Siga Pakaradjaan bay Pinalahil 21:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Kuwan kutaꞌ ma ngaliput daira looy, tud langkaw boꞌ kapa lagi. Eka lawang na sapu-duwa, maka saliꞌ-saliꞌ ddas ka malaikat na nganjaga. Ni siga lawang looy siꞌ, saliꞌ-saliꞌ bay sinuwatan ka awon anak Nabi Yaꞌkub sikasapu-duwa, yana poonan bangsa Israil.

Siga Pakaradjaan bay Pinalahil 21:12 ပူးပေါင်းရင်းမြစ်များ

Matiyu 18:10

“Paayad-ayad kam taggahaꞌ meꞌ bi mista yaꞌ puntukan disu anak-anak meꞌ tuu. Batan baan ta kam banahan, luu sina siga malaikat para ninsila wā ni awpan Mmaꞌ ku ni sulgaꞌ.”

Lukas 15:10

Na baan ta kam, meꞌ naa du sina kagakan siga malaikat Tuhan pag takita da disu baldusa nawbat.”

Lukas 16:22

“Na song hallom, lay na matoy si Lasarus sampay lay na ya binoo meꞌ siga malaikat magdambuwaꞌ ka Nabi Ibrahim ndooy ni ahirat. Yaꞌ hallom, lay na du matoy sawraga looy sampay lay na kinubu.

Salsila siga Rasul 26:7

Padahal, aku itu sibuꞌ du ka siga pagkahi ku bangsa Israil pitsayaꞌ ni tukang nalamat looy. Inaa sina ngkon kami saliꞌ-saliꞌ makutuꞌ meꞌ kami numba Tuhan llaw-sangom. Sugaꞌ aku baw tu, pitsayaꞌ ku luu na bay takka tukang nalamat looy, yana si Isa. Maka pitsayaꞌ du ku san ya bay pinapatoy, lay du baw ya pinakallum pabalik. Dari ituu na situ kon ku pinalkalaꞌ meꞌ siga pagkahi ku Yahudi.

Hibrani 1:14

Boꞌ siga malaikat ina sosohoan Tuhan sadjaꞌ sinohoꞌ ngayaran mimon manusiyaꞌ ma koleꞌ kasalamatan man Tuhan.

Siga Pakaradjaan bay Pinalahil 21:13

Lawang looy siꞌ sikasapu-duwa, tallu awop pa mataallaw, tallu awop pa uttaraꞌ, tallu awop pa sātan, maka tallu awop pa saddopan.

Siga Pakaradjaan bay Pinalahil 21:15

Kuwan malaikat looy siꞌ ma bay mitsala niyaku, luu ntanan na sukuran mmas meꞌ hantang batang kayu-kayu man na nukud daira looy ka kutaꞌ na sampay ga lawang na.

Siga Pakaradjaan bay Pinalahil 21:25

Siga lawang kutaꞌ daira looy siꞌ wā bukaꞌ. Niyaꞌ luu masa da tinambo batan yaꞌ luu sangom ndooy.

Siga Pakaradjaan bay Pinalahil 22:14

“Njawom supaat sina sagannap ma mopoan juba da mari yaꞌ na luu tamak na, batan binuwanan sila kapatut pingkaꞌ man siga lawang paasok pa jawom daira looy. Maka binuwanan du sila kapatut mangan buwaꞌ kayu looy ma muwan kaallum ma yaꞌ luu katapusan na.