Siga Pakaradjaan bay Pinalahil 22:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Yuk si Isa lagi, “Aku na mismu bay nohoꞌ malaikat ku malahil siga pakaradjaan tuu siꞌ ningkaam siga baanan sukuꞌ ku. Aku na situ panubuꞌ Sultan Daud ma bay tinunaꞌ njawom kitab. Maka aku itu ginalla Kababbasan Dantaꞌ.”

Siga Pakaradjaan bay Pinalahil 22:16 ပူးပေါင်းရင်းမြစ်များ

Matiyu 1:1

Ituu tu usuwan siga pangkatan kabboꞌ-bboan si Isa Almasi, panubuꞌ Sultan Daud, yana disu panubuꞌ Nabi Ibrahim.

Matiyu 2:2

Ni katakka da, tilaw da ni siga jama ndooy, “Ninggai lay la anak-anak looy ma bay pinamaddihan sultan bangsa Yahudi? Sasang kami ni lahat kami ndooy huwin pa mataallaw, lay na takita kami potean na pōꞌ. Ilooy na silay sipat man kami bay mindoga lay na ya pinamaddihan. Dari ituu na situ kon kami bay pitu supaya ya tasumba kami.”

Matiyu 22:42

“Oy ina la bistahan bi pasal Almasi? Njawom kitab, panubuꞌ soy ya?” Tampung da, “Panubuꞌ Sultan Daud.”

Matiyu 22:45

“Na bong lay awnan Sultan Daud Almasi yana Papuꞌ na, baan bi teꞌ ku bong pooy meꞌ Almasi dari Papuꞌ Sultan Daud magsabtan ka iya panubuꞌ na?”

Lukas 1:78

Kon ina Tuhan bay nganggantaꞌ meꞌ naa sabap mehe timbang na ka aseꞌ na ni manusiyaꞌ. Sangkon luu na sina mintu papitu na Almasi, yana tukang nalamat man sulgaꞌ. Katakka na ina mintu meꞌ karuha mataallaw pakallat muwan dantaꞌ ni manusiyaꞌ.

Lukas 20:44

“Na bong lay awnan Sultan Daud Almasi yana Papuꞌ na, baan bi teꞌ ku pooy meꞌ Almasi dari Papuꞌ Sultan Daud magsabtan ka iya panubuꞌ na? Pamikihan bi teꞌ.”

Suwat si Pol pa mman Baanan Sukuꞌ si Isa ndooy ni Rom 15:12

Maka luu gi tunaꞌ bay sinuwatan meꞌ Nabi Isaya, yuk na, “Bbos-bbos luu du sina pōꞌ panubuꞌ si Jesse. Inuwakilan ya nohoꞌ magbayaꞌ ni mimon kabangsa-bangsahan. Sampay iya na sina mintu asahan da man da koleꞌ mimon ma bay janjiꞌ Tuhan ni sukuꞌ na.”

Suwat si Pol pa mman Baanan Sukuꞌ si Isa ndooy ni Rom 9:5

Maka kabboꞌ-bboan kami ilay yana Nabi Ibrahim, Nabi Isahak ka Nabi Yaꞌkub. Boꞌ na, pōꞌ man bangsa kami lagi Almasi bong inikut usuwan pagkamanusiyaꞌ na. Iya ilay yana Tuhan, ilooy ma magbayaꞌ ni sikamimon. Pudji mehe niiya saumu-umu. Amin.

2 Pitel 1:19

Dari pagka lay takita kami sampay lay na takale kami ilooy siꞌ sikamimon, magdaruhun na meꞌ kami kasiguru tud bana du siga tunaꞌ kanabi-nabihan pasal Almasi. Suwat da ilay njawom kitab meꞌ sapantun sūꞌ ninag njawom lindom. Sangkon subay indanan bi bitsala da ngabut sampay ninag na Kababbasan njawom atay bi sampay pakallat na mataallaw. Hati na, ngabut sampay takka na Almasi marantaan mimon pamiki bi.

Siga Pakaradjaan bay Pinalahil 1:1

Isi kitab tuu yana siga pakaradjaan ma bay pinalahil meꞌ si Isa Almasi, yana hāl ma yaꞌ na hallom talpaksaꞌ tinakdil. Labbasakayi lay na bay pinamāꞌ meꞌ Tuhan ni si Isa supaya tapalahil na meꞌ na ni siga sosohoan na. Meꞌ si Isa bay malahil, lay ya bay nohoꞌ malaikat na pa mman sosohoan na si Yahiya, yana aku.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”

Siga Pakaradjaan bay Pinalahil 1:4

Ituu tu si Yahiya nuwat pa mman siga baanan sukuꞌ si Isa ni pituꞌ daira nnaa ni Asiya. Kamura-murahan binuwanan na pin kam kasannangan maka barakat meꞌ Tuhan sabanna, ilooy ma ndang luu na man maruhuꞌ-ruhuꞌ ngabut batnaa sampay saumu ni sinōng. Maka kamura-murahan binuwanan na pin kam kasannangan ka barakat meꞌ ilooy ma ginalla Rū Sikapituꞌ, yana Rū Tuhan ma luu na pin ni awpan paningkoan man Tuhan ningkōꞌ marinta.

Siga Pakaradjaan bay Pinalahil 2:11

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan niyaꞌ na ya lumingkaꞌ njawom katiksaan nalkaꞌ ma ginalla kapatoy ni kaduwa.”

Siga Pakaradjaan bay Pinalahil 2:17

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Na soysoy ina kanaalla mmeꞌ niyaku tanne-pasuꞌ, malaingkan buwanan ku ya kinakan man sulgaꞌ inawnan manna. Maka buwanan ku ya disu batu poteꞌ man bay nuwatan awon na bahau ma yaꞌ luu toon sarī man iya ma binuwanan.”

Siga Pakaradjaan bay Pinalahil 2:7

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan buwanan ku ya kapatut mangan buwaꞌ kayu looy ma muwan kaallum ma yaꞌ luu katapusan na ndooy ni sulgaꞌ.”

Siga Pakaradjaan bay Pinalahil 22:1

Pag-anu siꞌ, pinakitahan na baw ku meꞌ malaikat looy disu sōng ma muwan kaallum saumu boheꞌ na. Sōng looy siꞌ nginggat na maka tallak meꞌ sammin na, pōꞌ man paningkoan Tuhan ka Bili-bili looy.

Siga Pakaradjaan bay Pinalahil 22:11

Kuwan sagannap ma nabiat buwat kalaatan ka kasabuhan, pabiyahun bi na jaꞌ sila amu-amu maabak kalaatan da ka kasabuhan da. Kuwan sagannap ma buwat kaintongan, subay bogbogan da lagi kaintongan da. Damikiyan sagannap ma sutsiꞌ, subay du bogbogan da kasutsian da.”

Siga Pakaradjaan bay Pinalahil 22:20

Na mimon pakaradjaan looy ilay siꞌ ma bay pinalahil niyaku, Papuꞌ Isa mismu māꞌ mastiꞌ bana sadjaꞌ. Sampay bay gi ya halling, “Yaꞌ na hallom, pilu na du ku.” Pag tampung ku, “Ohoꞌ Papuꞌ Isa. Pitu na ko deꞌ-dēꞌ!”

Siga Pakaradjaan bay Pinalahil 22:6

Pag-anu, yuk malaikat looy siꞌ niyaku, “Na ilooy ilay siꞌ mimon ma bay bināꞌ ningkau, kanaalla jaꞌ silay maka taasahan. Maruhuꞌ ilay, siga kanabi-nabihan bay sohoꞌ Papuꞌ ta Tuhan malahil kabanahan. Pag batnaa, itu na baw ku, disu malaikat na, sohoꞌ na malahil ningkaam, siga sosohoan na, hāl ma deꞌ-dēꞌ na binakbul.”

Siga Pakaradjaan bay Pinalahil 3:13

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku.”

Siga Pakaradjaan bay Pinalahil 3:22

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku.”

Siga Pakaradjaan bay Pinalahil 3:6

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku.”

Siga Pakaradjaan bay Pinalahil 5:5

Lipara, luu disu ni baanan ga matatoa looy siꞌ bay maan aku, yuk na, “Daa na ko ba nangis. Luu du ilooy ma ginalla Halimaw, yana panubuꞌ Sultan Daud, pōꞌ man paglūng si Juda. Lay na silay ā meꞌ na mimon banta manusiyaꞌ. Ngkon luu kapatut na ngalukap kanjiꞌ looy sikapituꞌ sampay ngungkad suwat looy.”