Pakaradjaan bay Pinalahil 3:21 ပူးပေါင်းရင်းမြစ်များ

Matiyu 19:28

Yuk si Isa, “Baan ta kam banahan, pag ina mintu pinabahauwan na junyaꞌ, Anak Manusiyaꞌ itu mintu ningkōꞌ na ni tingkoan man na magsultan ni kaehe kawasa na. Kaam pun, siga mulit ku, pinatingkōꞌ na du kam mintu ni sapu-duwa tingkoan marintahan mimon panubuꞌ lakka man siga anak si Israil sikasapu-duwa.

Matiyu 25:21

“Tampung bōs na, ‘Tud bay mahap meꞌ nu buwat. Kau na tindog mahap maka kanaalla. Pagka ko bay kanaalla ni pabuwatan dangkitiꞌ, batnaa paeka ku na altaꞌ ku hinalap ningkau. Tu ko. Patabeꞌ ta na ko ni kagakan ku.’

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Lukas 22:30

Dari kaam ina mintu siharung-harung na du nginum-mangan ka aku njawom pamarinta ku. Maka pinatingkōꞌ na du sina kam mintu ni siga tingkoan sultan marintahan siga panubuꞌ lakka man siga anak si Israil sikasapu-duwa.”

Yahiya 13:32

Dari pagka ina mintu Tuhan koleꞌ kabantugan njataꞌ Anak Manusiyaꞌ, magti du sina Tuhan muwanan iya kabantugan.”

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

2 Timuti 2:12

Bong itu kitabi natas na pin njawom kamalasahiyan kalnaꞌ iya, mastiꞌ kapatabeꞌ du kitabi niiya magsultan ni sinōng. Sugaꞌ bong kitabi yaꞌ kuhi mangaku sukuꞌ na kitabi, malaingkan yaꞌ du kitabi aku na sukuꞌ na.

Siga Pakaradjaan bay Pinalahil 1:6

Boꞌ lay gi kitabi pinatabeꞌ meꞌ na ni pagkasultan na sampay lay gi kitabi binuwat siga imam njawman Mmaꞌ na Tuhan. Tud tawop ya binuwanan kabantugan mehe sampay kapatut magbayaan mimon-mimon saumu-umu. Amin.

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”

Siga Pakaradjaan bay Pinalahil 17:14

Bbuwatan da ina mintu, moo Bili-bili looy sibonoꞌ. Sugaꞌ ā du sila meꞌ Bili-bili looy ka siga sukuꞌ na, yana sagannap ma bay peneꞌ na sampay liyun na pa jawom okoman na, ma magkanaalla mmeꞌ niiya. Kon na ina mintu ga Bili-bili looy kaā sabap iya Papuꞌ ninggi taꞌ mimon papuꞌ; Sultan ninggi taꞌ mimon sultan.”

Siga Pakaradjaan bay Pinalahil 2:7

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan buwanan ku ya kapatut mangan buwaꞌ kayu looy ma muwan kaallum ma yaꞌ luu katapusan na ndooy ni sulgaꞌ.”

Siga Pakaradjaan bay Pinalahil 20:4

Pag-anu siꞌ, ngita na baw ku siga paningkoan ga sultan. Kuwan siga jama ma ningkōꞌ ndooy, lay kabuwanan kapatut ngahukum. Maka luu gi bay takita ku tabeꞌ ninsila siga nyawa sagannap ma bay pinonggolan kallong da sabap meꞌ da bay masaplag pasal si Isa Almasi ka palman Tuhan. Yaꞌ sila bay pingkaꞌ numba sattuwa looy atawa jama-jama bay pinabuwat ni limbagan na. Damikiyan, yaꞌ du sila bay kuhi sinapan ka sāp sattuwa looy ni tundun da atawa ni tangan da. Dari llum na sila pabalik sampay lay na tumabeꞌ ni Almasi magsultan njawom dalibu taun.

Siga Pakaradjaan bay Pinalahil 5:10

Boꞌ lay gi sila pabuwat nu bangsa sultan ka bangsa imam ma ngisbat Tuhan tabi. Maka sila na sina mintu tumabeꞌ ningkau marinta ni junyaꞌ bbos-bbos.”

Siga Pakaradjaan bay Pinalahil 6:2

Pag ndaꞌ ku, luu na pōꞌ kuraꞌ poteꞌ. Ilooy ma bakuraꞌ luu ka panaꞌ na. Pag-anu siꞌ, pinapatukan na baw ya karuna yana sipat ni kawasa-kapatut ndean iya. Iya ilay paglallahan wā kaā sibonoꞌ. Dari lay na ya lakka mandooy maā banta na sikamimon.

Siga Pakaradjaan bay Pinalahil 7:17

batan inipat sila meꞌ Bili-bili looy ma ni bihing paningkoan Tuhan. Binoo na sila meꞌ na pa siga poon boheꞌ ma muwan kaallum ma yaꞌ luu katapusan na. Maka puusan Tuhan na sina mimon boheꞌ mata da, hati na, yaꞌ na sila susa pabalik.”