Siga Pakaradjaan bay Pinalahil 14:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Pag-anu siꞌ, ngita na baw ku tayiꞌ baliyu poteꞌ malaas. Njataꞌ na luu ningkōꞌ meꞌ bantuk Anak Manusiyaꞌ ddas ka karuna mmas taꞌ kōk na ka tasanggot tawom ni tangan na.

Siga Pakaradjaan bay Pinalahil 14:14 ပူးပေါင်းရင်းမြစ်များ

Matiyu 13:30

Bbiyahun bi na doꞌ paehe saliꞌ-saliꞌ. Dari pag mintu taabut ngattom, sohoꞌ ku sa pinaduhuꞌ llumputan ni siga tukang ngattom, boꞌ sohoꞌ ku kinumpo lumput na tinunu. Pag-anu, boꞌ sohoꞌ ku na kinattom buwaꞌ na boꞌ inannaꞌ ni jawom buriga ku.’ ”

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Malkus 4:29

Pag tahak na banahan, ilooy ma kinattom na meꞌ jama looy sabap taabut na timpu na.”

Lukas 21:27

“Na pus meꞌ looy, takita na leꞌ sikamimon manusiyaꞌ aku, yana Anak Manusiyaꞌ, liput meꞌ tayiꞌ baliyu duwai pa junyaꞌ ddas ka kawasa mehe ka kabantugan saꞌ alang-alang.

Hibrani 2:9

Sugaꞌ mindoga doꞌ kitabi ni si Isa. Iya ilay bay du ginantaꞌ diyoꞌ man siga malaikat samantalaꞌ. Kon na ilay meꞌ looy supaya ya lumingkaꞌ doꞌ njawom kabinsanaan sampay matoy kalnaꞌ manusiyaꞌ sikamimon, tandaꞌ aseꞌ Tuhan ninsila. Dari sabap bay ya nongan umu na man na nanggung dusa tabi, lay na hinudhuran njataꞌ na pudji ka kabantugan mehe.

Siga Pakaradjaan bay Pinalahil 1:13

Ni tangngaan siga pananggehan palitaan looy siꞌ, luu bay takita ku meꞌ bantuk manusiyaꞌ. Pamakoy na juba tahaꞌ ngkod battis na, maka luu gi kindang na mmas.

Siga Pakaradjaan bay Pinalahil 1:7

Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.

Siga Pakaradjaan bay Pinalahil 10:1

Pag-anu siꞌ, ngita na baw ku disu malaikat ma basag kawasa na duwai man sulgaꞌ lakkop meꞌ tayiꞌ baliyu. Luwa na silaw meꞌ karuha mataallaw maka luu bangaw pa jataꞌ man kōk na. Kuwan buwaꞌ battis na, meꞌ dagbos tehang api.

Siga Pakaradjaan bay Pinalahil 11:17

yuk da, “Tuhan, tud mehe meꞌ kami magsuku ningkau. Kau du Sangat Kawasa ma ndang luu na man maruhuꞌ-ruhuꞌ ngabut sampay batnaa. Lay na pakitahan nu ehe kawasa nu sampay itu na ko matangge pamarinta nu taꞌ junyaꞌ.

Siga Pakaradjaan bay Pinalahil 19:12

Mata na, meꞌ api noleyab maka meka karuna taꞌ kōk na. Boꞌ luu gi awon bay sinuwatan taꞌ tundun na, sugaꞌ yaꞌ luu toon bong oy hatiyan na sarī man dī na.

Siga Pakaradjaan bay Pinalahil 20:11

Pag-anu siꞌ, ngita na baw ku disu paningkoan sultan, tud mehe ka poteꞌ. Maka luu na du takita ku ilooy ma ningkōꞌ ndooy. Kuwan junyaꞌ ka langit, lay na lanyap man pag-awpan na sampay yaꞌ na takita pabalik.

Siga Pakaradjaan bay Pinalahil 6:2

Pag ndaꞌ ku, luu na pōꞌ kuraꞌ poteꞌ. Ilooy ma bakuraꞌ luu ka panaꞌ na. Pag-anu siꞌ, pinapatukan na baw ya karuna yana sipat ni kawasa-kapatut ndean iya. Iya ilay paglallahan wā kaā sibonoꞌ. Dari lay na ya lakka mandooy maā banta na sikamimon.