Siga Pakaradjaan bay Pinalahil 2:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Hallom na situ ku bay paagad-agad, kawu-kawu tawbatan danda looy na kajinahan na, sugaꞌ yaꞌ du ya kuhi nawbat.

Siga Pakaradjaan bay Pinalahil 2:21 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 9:22

Damikiyan, meꞌ naa du sina Tuhan. Bong ya doman makitahan ehe duga na ni kalaatan jama sampay ehe kawasa na midjalaꞌ sagannap ma pataꞌ minulkaan, mastiꞌ iya du magbayaꞌ. Sugaꞌ bong ina bistahan na mas mahap tatasan na lagi pahallom kalaatan sagannap ma pataꞌ minulkaan, magbayaꞌ na jaꞌ du sina.

1 Pitel 3:20

Sila ilay siꞌ yana nyawa sagannap ma yaꞌ bay kuhi ngasip ni Tuhan ni jaman Nabi Nū buwat bahitlaꞌ. San tahaꞌ pasensiya Tuhan ngagad ga jama looy nawbat, yaꞌ du sila kuhi. Dari lay jaꞌ sila katis matoy leꞌ dunuk sampay lay na pinalisu nyawa da ni tahanan jama matoy. Ilooy du bay salamat wawuꞌ jama, yana ga Nabi Nū batan lay sila taꞌ bahitlaꞌ inangkat meꞌ boheꞌ dunuk.

2 Pitel 3:15

Ingatun bi, tud tahaꞌ pasensiya Papuꞌ tabi. Llantan meꞌ na katakka na sabap muwanan na pin ya manusiyaꞌ dapat man da nawbat, boꞌ da salamat. Na siga pakaradjaan tuu itu siꞌ, lay na du bay sinabbut meꞌ danganakan tabi si Pol njawom suwat na ningkaam. Iya bay nuwatan kam man sabapan pangahati bay dean Tuhan niiya.

2 Pitel 3:9

Sangkon sagannap ma mista Papuꞌ lawun numan janjiꞌ na pabeleng, magsāꞌ sila. Arapun lantan na jaꞌ silay katakka na sabap tahaꞌ pasensiya na ngagad manusiyaꞌ, kawu-kawu nawbat sila. Batan kainagon na ina yaꞌ luu san disu jama tanalkaꞌ.

Siga Pakaradjaan bay Pinalahil 16:11

Sugaꞌ san meꞌ looy, masi du sila yaꞌ kuhi nawbatan dusa da. Gam pin darahan da lagi meꞌ da malaat Tuhan sabapan bisa kato da.

Siga Pakaradjaan bay Pinalahil 16:9

Sugaꞌ san sila lay na lūs meꞌ hawa pasuꞌ saꞌ na alang-alang, masi du sila yaꞌ kuhi nawbatan dusa da. Maka masi sila yaꞌ kuhi maehe Tuhan. Gam pin, palaat da lagi pagka iya poonan ga balaꞌ looy.