Siga Pakaradjaan bay Pinalahil 16:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Pag-anu siꞌ, takale ku na baw suwara malaikat ma ngantanan kapatut njataꞌ mimon boheꞌ ni junyaꞌ, yuk na, “Ū Tuhan Mahasutsiꞌ ma ndang luu man maruhuꞌ-ruhuꞌ sampay batnaa, tud intong hukuman nu ni manusiyaꞌ.

Siga Pakaradjaan bay Pinalahil 16:5 ပူးပေါင်းရင်းမြစ်များ

Panagnaan 18:25

Satā-tā bihing langit, tā lagi ko man naa. Mastiꞌ yaꞌ ko mapatoy jama intong pinatabeꞌ ni jama jahallis, saꞌ ba? Meꞌ kau hukum intong ni labbasakayi taꞌ babaw junyaꞌ, mastiꞌ tuwaꞌ jaꞌ mimon hukuman nu.”

Yahiya 17:25

“Maꞌ, kau ma intong gi man intong, minsan ko yaꞌ kinatoonan meꞌ sagannap ma yaꞌ pitsayaꞌ niyaku, bong aku, mastiꞌ katoonan ta jaꞌ ko. Maka siga mulit ku pun itu, katoonan da na du kau bay mapitu aku.

Suwat si Pol pa mman Baanan Sukuꞌ si Isa ndooy ni Rom 2:5

Sabana na, sagannap ma amu-amu tohas kōk da yaꞌ kuhi nawbat, sibuꞌ du sina sila ka sigi-sigi ngumpohan dī da pidjalaꞌ. Pinidjalaꞌ du sina mintu sila pag taabut llaw man huwis looy ma intong, yana Tuhan, ngalabuꞌ hukuman na.

Suwat si Pol pa mman Baanan Sukuꞌ si Isa ndooy ni Rom 3:5

Na adakala yuk kasohean na baw mintu, “Mangkin kita buwat kalaatan, mangkin tumampak na kaintongan Tuhan sampay man na na sinanglitan. Dari bong kalaatan ta poonan man Tuhan sinanglitan, ongoy taggahaꞌ subay na pin kita minulkaan?” Sugaꞌ baan ta kam banahan, bitsala meꞌ looy ilay, karupangan jaꞌ lakka man akka manusiyaꞌ.

Siga Pakaradjaan bay Pinalahil 1:4

Ituu tu si Yahiya nuwat pa mman siga baanan sukuꞌ si Isa ni pituꞌ daira nnaa ni Asiya. Kamura-murahan binuwanan na pin kam kasannangan maka barakat meꞌ Tuhan sabanna, ilooy ma ndang luu na man maruhuꞌ-ruhuꞌ ngabut batnaa sampay saumu ni sinōng. Maka kamura-murahan binuwanan na pin kam kasannangan ka barakat meꞌ ilooy ma ginalla Rū Sikapituꞌ, yana Rū Tuhan ma luu na pin ni awpan paningkoan man Tuhan ningkōꞌ marinta.

Siga Pakaradjaan bay Pinalahil 1:8

Na yuk Papuꞌ tabi Tuhan, “Aku itu yana Alpa ka Omega Sangat Kawasa, yana ilooy ma ndang luu na man maruhuꞌ-ruhuꞌ lagi ngabut batnaa sampay saumu ni sinōng.”

Siga Pakaradjaan bay Pinalahil 11:17

yuk da, “Tuhan, tud mehe meꞌ kami magsuku ningkau. Kau du Sangat Kawasa ma ndang luu na man maruhuꞌ-ruhuꞌ ngabut sampay batnaa. Lay na pakitahan nu ehe kawasa nu sampay itu na ko matangge pamarinta nu taꞌ junyaꞌ.

Siga Pakaradjaan bay Pinalahil 16:4

Pag tumpahan malaikat looy ni katallu na isi pinggan na, lay tuwaꞌ pa jawom siga sōng sampay siga poon boheꞌ langngin ni sikaliput junyaꞌ. Dari siꞌ, mimon boheꞌ ndooy lay na du dari lahaꞌ.

Siga Pakaradjaan bay Pinalahil 16:7

Pag-anu siꞌ, kale na baw ku suwara lakka man tagan lamisahan man nunu bbūg, yuk na, “Ū Tuhan, Papuꞌ Sangat Kawasa, tud intong siga hukuman nu. Yaꞌ luu salla na.”

Siga Pakaradjaan bay Pinalahil 19:2

Pudji tabi ya sabap intong sadjaꞌ mimon hukuman na, yaꞌ luu salla na. Lay na labuan na hukuman Babilon, puta looy ma tanyag, ma bay moo-moo manusiyaꞌ ni sikaliput junyaꞌ mmeꞌ ni kasabuhan na. Lay na ya hinisab meꞌ Tuhan sabap meꞌ na bay mapatoy siga sosohoan na.”

Siga Pakaradjaan bay Pinalahil 4:8

Ga balnyawa looy siꞌ sika-mpat, saliꞌ-saliꞌ luu ka pikpik da nnom lapat meꞌ mata pa jawom pa poan. Bbuwatan da mudji Tuhan sangom-llaw. Yaꞌ luu hognaꞌ da halling, “Sutsiꞌ, sutsiꞌ, sutsiꞌ Tuhan Sangat Kawasa, yana Papuꞌ ma ndang luu na maruhuꞌ-ruhuꞌ ngabut batnaa sampay saumu ni sinōng.”

Siga Pakaradjaan bay Pinalahil 6:10

Bbuwatan da mitsala pahaddo, yuk da, “Ū Tuhan, meꞌ kau sutsiꞌ ka intong, meꞌ noy gi tu hallom na boꞌ nu ngalabuꞌ hukuman ni siga jama maat taꞌ junyaꞌ? Sumilan kami bawsan nu sabapan lahaꞌ kami bay tumpahan da?”