Siga Pakaradjaan bay Pinalahil 17:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Dari siꞌ, lay na baw ku pinakitahan pandapat leꞌ Rū Tuhan. Njawom pandapat ku, lay ku binoo meꞌ malaikat looy nsiniꞌ pa lahat lau-lau yaꞌ magjama. Ndooy siꞌ, ngita na baw ku disu danda bakuraꞌ taꞌ disu sattuwa akket. Sattuwa looy siꞌ luu kōk na pituꞌ ka tanduk na sapū. Maka lapat baran na meꞌ jinisan awon ma pangka pa Tuhan.

Siga Pakaradjaan bay Pinalahil 17:3 ပူးပေါင်းရင်းမြစ်များ

Matiyu 27:28

Pag-anu, lay na baw urusan da pamakoy na boꞌ na pinapatukan juba tawuk bahasa juba sultan.

Salsila siga Rasul 8:39

Pag dutai da man jawom boheꞌ looy, sarunduun du lanyap si Pilip binoo palakka meꞌ Rū Sutsiꞌ. Yaꞌ na ya bay takita meꞌ manijel looy pabalik. Kuwan manijel looy, lay jaꞌ pawus moleꞌ, boꞌ tud bay gāk ya saꞌ alang-alang.

2 Tesaloneka 2:4

Bbuwatan na ngangkat dī na saula-ula patingkat ya man mimon ma pinag-awnan meꞌ manusiyaꞌ tuhan da atawa oy-oy sinumba meꞌ da. Boꞌ patabbaꞌ gi sina ya pa jawom lumaꞌ Tuhan, yana langga mehe, boꞌ na ningkōꞌ ndooy magladjaꞌ-ladjaꞌ ngawnan dī na Tuhan.

Siga Pakaradjaan bay Pinalahil 1:10

Na luu disu llaw, yana llaw man jama kumpo-kumpo numba Papuꞌ, lay ku bay pinakitahan pandapat meꞌ Rū Tuhan. Njawom pandapat ku, lay ku kale suwara ni bukutan ku meꞌ haddo tabuliꞌ.

Siga Pakaradjaan bay Pinalahil 12:14

Sugaꞌ danda looy siꞌ tu, lay na baw binuwanan meꞌ Tuhan duwa pikpik meꞌ karuha pikpik belleꞌ mehe supaya ya kapalomeng pa lahat lau-lau yaꞌ maglumaꞌ. Lahat looy ilay ndang bay hinalliꞌ meꞌ Tuhan niiya. Ndooy siꞌ, lay ya bay inayaran njawom tallun taun ka tongaꞌ sampay yaꞌ na ya taabut meꞌ naga looy.

Siga Pakaradjaan bay Pinalahil 12:3

Pag-anu siꞌ, luu na baw pasunuꞌ kahaylan-haylan takita ku taꞌ langit du, yana naga akket ka mehe. Eka kōk na pituꞌ, saliꞌ-saliꞌ ddas ka karuna da. Maka luu gi tanduk na sapū.

Siga Pakaradjaan bay Pinalahil 12:6

Kuwan danda looy siꞌ, lay na lahi pa lahat lau-lau yaꞌ maglumaꞌ ndooy ni lahat ma ndang bay hinalliꞌ meꞌ Tuhan niiya. Maka ndooy na ya bay inayaran njawom dalibu duwa hatus nnompūꞌ ngallaw.

Siga Pakaradjaan bay Pinalahil 17:18

Kuwan danda looy ilay siꞌ ma bay takita nu, yana sipat ni daira tanyag looy ma magbayaan siga sultan ni sikaliput junyaꞌ.”

Siga Pakaradjaan bay Pinalahil 17:4

Kuwan danda looy siꞌ, ayad banahan pamakoy na, walnaꞌ na tawuk ka akket. Maka lakkop ya meꞌ mmas ka ga palmata hagaan sampay ga mutsaꞌ. Maka luu ntanan na sawan mmas pannoꞌ meꞌ inuman yana sipat ni jinisan kasabuhan sampay na kajinahan ma pinaabak meꞌ na.

Siga Pakaradjaan bay Pinalahil 18:12

Labba man mmas da, pilak porol da, siga palmata, ga mutsaꞌ, ka kakanaꞌ hagaan yana lanay ka kakanaꞌ tawuk atawa akket, yaꞌ na luu jama man Babilon malli. Sampay kakayu-kayuhan hamut ka jinisan barang pinabuwat ka tanduk gadja, sampay kayu ma hagaan ka tumbagaꞌ, bassi, ka malbol, yaꞌ na du luu malli.

Siga Pakaradjaan bay Pinalahil 18:16

Yuk da ina mintu, ‘Allanēꞌ! Tud senseng la daira looy meꞌ looy na tanyag na saꞌ alang-alang! Sibuwa subay ga ya danda bay matuk pamakoy tawuk ka akket ma tud hagaan, boꞌ langkap gi ya meꞌ mmas ka ga palmata hagaan sampay ga mutsaꞌ.

Siga Pakaradjaan bay Pinalahil 21:10

Dari lay ku pinakitahan pandapat meꞌ Rū Tuhan. Njawom pandapat ku, lay na ku binoo meꞌ malaikat looy pa taꞌ punsak punu mehe-langkaw. Ndooy siꞌ, lay na ku pakitahan na daira sutsiꞌ looy, yana Jerusalem bahau duwai man sulgaꞌ lakka man Tuhan.

Siga Pakaradjaan bay Pinalahil 4:2

Pag-anu siꞌ, sarunduun du lay ku pinakitahan pandapat meꞌ Rū Tuhan. Njawom pandapat ku, luu na ku ndooy ni sulgaꞌ. Pag ndaꞌ ku, luu ni awpan ku disu paningkoan mehe-dorogan meꞌ bantuk paningkoan sultan. Boꞌ luu disu ningkōꞌ ndooy.