Siga Pakaradjaan bay Pinalahil 14:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Pag-anu siꞌ, kale na baw ku suwara lakka man sulgaꞌ, yuk na, “Suwatan nu ituu: Labba man batnaa, njawom supaat sina sagannap ma matoy sabap meꞌ da mmeꞌ ni Papuꞌ Isa.” Pag-anu siꞌ, sinambag na baw meꞌ Rū Tuhan, yuk na, “Bana sina, njawom supaat sila. Bohoꞌ da kapahali man mimon bay hulas-sangsāꞌ da. Maka taboo da du sina mintu pa ahirat mimon kaayaran bay pabuwat da.”

Siga Pakaradjaan bay Pinalahil 14:13 ပူးပေါင်းရင်းမြစ်များ

Matiyu 3:17

Maka luu suwara man sulgaꞌ, yuk na, “Ituu tu Anak ku, kakasi ku. Kasulutan ku banahan niiya.”

Lukas 16:25

“Sugaꞌ tampung Nabi Ibrahim, ‘Nges, intomun doꞌ jaman nu llum ni junyaꞌ. Lay jaꞌ ko masannang dī nu ngissahan jinisan pakaradjaan ayad halloman nu ni junyaꞌ. Boꞌ si Lasarus itu, ilooy du bay takissa na katiksaan. Pag batnaa, iya doꞌ baw magparasahan ayad. Kuwan kau, nnaa na jaꞌ ko njawom tiksaꞌ.

Lukas 16:9

“Sangkon ituu jaꞌ meꞌ ku maka kaam: Pakoyun bi na altaꞌ bi ni junyaꞌ tuu man bi nulung pagkahi bi manusiyaꞌ. Ndang-ndang ina yaꞌ du taboo bi pa ahirat. Dari pag patoy bi, hinasi jaꞌ sina kam paayad ndooy ni sulgaꞌ.

Suwat si Pol pa mman Baanan Sukuꞌ si Isa ndooy ni Rom 14:8

Batan maksud tabi itu llum atawa matoy supaya Papuꞌ koleꞌ kabantugan njataꞌ tabi. Sangkon, kaallum-kapatoy tabi, basta sukuꞌ Papuꞌ du kitabi.

1 Korin 15:18

Boꞌ na, bong siꞌ ilay bay mawjud meꞌ looy, malaingkan siga danganakan tabi sukuꞌ Almasi pun ma lay na matoy, yaꞌ na du luu katimbuhan nyawa da.

1 Korin 15:20

Sugaꞌ ni sabana na, lai na silay Almasi pinakallum pabalik. Na pagka iya bay duhuꞌ-duhuꞌ pinakallum pabalik, inaa na buktiꞌ mimon sukuꞌ na ma lay na matoy pinakallum du pabalik bbos-bbos.

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

2 Korin 5:8

Sannang na pamiki tabi batan tatantu tabi mastiꞌ luu jaꞌ kaayaran ngagad kitabi. Batan katoonan tabi na, mas mahap gi kitabi sakkat ka baran tuu supaya kitabi kapagdambuwaꞌ na ka Papuꞌ Isa.

Pilipi 2:17

Meꞌ ku ngingat, mimon hulas-sangsāꞌ bi man sabapan pangando bi ni si Isa meꞌ karuha jakat ma bay sinongan meꞌ siga imam pa Tuhan mattoꞌ. Kuwan aku itu, bong sawpama lay na ku mintu pinapatoy sabap meꞌ ku masaplag, meꞌ ku ngingat, lahaꞌ ku tumpa meꞌ karuha tubaꞌ anggul ma bay tinumpahan meꞌ siga imam taꞌ kulban da mattoꞌ. Sugaꞌ san gi oy katuwaꞌ aku, masi du ku gāk maka gāk du ku ningkaam.

1 Tesaloneka 4:14

Boꞌ ningkitabi itu, luu holat tabi, batan lay na kitabi mindoga ni bay kadarihan si Isa. Lay jaꞌ siꞌ ya matoy, lay du ya llum pabalik. Dari manganna na kitabi, pagka si Isa bay pinakallum meꞌ Tuhan, malaingkan siga sukuꞌ na pun ma lay na matoy, mastiꞌ pinakallum du, boꞌ da binoo meꞌ Tuhan pa mman si Isa.

1 Tesaloneka 5:10

Si Isa ilay, atas na bay nongan umu na kalnaꞌ kitabi supaya pag beleng na, kapagdambuwaꞌ na kitabi ka iya saumu-umu, labba man siga sukuꞌ na ma masi llum sampay sagannap ma lay na matoy.

1 Timuti 5:24

Balik ta pa meneꞌ pa-mmean, mindoga ko paayad. Kasohean ina jama, ndang tumatandaꞌ na siga dusa da ni sikamimon yaꞌ gi san bay pinalkalaꞌ. Boꞌ kasohean ina, hallom-hallom gi boꞌ bungka kalaatan da.

1 Timuti 5:25

Damikiyan kasohean ina jama, ndang tumatandaꞌ na sila buwat mahap. Boꞌ kasohean, san sila buwat mahap, hallom-hallom gi boꞌ tasayu.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”

Siga Pakaradjaan bay Pinalahil 10:4

Saddong ku dak bay nuwatan bitsala ga guntu looy siꞌ, lay na baw ku kale suwara pōꞌ man sulgaꞌ, yuk na, “Daa na ba suwatan nu bitsala ga guntu looy. Yaꞌ dari pinalahil.”

Siga Pakaradjaan bay Pinalahil 11:15

Pag-anu siꞌ, pasīng na baw malaikat looy ni kapituꞌ na niyup tabuliꞌ na. Pag pōꞌ halling na, ilooy ma luu siga suwara ngahowap ni sulgaꞌ, yuk da, “Labba man batnaa, yaꞌ na luu pamarinta manusiyaꞌ ni junyaꞌ, isu-isu pamarinta Papuꞌ tabi Tuhan ka ilooy ma bay peneꞌ na, yana Almasi. Boꞌ iya sa marinta saumu-umu.”

Siga Pakaradjaan bay Pinalahil 11:19

Pag-anu siꞌ, binukaꞌ na baw langga ndooy ni okoman Tuhan ni sulgaꞌ sampay luu na takita ku ndooy baul pangannaan pagsulutan antaraꞌ Tuhan ka manusiyaꞌ. Maka luu na pin pōꞌ ngallub ka mangirat haboyan guntu. Boꞌ linug na ga lahat sampay labuꞌ na uwan ayis batu man taꞌ langit.

Siga Pakaradjaan bay Pinalahil 16:17

Na pag tumpahan malaikat looy ni kapituꞌ na isi pinggan na, lay tuwaꞌ pa taꞌ baliyu. Pag lupus, luu na baw pōꞌ suwara haddo man tagan paningkoan looy ni langga looy ni sulgaꞌ, yuk na, “Lupus na.”

Siga Pakaradjaan bay Pinalahil 19:9

Pag-anu siꞌ, yuk disu malaikat niyaku, “Suwatan nu ituu: Njawom supaat sina soysoy bay kinaddoꞌ nohoꞌ ngaluruk pangawinan Bili-bili looy.” Maka yuk na lagi, “Bitsala tuu itu siꞌ, mastiꞌ bana jaꞌ batan lakka man Tuhan.”

Siga Pakaradjaan bay Pinalahil 2:1

Pag-anu siꞌ, yuk na lagi niyaku, “Nuwat ko pilay pa mman pa-mmean looy ma ngantanan baanan sukuꞌ ku ndooy ni Epesus. Bong ko nuwat, yuk nu meꞌ tuu, “Bitsala tuu lakka man ilooy ma ngantanan siga potean sikapituꞌ ni kawnan na sampay ma lumān ni tangngaan pananggehan palitaan mmas sikapituꞌ. Yuk na meꞌ tuu,

Siga Pakaradjaan bay Pinalahil 2:7

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan buwanan ku ya kapatut mangan buwaꞌ kayu looy ma muwan kaallum ma yaꞌ luu katapusan na ndooy ni sulgaꞌ.”

Siga Pakaradjaan bay Pinalahil 21:5

Pag-anu siꞌ, yuk ilooy ma ningkōꞌ ni paningkoan mehe looy siꞌ, “Batnaa, pabahauwan ku na situ mimon-mimon!” Maka yuk na niyaku, “Suwatan nu mimon ma bay takale nu siꞌ batan bitsala looy ilay siꞌ kanaalla maka taasahan.”

Siga Pakaradjaan bay Pinalahil 22:17

Pag-anu, yuk Rū Tuhan ka sagannap ma ginalla pangantin ma danda, yana mimon sukuꞌ Papuꞌ Isa, “Pitu na ko.” Damikiyan sagannap ma pakale ni bitsala njawom kitab tuu siꞌ halling du, “Pitu na ko.” Na soysoy tohoꞌ kallong bi, pitu na kam nginum boheꞌ ma muwan kaallum. Libre jaꞌ sina ni soysoy doman nginum.

Siga Pakaradjaan bay Pinalahil 6:11

Pag-anu siꞌ, lay na sila binuwanan juba poteꞌ saliꞌ-saliꞌ boꞌ da nohoꞌ ngagad-ngagad gi dangkitiꞌ. Noy konoꞌ mintu ngabut na gantaan eka pagkahi da ata Tuhan pinapatoy meꞌ karuha da du, boꞌ da binawsan.