Siga Pakaradjaan bay Pinalahil 14:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Yaꞌ sila ngandustaꞌ maka yaꞌ luu sutsutan njataꞌ da.

Siga Pakaradjaan bay Pinalahil 14:5 ပူးပေါင်းရင်းမြစ်များ

Matiyu 12:34

“Kaam tu siga Parisi, subay ga baanan sō latsunan. Yaꞌ kam kabitsala mahap sabap maat jaꞌ pangatayan bi. Batan oy-oy ina njawom atay manusiyaꞌ, inaa du sina pōꞌ man jawom behe da.

Lukas 23:4

Pag-anu, yuk Gubnul Pilatu ni siga imam langkaw ka ni baanan jama ndooy, “Yaꞌ bitu ku nammu dusa pataꞌ man jama tuu pinalkalaꞌ.”

Yahiya 1:47

Pag ndaꞌ si Isa luu na si Natanyel pasōng pa mman na, yuk na, “Atu na disu lalla tud pulnaꞌ bangsa Israil, yaꞌ pandoy ngandustaꞌ.”

Epesus 5:27

Kon na nongan umu na supaya tahasi na kitabi bilang pangantin ma danda lingkatan saꞌ na tapandang, ma sutsiꞌ sampay yaꞌ luu salla na atawa tamak na.

Kolossa 1:22

Lipara, luu na Anak na bay dari manusiyaꞌ, boꞌ na nongan umu na kalnaꞌ kaam supaya kam mahap na pa Tuhan. Pag batnaa, sabapan Anak na, sutsiꞌ na kam. Yaꞌ na luu sutsutan njataꞌ bi ni mata Tuhan,

Hibrani 9:14

Na bong lahaꞌ hayop kasutsiꞌ, labi na bong lahaꞌ Almasi saꞌ kasutsiꞌ. Batan lahaꞌ Almasi ina kasutsiꞌ sampay ni honaꞌ-honaꞌ tabi ma bay tamakan sabap meꞌ tabi bay maabak jinisan ma katiksaꞌ ni nyawa tabi. Dari man kawasa Rū Sutsiꞌ ma luu saumu-umu, lay na Almasi nongan umu na pa Tuhan bilang kulban ma yaꞌ luu salla na. Kon na buwat meꞌ looy supaya bean tabi na kahandak Tuhan.

1 Pitel 1:19

Arapun gastus bay man maddusan kaam ilay yana lahaꞌ Almasi bay pinaduwai, boꞌ hagaan saꞌ alang-alang. Man maruhuꞌ lagi ilay ndang luu na sipat ni lahaꞌ na pinaduwai song hallom, yana lahaꞌ bili-bili ma bay kinulban meꞌ imam taun pa taun sabapan dusa. Yana meꞌ bili-bili looy yaꞌ dari luu salla na atawa tamak na, damikiyan Almasi pun yaꞌ du luu salla na. Hati na, yaꞌ luu dusa na.

1 Pitel 2:22

Bistahun bi doꞌ, yaꞌ san ya bay buwat dusa samasakali. Dustaꞌ pun, yaꞌ du luu bay pōꞌ man jawom behe na san sakayi.

1 Pitel 3:10

Meꞌ halling sambat njawom kitab, “Soysoy doman kaallum mahap ka doman njawom kagakan, subay niyaꞌ mitsala pagkahi na pa kalaatan maka subay ya yaꞌ ngandustaꞌ.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.