Siga Pakaradjaan bay Pinalahil 18:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Maka ndooy na du silay ni Babilon man lahaꞌ kanabi-nabihan ka ga pagkahi da sukuꞌ Tuhan bay tumpa. Sarī man sila, mimon manusiyaꞌ ma bay pinapatoy taꞌ junyaꞌ, ndang man sabapan Babilon du.”

Siga Pakaradjaan bay Pinalahil 18:24 ပူးပေါင်းရင်းမြစ်များ

Matiyu 23:27

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Kaam ina meꞌ sapantun kubu bay inari-arihan, lingkatan inandaꞌ, sugaꞌ ni jawom na pannoꞌ meꞌ towang jama matoy maka kajinisan kalalamaan.

Matiyu 23:35

Sangkon, kalabuan jaꞌ sina kam mulkaꞌ Tuhan. Batan meꞌ Tuhan mista, kaam na ina bay mapatoy mimon jama intong ma bay mean kahandak na, labba man anak Boꞌ Adam, yana si Habil, ngabut sampay anak si Baraki, yana Nabi Zekaraya ma bay papatoy bi ni sallangan langga ka pangulbanan.

Salsila siga Rasul 7:52

Ni bay jaman da, yaꞌ luu kanabi-nabihan saꞌ bay llaugan meꞌ da. Boꞌ na, sagannap nabi ma bay nunaꞌ pasal katakka Ilooy ma Intong, yana Almasi, lay gi ga papatoy da. Na kaam pun ina, yaꞌ du luu pagtingkahan bi ka sila. Batan pag luu jaꞌ Almasi bay lahil pitu pa junyaꞌ, kaam na baw bay nipu sampay mapatoy iya.

1 Tesaloneka 2:15

Na siga Yahudi ma maat, sila na bay mapatoy kanabi-nabihan maruhuꞌ-ruhuꞌ. Damikiyan, sila na du silay bay mapatoy Papuꞌ Isa. Pag ni timpu batnaa pun, sila na du sina basag ngalaugan kami. Tud yaꞌ sila doman nulut kahandak Tuhan. Boꞌ na, tigiꞌ sila manta mimon manusiyaꞌ.

Siga Pakaradjaan bay Pinalahil 11:7

Lupus jaꞌ ina mintu sila masaplag mimon ma bay hinalap meꞌ Tuhan ninsila, luu na baw disu sattuwa pōꞌ man jawom lowang tangob looy siꞌ ma yaꞌ mag-ngkoran lawom na. Pag-anu, boꞌ na monoꞌ ga sosohoan looy. Boꞌ yaꞌ sina mintu sila kaatu ni sattuwa looy, boꞌ pinapatoy gi sila.

Siga Pakaradjaan bay Pinalahil 16:6

Sagannap ma bay maduwai lahaꞌ siga sukuꞌ nu sampay lahaꞌ kanabi-nabihan, pag batnaa, pataꞌ na du sila buwanan nu lahaꞌ man mainum sila.”

Siga Pakaradjaan bay Pinalahil 17:6

Pag ndaꞌ ku, lango na danda looy meꞌ lahaꞌ siga sukuꞌ Tuhan bay ininum meꞌ na, yana lahaꞌ sagannap ma bay pinapatoy sabap meꞌ da bay masaplag pasal si Isa. Dari siꞌ, tud bay inu-inu ku ngandaꞌ iya.

Siga Pakaradjaan bay Pinalahil 19:2

Pudji tabi ya sabap intong sadjaꞌ mimon hukuman na, yaꞌ luu salla na. Lay na labuan na hukuman Babilon, puta looy ma tanyag, ma bay moo-moo manusiyaꞌ ni sikaliput junyaꞌ mmeꞌ ni kasabuhan na. Lay na ya hinisab meꞌ Tuhan sabap meꞌ na bay mapatoy siga sosohoan na.”