Siga Pakaradjaan bay Pinalahil 14:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Dari lay ya ngahowap, yuk na, “Isbatun bi Tuhan maka pudjihun bi ya, batan taabut na situ waktu man na ngahukum mimon manusiyaꞌ. Meꞌ iya bay mapayak gumi ka langit, dilawut ka mimon poon boheꞌ langngin, sumbahun bi ya.”

Siga Pakaradjaan bay Pinalahil 14:7 ပူးပေါင်းရင်းမြစ်များ

Panagnaan 22:12

Yuk malaikat looy, “Daa na papatoyun anak-anak naa. Batnaa tumatandaꞌ na niyaku tawu du ko pa Tuhan, batan sampay anak tungga nu atas bay pinaglillaꞌ meꞌ nu bong pin taasip nu jaꞌ panohoan Tuhan.”

Matiyu 25:13

“Sangkon,” yuk si Isa, “subay ndang saddiya na kam, batan yaꞌ tatunaꞌ bi bong llaw oy atawa lisag dangoy katakka ku ni sinōng.”

Lukas 17:18

Ongoy itu lalla tuu sa bay pabeleng pitu muwan pudji pa Tuhan? Boꞌ saꞌ gi ga ya bangsa Yahudi!”

Salsila siga Rasul 14:15

“Kaam sikamimon, ongoy kam magtuhan ningkami? Kami itu manusiyaꞌ jaꞌ meꞌ kaam du. Kami itu pitu masaplagan kaam jaꞌ umanat mahap pasal Tuhan sabanna ma llum saumu-umu. Iya na silay bay mapayak gumi ka langit sampay dilawut ka mimon-mimon isi da. Kahandak na ina, tikutan bi na siga tuhan bi. Ndang-ndang yaꞌ du silay luu kawasa da nabang kaam.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

Siga Pakaradjaan bay Pinalahil 11:13

Lay jaꞌ ilay mintu sila dutai, luu du linug mehe sampay binasa na daira looy sabahagiꞌ sapū. Maka luu sina mintu pituꞌ libu manusiyaꞌ matoy meꞌ linug looy. Kuwan sagannap ma masi llum, tud tawu na sina mintu sampay mudji na sila Tuhan sabanna ma magbayaꞌ ni sulgaꞌ.

Siga Pakaradjaan bay Pinalahil 11:18

Kuwan sagannap ni junyaꞌ ma yaꞌ mmeꞌ ningkau, tud lasu ningkau. Sugaꞌ taabut na waktu man da ngissa mulkaꞌ nu. Taabut na waktu bay ginantaꞌ man nu ngahukum sikamimon ma bay matoy. Maka taabut na du waktu man nu makaat sagannap ma bay makaat junyaꞌ. Kuwan siga ata nu, yana kanabi-nabihan sampay mimon sukuꞌ nu balkanan maka saꞌ balkanan ma ngisbat kau, binuwanan na du meꞌ nu tungbas ayad.”

Siga Pakaradjaan bay Pinalahil 15:4

Papuꞌ, soy yaꞌ ngisbat kau ka maehe awon nu meꞌ naa na isu-isu kau sutsiꞌ. Manusiyaꞌ man mimon kabangsa-bangsahan kumpo-kumpo sina mintu numba kau sabap katoonan da intong jaꞌ mimon ma pabuwat nu.”

Siga Pakaradjaan bay Pinalahil 16:9

Sugaꞌ san sila lay na lūs meꞌ hawa pasuꞌ saꞌ na alang-alang, masi du sila yaꞌ kuhi nawbatan dusa da. Maka masi sila yaꞌ kuhi maehe Tuhan. Gam pin, palaat da lagi pagka iya poonan ga balaꞌ looy.

Siga Pakaradjaan bay Pinalahil 18:10

Sugaꞌ maiman sa sina sila man katāhan batan tawu sila talapay ni mulkaꞌ njataꞌ na. Yuk da ina mintu saliꞌ-saliꞌ, ‘Allanēꞌ! Tud senseng la daira looy meꞌ looy na bay ehe tanyag na ka kawasa na! Njawom danjām du lay na ya magti timmos kalabuan balaꞌ.’

Siga Pakaradjaan bay Pinalahil 18:17

Pag batnaa, njawom danjām du, magti lay katis mimon altaꞌ na.’ Na ni waktu looy du ilay mintu, mimon kapitan adjung ka ga tindog da ka siga pasahero sampay mimon jama ma ngusaha pa dilawut, maiman sa du sina mintu man katāhan

Siga Pakaradjaan bay Pinalahil 18:19

Ni kaehe susa da ina mintu, bbuwatan da nimbuhan momok tanaꞌ pa taꞌ kōk da sambayan da nangis ni kadukka da, yuk da, ‘Allanēꞌ! Tud senseng la daira looy! Bistahun bi doꞌ, mimon jama ma luu adjung da lay na magkadayahan sabapan barang daira looy sakiyan. Sugaꞌ njawom danjām du, lay na lubu labbasakayi!’ ”

Siga Pakaradjaan bay Pinalahil 19:5

Pag-anu siꞌ, luu na baw suwara pōꞌ man tagan paningkoan Tuhan, yuk na, “Kaam, siga sosohoan Tuhan, yana kaam ma ngisbat iya, balkanan saꞌ balkanan, pudjihun bi du Tuhan tabi.”

Siga Pakaradjaan bay Pinalahil 4:11

“Kau ina Papuꞌ kami maka Tuhan kami. Tawop ko binuwanan pudji ka kabantugan mehe. Kau Sangat Kawasa batan kau bay mapayak mimon-mimon. Yaꞌ luu oy maka oy na bong saꞌ man kahandak nu.”

Siga Pakaradjaan bay Pinalahil 4:9

Wā sila mudji ka mantug sampay muwan pagsukuhan pa ilooy ma llum saumu-umu, yana Tuhan, ilooy ma ningkōꞌ taꞌ paningkoan looy marinta. Na sasang da meꞌ looy,

Siga Pakaradjaan bay Pinalahil 8:10

Pag tiyup malaikat ni katallu na tabuliꞌ na, ilooy ma luu na potean mehe lay labuꞌ man taꞌ langit noleyab meꞌ karuha api paliyatut. Boꞌ lay labuꞌ pa taꞌ sabahagiꞌ tallu sōng ka siga poon boheꞌ taꞌ junyaꞌ.