Siga Pakaradjaan bay Pinalahil 2:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² “Kaam ina, katoonan ku du kadarihan bi nnaa. Ndaꞌ ku, basag kam maghulas-sangsāꞌ kalnaꞌ awon ku sampay basag kam natasan jinisan kamalasahiyan. Maka katoonan ku du nulang kam jama maat. Sampay lay na tatongkad bi niyat atay siga jama nnaa ma buwat dī da rasul ku, maka tabistu bi na ngandustaꞌ jaꞌ sila.

Siga Pakaradjaan bay Pinalahil 2:2 ပူးပေါင်းရင်းမြစ်များ

Matiyu 7:23

Sugaꞌ pagka wā sila ngalangga kahandak Tuhan, pag halling ku ina mintu ninsila, ‘Yaꞌ bina kam takila ku. Lakka na kam man awpan ku. Kaam ina amu-amu buwat kalaatan.’

Yahiya 6:6

Iya siꞌ bay nilaw, ndang luu na njawom pamiki na bong oy song pabuwat na. Sugaꞌ kon na nilaw man na jaꞌ nongkad pamiki si Pilip bong oy tampung na.

Galatiya 1:7

Mingkan, disu du sina umanat mahap, yaꞌ luu sarī. Salla na, luu na pin nnaa ngalingu kaam. Bbuwatan da ina nabid umanat mahap pasal Almasi.

Epesus 4:14

Bong ina kitabi sukup iman na, yaꞌ na kitabi meꞌ anak-anak os-os pitsayaꞌ ni oy-oy bitsala jama. Yaꞌ na kitabi meꞌ sapantun kumpit umatung kuhi jaꞌ tinuran leꞌ lamba ka baliyu. Intong na, yaꞌ na kitabi takoleꞌ llingu meꞌ siga guru palsu ma alistu moo-moo jama magsiꞌ.

1 Tesaloneka 5:21

Sugaꞌ pus na masampay, pindogahan bi doꞌ bong pataꞌ hinasi umanat na atawa niyaꞌ. Bong hati bistahan bi tud mattan lakka man Rū Sutsiꞌ, malaingkan kannahun bi; bong niyaꞌ, san daa na.

2 Timuti 2:19

Sugaꞌ san du ina dangoy tōꞌ palsu pinaantup, bong inawnan kabanahan man Tuhan, mastiꞌ taasahan jaꞌ. Sibuꞌ du sina karuha na ka pananggehan lumaꞌ ma yaꞌ takoleꞌ inusik. Maka luu gi sina duwa kabanahan bay sinuwatan ma subay iningat meꞌ ta. Disu, “Kinatoonan du sina meꞌ Tuhan bong soy sukuꞌ na,” kaduwa na, “Soysoy mangaku sukuꞌ Tuhan, subay tagongan da na buwat dusa.”

Hibrani 6:10

Tuhan ina intong. Sangkon mimon kaayaran bay pabuwat bi yaꞌ luu takupan na. Takita na du sina aseꞌ bi niiya sabap meꞌ bi nabang ni siga pagkahi bi sukuꞌ si Isa ngabut sampay batnaa.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.

Siga Pakaradjaan bay Pinalahil 2:5

Kamura-murahan tabista bi du ehe pagbiddaan bay aseꞌ bi niyaku maruhuꞌ maka batnaa, boꞌ bi nawbat. Bong ina kam yaꞌ nawbat, pilu du sina ku, boꞌ lakkahan ku palitaan bi ddas ka pananggehan na.

Siga Pakaradjaan bay Pinalahil 2:6

Sugaꞌ luu du baw tu sanglit ku ningkaam sabap meꞌ aku du kam lammis ni kalaatan siga jama ma mmeꞌ ni tōꞌ ga si Nikolay.

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.

Siga Pakaradjaan bay Pinalahil 3:1

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Saldis. Bong ko nuwat, yuk nu meꞌ tuu, “Bitsala tuu lakka man ilooy ma luu niiya Rū Tuhan sampay ma ngantanan potean looy siꞌ sikapituꞌ. Yuk na meꞌ tuu, “Kaam ina, katoonan ku du meka jama māꞌ kaam baanan tapit pa Tuhan, sugaꞌ sabana na, sibuꞌ du kam ka matoy pa Tuhan.

Siga Pakaradjaan bay Pinalahil 3:15

“Kaam ina, katoonan ku du kadarihan bi nnaa. Ndaꞌ ku, mmeꞌ-saꞌ kam mmeꞌ niyaku. Bong nnaꞌ ta pa boheꞌ ininum, yaꞌ baw kam pasuꞌ, yaꞌ baw kam tanne. Sugaꞌ kahandak ku, bong kam mmeꞌ niyaku, subay mmeꞌ banahan. Bong kam mmeꞌ-saꞌ mmeꞌ, gam na kam daa na mmeꞌ samasakali.

Siga Pakaradjaan bay Pinalahil 3:8

“Kaam ina, katoonan ku du yaꞌ meꞌ noy gaos bi, sugaꞌ masi gi du kam tattap ngasip ni bitsala ku. Maka tuktuk jama māꞌ sukuꞌ ta kam, yaꞌ du kam bay maylu. Sangkon lay na sina kam bukisan ku lawang ma yaꞌ luu katambo.