Siga Pakaradjaan bay Pinalahil 13:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Lay gi ya bay buwat pakaradjaan kahaylan-haylan. Takaya na sampay api pinalabuꞌ man taꞌ langit pa taꞌ gumi ni pag-awpan jama.

Siga Pakaradjaan bay Pinalahil 13:13 ပူးပေါင်းရင်းမြစ်များ

Matiyu 16:1

Na disu llaw, luu na baw siga Parisi ka Saddusi pilay pa mman si Isa nuway-nuwayan iya. Yuk da niiya, “Pakitahan teꞌ kami sipat kawasa mari luu buktiꞌ kau bay pinapitu meꞌ Tuhan.”

Matiyu 24:24

batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Malkus 13:22

Luu sina mintu pōꞌ mangaku bahasa sila na Almasi atawa disu nabi. Boꞌ mōꞌ gi sina mintu sila siga pabuwatan kahaylan-haylan mari luu jama takoleꞌ da binoo mmeꞌ ni tōꞌ da ma yaꞌ tuwaꞌ. Bong siꞌ ina mintu takaya da, sampay sagannap ma bay pineneꞌ meꞌ Tuhan sukuꞌ na boo da du magsiꞌ.

2 Timuti 3:8

Kuwan sila ina ma tukang masampay siga tōꞌ palsu, ndang bingkok na pamiki da. Yaꞌ hilas pangando da pa Tuhan. Nulang sila kabanahan meꞌ bay jaman ga si Jannes ka si Jambres bay nulang Nabi Musa mattoꞌ.

Siga Pakaradjaan bay Pinalahil 11:5

Soysoy ina mintu doman minsanaꞌ ga sosohoan looy, yaꞌ luu dapat da batan binasa sila meꞌ api pōꞌ man jawom behe ga sosohoan looy. Kapatoy meꞌ looy ilay ndang bay ginantaꞌ ni soysoy doman makaat sila.

Siga Pakaradjaan bay Pinalahil 16:14

Siga seytan looy siꞌ luu kawasa da buwat jinisan pakaradjaan kahaylan-haylan. Dari bbuwatan da, lay patiluꞌ pa mman siga sultan ni sikaliput junyaꞌ. Maksud da moo-moo siga sultan kumpo-kumpo naggaꞌ Tuhan Sangat Kawasa ni bonoꞌ mehe pag taabut llaw bay ginantaꞌ meꞌ Tuhan man na ngahukum manusiyaꞌ.

Siga Pakaradjaan bay Pinalahil 19:20

Sugaꞌ yaꞌ bay luu dapat sattuwa looy sabap lay ya tasungkub haboy ka nabi palsu looy ma bay mōꞌ siga sipat kahaylan-haylan kalnaꞌ sattuwa looy. Sabapan siga sipat bay pōꞌ na, lay takoleꞌ na inakkahan sagannap ma bay sinapan ka sāp sattuwa looy, sampay mimon ma bay numba jama-jama looy ma bay pinabuwat ni limbagan na. Dari siꞌ, hisab ni sattuwa looy ka nabi palsu looy, lay hiniyakan, kaallum-llum da, pa jawom danaw looy ma pannoꞌ leꞌ api ka manilang ngereꞌ.

Siga Pakaradjaan bay Pinalahil 20:9

Pag taabut da ina mintu ngalān, palintas sina sila ni kaluhān junyaꞌ boꞌ da ngappung daira ma kinasengan meꞌ Tuhan man siga sukuꞌ na maglahat. Sugaꞌ yaꞌ du luu dapat da batan kalabuan sina sila api man taꞌ langit sampay man da na katis ampud.