Siga Pakaradjaan bay Pinalahil 2:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ “Na kasohean kaam nnaa ni Tayatira yaꞌ bay ngikut tōꞌ danda looy. Yaꞌ kam bay mmeꞌ ni ilooy ma pinagbahasa meꞌ kasohean ilmuꞌ lawom. Boꞌ ko, ni sabana na, lakka man Ibilis. Dari ituu meꞌ ku ka kaam: Yaꞌ du baw tu ku doman mabognahan kaam ka jinisan panohoan.

Siga Pakaradjaan bay Pinalahil 2:24 ပူးပေါင်းရင်းမြစ်များ

Salsila siga Rasul 15:28

“Dari man pamiki bay dean Rū Sutsiꞌ ningkami, lay kami magtaayun yaꞌ na dari matiksaan kaam nohoꞌ mogbogan jinisan saraꞌ bangsa Yahudi. Ilooy sa talpaksaꞌ bean bi meꞌ tuu:

Salsila siga Rasul 16:14

Yaꞌ gi siꞌ hallom, lay na si Pol masampayan sila umanat mahap pasal si Isa. Kuwan ilooy siꞌ disu ma pakale niiya, yana si Lidiya, danda man daira Tatira. Iya ilay tukang dagang kakanaꞌ tawuk ma hagaan. Ndang lay na silay ya mmeꞌ ni agama Yahudi sampay ngisbat Tuhan. Pag-anu, sasang na pakale ni si Pol, lay na bukaꞌ Tuhan puad na sampay lay na ya pitsayaꞌ ni si Isa.

1 Korin 2:10

Na siga supaat looy ilay siꞌ, lay na pinalahil meꞌ Tuhan ningkitabi man tabang Rū Sutsiꞌ muwanan kitabi pangahati. Batan katoonan Rū Sutsiꞌ mimon-mimon. Minsan hāl ma sinipuk banahan njawom atay Tuhan, katoonan na du.

2 Korin 11:3

Ilooy kahanggawan ku, taggahaꞌ lay na baw kam mintu inakkahan meꞌ karuha jaman Sitti Hawa bay takoleꞌ inakkahan meꞌ sō mattoꞌ. Hanggaw ku taggahaꞌ takoleꞌ na baw kam pinagsian sampay man lungay na kasutsian bi ka hilas atay bi ngisbat Almasi.

2 Korin 2:11

supaya kitabi yaꞌ tumandiyoꞌ meꞌ Ibilis. Batan katoonan tabi na du angan-angan Ibilis ngalangkat pagkatibuuk tabi.

Yaꞌkub 3:15

Batan bong ina kita dangkiꞌ atawa baran ta jaꞌ kagampangan ta, mastiꞌ luu jaꞌ paantup kalingogan maka jinisan kalaatan. Akka meꞌ looy ilay, saꞌ ga lakka man Tuhan, arapun lakka man seytan. Maka ilooy ilay akka manusiyaꞌ ma mandang jaꞌ hāl junyaꞌ.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 13:14

Dari man sabapan siga sipat kawasa bay tapabuwat sattuwa looy ma dambuli kalnaꞌ sattuwa looy ma duhuꞌ, lay takoleꞌ na inakkahan mimon manusiyaꞌ ni junyaꞌ ma saꞌ sukuꞌ Tuhan. Sampay lay gi sila sohoꞌ na buwat jama-jama ni limbagan sattuwa looy ma duhuꞌ, ilooy ma lay na kaulian, dak bay matoy meꞌ bakat kataliꞌ.

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.

Siga Pakaradjaan bay Pinalahil 2:18

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Tayatira. Bong ko nuwat, yuk nu meꞌ tuu, “Bitsala tuu lakka man Anak Tuhan. Mata na meꞌ dagbos api noleyab ka battis na subay ga tumbagaꞌ porol ma bay pinangiin. Yuk na meꞌ tuu,

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.