Siga Pakaradjaan bay Pinalahil 17:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Pag ndaꞌ ku, lango na danda looy meꞌ lahaꞌ siga sukuꞌ Tuhan bay ininum meꞌ na, yana lahaꞌ sagannap ma bay pinapatoy sabap meꞌ da bay masaplag pasal si Isa. Dari siꞌ, tud bay inu-inu ku ngandaꞌ iya.

Siga Pakaradjaan bay Pinalahil 17:6 ပူးပေါင်းရင်းမြစ်များ

Yahiya 2:10

boꞌ na halling niiya, “Pooy tu la, Nges? Jama mimon, bong mainum, pinaduhuꞌ doꞌ tubaꞌ anggul ma mahap banahan. Noy jama yaꞌ na kasilang lassa na sabap meka na bay inum da, boꞌ pinōꞌ ilooy ma kulang ayad na. Boꞌ kau baw tu, sarī. Noy batnaa na bohoꞌ nu mōꞌ ilooy ma mahap banahan.”

Salsila siga Rasul 22:20

Maka tamasa da du bay pingkaꞌ inaminan meꞌ ku bay kadarihan da maduwai lahaꞌ si Esteben sabap meꞌ na bay masaplag pasal kau. Batan aku gi silay bay nganjagahan badjuꞌ siga jama ma bay mapatoy iya. Dari balangkali pakale du siga Yahudi niyaku mari tahati da na bong ongoy ku pitsayaꞌ na ningkau.’

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”

Siga Pakaradjaan bay Pinalahil 13:15

Boꞌ sattuwa looy siꞌ ma dambuli, lay gi binuwanan kawasa man na muwanan jama-jama looy siꞌ napas supaya kabitsala. Dari bbuwatan jama-jama looy, lay nohoꞌ mapatoy soysoy yaꞌ kuhi numba iya.

Siga Pakaradjaan bay Pinalahil 13:7

Lay jaꞌ ya pinabiya ngalān siga sukuꞌ Tuhan sampay lay sila tumandiyoꞌ meꞌ na. Maka lay gi ya binuwanan kawasa-kapatut marintahan manusiyaꞌ ni mimon kalahat-lahatan ka ni mimon kabangsa-bangsahan, kaniya-kaniya ka jinisan pallun da.

Siga Pakaradjaan bay Pinalahil 16:6

Sagannap ma bay maduwai lahaꞌ siga sukuꞌ nu sampay lahaꞌ kanabi-nabihan, pag batnaa, pataꞌ na du sila buwanan nu lahaꞌ man mainum sila.”

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.