Siga Pakaradjaan bay Pinalahil 22:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Pag-anu, yuk Rū Tuhan ka sagannap ma ginalla pangantin ma danda, yana mimon sukuꞌ Papuꞌ Isa, “Pitu na ko.” Damikiyan sagannap ma pakale ni bitsala njawom kitab tuu siꞌ halling du, “Pitu na ko.” Na soysoy tohoꞌ kallong bi, pitu na kam nginum boheꞌ ma muwan kaallum. Libre jaꞌ sina ni soysoy doman nginum.

Siga Pakaradjaan bay Pinalahil 22:17 ပူးပေါင်းရင်းမြစ်များ

Yahiya 1:37

Pag takale jaꞌ meꞌ siga mulit na halling na, ilooy ma lay na baw sila patuhut ni si Isa.

Yahiya 4:10

Pag tampung si Isa baw siꞌ tu niiya, “Bong siꞌ ina bay tasayu nu ladjikiꞌ ma pamuwan Tuhan, maka bong siꞌ tasayu nu bong soy tu ituu ma nohoꞌ pinainuman ningkau, gam pin kau gi siꞌ bay duhuꞌ maku inuman mman ku, boꞌ nu buwanan ku boheꞌ ma llum.”

Yahiya 4:11

Yuk danda looy baw siꞌ tu, “Tuwan, ndaꞌ ku bina yaꞌ san luu gayung nu, boꞌ lawom lagi tagaꞌ tuu. Bong siꞌ pinaamu, ninggai na baw man nu koleꞌ boheꞌ looy ma llum?

Yahiya 4:14

Boꞌ boheꞌ ma pamuwan ku, bong jama bay kainum, yaꞌ na tohoꞌ kallong na pabalik. Batan boheꞌ ma pamuwan ku padari meꞌ karuha poon boheꞌ njawom atay jama. Niyaꞌ sina kuhi kumattaꞌ, boꞌ muwanan manusiyaꞌ lagi kasampulnaan nyawa saumu-umu.”

Yahiya 4:29

“Tu kam bi. Ndaꞌ tabi doꞌ pilay. Luu la ndooy lalla bay nunaꞌ mimon bay kadarihan ku. Batiꞌ ta iya na Almasi.”

Yahiya 7:37

Taabut jaꞌ siꞌ llaw mulliya ni paballangan looy, yana llaw katapusan na, lay na baw nangge si Isa, boꞌ na mitsala pahaddo, yuk na, “Soysoy kam tohoꞌ kallong bi, pitu jaꞌ kam pa mman ku boꞌ bi painum ku.

Suwat si Pol pa mman Baanan Sukuꞌ si Isa ndooy ni Rom 3:24

Lipara ni kaehe aseꞌ Tuhan, lay na kitabi kaladjikian initung meꞌ na intong man sabapan pabuwatan si Isa Almasi bay muwasan dusa tabi.

1 Korin 2:12

Boꞌ inaa na sina Rū ma bay pinaasok ningkitabi. Sabapan na, yaꞌ na sibuꞌ pamiki tabi ka siga jama ma mandang hāl junyaꞌ. Kon na ilay bay ndean supaya tahati tabi na siga supaat ma bay pamuwan Tuhan ningkitabi ni kaehe aseꞌ na.

Siga Pakaradjaan bay Pinalahil 14:13

Pag-anu siꞌ, kale na baw ku suwara lakka man sulgaꞌ, yuk na, “Suwatan nu ituu: Labba man batnaa, njawom supaat sina sagannap ma matoy sabap meꞌ da mmeꞌ ni Papuꞌ Isa.” Pag-anu siꞌ, sinambag na baw meꞌ Rū Tuhan, yuk na, “Bana sina, njawom supaat sila. Bohoꞌ da kapahali man mimon bay hulas-sangsāꞌ da. Maka taboo da du sina mintu pa ahirat mimon kaayaran bay pabuwat da.”

Siga Pakaradjaan bay Pinalahil 2:7

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan buwanan ku ya kapatut mangan buwaꞌ kayu looy ma muwan kaallum ma yaꞌ luu katapusan na ndooy ni sulgaꞌ.”

Siga Pakaradjaan bay Pinalahil 21:2

Maka luu gi takita ku duwai man sulgaꞌ daira sutsiꞌ, yana Jerusalem bahau lakka man Tuhan. Daira looy siꞌ tud dorogan. Bong nnaꞌ ta pa danda, subay ga disu pangantin danda ayad gamis na. Maka lakkop na ya meꞌ mmas man na magpalingkat banahan pag taabut na kinawin ka pangantin ma lalla.

Siga Pakaradjaan bay Pinalahil 21:6

Maka yuk na lagi, “Magjatu na situ mimon ma bay ginantaꞌ meꞌ ku. Aku itu Alpa ka Omega, yana panagnaan ka katapusan mimon-mimon. Soysoy tohoꞌ kallong na, painum ku boheꞌ man poon boheꞌ looy ma muwan kaallum ma yaꞌ luu katapusan na. Boꞌ boheꞌ looy ilay libre jaꞌ, san yaꞌ na luu bayad na.

Siga Pakaradjaan bay Pinalahil 21:9

Pag-anu siꞌ, luu na baw pasōng disu ni siga malaikat looy sikapituꞌ ma bay numpahan isi pinggan da pannoꞌ leꞌ katapusan balaꞌ looy siꞌ sikapituꞌ, yuk na niyaku, “Tu ko, pakitahan ta doꞌ ko pangantin ma danda ma song kinawin ka Bili-bili looy.”

Siga Pakaradjaan bay Pinalahil 22:1

Pag-anu siꞌ, pinakitahan na baw ku meꞌ malaikat looy disu sōng ma muwan kaallum saumu boheꞌ na. Sōng looy siꞌ nginggat na maka tallak meꞌ sammin na, pōꞌ man paningkoan Tuhan ka Bili-bili looy.

Siga Pakaradjaan bay Pinalahil 22:16

Yuk si Isa lagi, “Aku na mismu bay nohoꞌ malaikat ku malahil siga pakaradjaan tuu siꞌ ningkaam siga baanan sukuꞌ ku. Aku na situ panubuꞌ Sultan Daud ma bay tinunaꞌ njawom kitab. Maka aku itu ginalla Kababbasan Dantaꞌ.”

Siga Pakaradjaan bay Pinalahil 7:17

batan inipat sila meꞌ Bili-bili looy ma ni bihing paningkoan Tuhan. Binoo na sila meꞌ na pa siga poon boheꞌ ma muwan kaallum ma yaꞌ luu katapusan na. Maka puusan Tuhan na sina mimon boheꞌ mata da, hati na, yaꞌ na sila susa pabalik.”