Siga Pakaradjaan bay Pinalahil 12:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 12:9 ပူးပေါင်းရင်းမြစ်များ

Panagnaan 3:1

Na ni mimon sattuwa tawun ma bay pinapayak meꞌ Tuhan, yaꞌ luu bay akkahan labi man sō. Dari disu llaw, lai sō looy pa mman danda looy, yuk na, “Bana kilay lay kam binandaan leꞌ Tuhan yaꞌ nohoꞌ mangan buwaꞌ oy-oy jaꞌ kayu ni tinanom tuu?”

Panagnaan 3:13

Pag-anu, tinilaw na baw meꞌ Tuhan danda looy siꞌ, yuk na, “Ongoy ko bay buwat meꞌ looy?” Tampung danda looy baw siꞌ, “Lay ku ba la takoleꞌ inakkahan leꞌ sō looy. Ngkon ku bay kakakan.”

Matiyu 13:39

Banta ma naburan lumput yana Ibilis. Timpu ngattom, yana llaw dambuli. Maka sagannap ma tukang ngattom yana siga malaikat.

Matiyu 24:24

batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Matiyu 25:41

“Pag-lupus, halling na baw Sultan ni sagannap ma huwin pa kayli na, ‘Kaam ina, basta pinagmulkaan sina kam. Lakka na kam man bihing ku. Pilay na kam pa jawom api ma yaꞌ kuhi pawom saumu-umu, ma hinallian Ibilis ka ga sosohoan na.

Matiyu 4:1

Na paddus meꞌ looy siꞌ, lay na baw si Isa binoo meꞌ Rū Sutsiꞌ pa lahat lau-lau yaꞌ maglumaꞌ supaya ya tasuwayan bong ya takoleꞌ sinasat meꞌ Ibilis atawa niyaꞌ.

Matiyu 4:10

Iya tampung si Isa, “Lakka na ko Ibilis. Yuk njawom kitab, ‘Isu-isu Papuꞌ bi Tuhan sumbahun bi maka iya jaꞌ isbatun bi.’ ”

Matiyu 4:5

Pag-anu siꞌ, lay na baw si Isa binoo meꞌ Ibilis pa Jerusalem. Ndooy siꞌ, lay ya pinatangge meꞌ Ibilis taꞌ buhungan langga mehe.

Matiyu 4:8

Pag-anu siꞌ, lay na baw ya binoo meꞌ Ibilis pa taꞌ punsak punu langkaw banahan. Ndooy siꞌ, lay na baw ya pinakitahan mimon kalahat-lahatan ni sikaliput junyaꞌ ddas ka pangaltaꞌ da ka kawasa pa-mmean da.

Lukas 10:18

Yuk si Isa ninsila, “Ndang lay na silay takita ku Ibilis labuꞌ man taꞌ langit meꞌ hantangan mangirat tandaꞌ lay na ya ā.

Lukas 13:16

Na bong sapiꞌ atawa kuraꞌ dari pinaddusan ni Llaw Pahali, labi na baw danda tuu saꞌ pataꞌ pinaddusan man kamalasahiyan. Boꞌ pagkahi tabi lagi ya panubuꞌ Nabi Ibrahim. Bistahun bi doꞌ, luu na sapu-wawun taun halloman na bay taingkot meꞌ Ibilis. Sangkon subay ya pinaddusan san gi magsabtan ka Llaw Pahali.”

Lukas 22:3

Na ni waktu looy du siꞌ, kuwan si Judas Iskariyut, yana disu njawom sikasapu-duwa mulit si Isa, lay na baw inasok meꞌ Ibilis.

Lukas 22:31

Pag-anu yuk si Isa ni si Pitel, “Saymon, pakale ko. Lay na silay muhun Ibilis pa Tuhan nuway-nuwayan kaam sikamimon. Kainagon na ngalangkat pangando bi niyaku.

Lukas 8:12

Kuwan tanaꞌ ni tangngaꞌ lān man bani looy bay tumiluꞌ, tuwaꞌ pa sagannap ma bay kale umanat Tuhan, sugaꞌ magti ndagmit meꞌ Ibilis man jawom atay da mari yaꞌ na luu dapat da pitsayaꞌ sampay sinalamat.

Yahiya 12:31

Taabut na situ waktu man Tuhan ngalabuꞌ hukuman na ni kapasal mimon dusa manusiyaꞌ. Maka taabut na du waktu man maā Ibilis ma panghuluꞌ ni manusiyaꞌ ma yaꞌ pitsayaꞌ niyaku.

Yahiya 14:30

Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku.

Yahiya 16:11

Ni kapasal hukuman, pinalahil meꞌ na lai na kabotangan hukuman Ibilis, ilooy ma panghuluꞌ ni manusiyaꞌ ma yaꞌ pitsayaꞌ niyaku.

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Salsila siga Rasul 5:3

Dari yuk si Pitel niiya, “Ananiyas, ongoy taggahaꞌ kuhi-kuhi jaꞌ ko pinagbayaan meꞌ Ibilis. Tatammu nu na ga ngandustaan Rū Sutsiꞌ. Baꞌ-bāꞌ nu, luu na ntuu mimon ballihan tanaꞌ nu, mingkan luu gi kasohean bay nnaꞌ nu para ni dī nu.

Suwat si Pol pa mman Baanan Sukuꞌ si Isa ndooy ni Rom 16:18

batan sila ina, saꞌ Papuꞌ tabi si Isa Almasi pakutuꞌ da. Iya paabak da meꞌ da nganduwan napsu da. Alistu sila mitsala sampay malambu tinga jama man da ngandupang jama awam.

Suwat si Pol pa mman Baanan Sukuꞌ si Isa ndooy ni Rom 16:20

Luu du sina Tuhan, yana poonan kasannangan, tattap nabangan kaam nalloban Ibilis. Dambuli man inaa, kamura-murahan luu na pin aseꞌ-tabang Papuꞌ tabi si Isa Almasi njataꞌ bi.

2 Korin 11:14

Sugaꞌ daa na kitabi haylan, batan Ibilis pun ina ngakka du sampay manyalupa gi pa malaikat nahayaꞌ na bahasa lakka man Tuhan.

2 Korin 11:3

Ilooy kahanggawan ku, taggahaꞌ lay na baw kam mintu inakkahan meꞌ karuha jaman Sitti Hawa bay takoleꞌ inakkahan meꞌ sō mattoꞌ. Hanggaw ku taggahaꞌ takoleꞌ na baw kam pinagsian sampay man lungay na kasutsian bi ka hilas atay bi ngisbat Almasi.

2 Korin 12:7

Dari supaya ku yaꞌ takabbu sabapan jinisan pakaradjaan bay pinalahil meꞌ Tuhan niyaku, lay na Tuhan mabiya disu sosohoan Ibilis niksaꞌ aku. Boꞌ ndang ituu na situ kasanggalang niyaku meꞌ sapantun sisib njawom isi ku.

2 Korin 2:11

supaya kitabi yaꞌ tumandiyoꞌ meꞌ Ibilis. Batan katoonan tabi na du angan-angan Ibilis ngalangkat pagkatibuuk tabi.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

Epesus 4:14

Bong ina kitabi sukup iman na, yaꞌ na kitabi meꞌ anak-anak os-os pitsayaꞌ ni oy-oy bitsala jama. Yaꞌ na kitabi meꞌ sapantun kumpit umatung kuhi jaꞌ tinuran leꞌ lamba ka baliyu. Intong na, yaꞌ na kitabi takoleꞌ llingu meꞌ siga guru palsu ma alistu moo-moo jama magsiꞌ.

2 Tesaloneka 2:3

Daa kam mmeꞌ-mmeꞌ ninsila, batan inawnan llaw katakka Papuꞌ, yaꞌ sina takita ngkod-ngkoran yaꞌ gi luu duhuꞌ sakiyan manusiyaꞌ nuwak Tuhan. Maka subay luu doꞌ duhuꞌ pōꞌ disu pa-mmean ma tukang nulang saraꞌ Tuhan. Iya ilay sukuꞌ nalkaꞌ.

1 Timuti 2:14

Boꞌ na, saꞌ du silay Boꞌ Adam bay inakkahan meꞌ Ibilis, arapun ma danda. Dari pag toklas na, iya bay duhuꞌ dari baldusa.

2 Timuti 3:13

Batan jama maat ina ka jama pangakka, magsasōng na pin sina mintu kalaatan da. Ngakkahan sila jama, sugaꞌ sila pun inakkahan du.

Hibrani 2:14

Na sila ilay siꞌ ma bay awnan Almasi siga anak Tuhan yana manusiyaꞌ. Dari Almasi ilay bay du padari manusiyaꞌ supaya tapaglillaꞌ na baran na pinapatoy kalnaꞌ kitabi. Dari atas na bay matoy supaya talangkat na kawasa Ibilis njataꞌ tabi. Batan Ibilis ilay ndang man panagnaan lagi poonan kapatoy ni manusiyaꞌ.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.

1 Yahiya 5:19

Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.

Suwat Lakka man si Jūd 1:9

Minsan baw Mikail yana disu malaikat langkaw banahan kawasa-kapatut na, yaꞌ du bay nawakka buwat meꞌ sila. Batan jaman Mikail ilay bay magsaggaꞌ ka Ibilis pasal mayat Nabi Musa, yaꞌ du ya bay nawakka madiyoꞌ Ibilis. Ilooy du bay halling na niiya, “Papuꞌ sa bahalaꞌ naggong kau.”

Siga Pakaradjaan bay Pinalahil 12:12

Maka halling suwara looy lagi, “Na kaam ma luu na ntuu ni sulgaꞌ, subay kam gāk banahan sabap lai na Ibilis pinōꞌ mantuu. Sugaꞌ kaluuy-luuy kam nnaa taꞌ junyaꞌ, pa dile pa dilawut, batan luu na Ibilis bay duwai pilu pa mman bi. Biddaꞌ na sina lasu na batan katoonan na dangkitiꞌ sa masa man na madara maksud na.”

Siga Pakaradjaan bay Pinalahil 12:3

Pag-anu siꞌ, luu na baw pasunuꞌ kahaylan-haylan takita ku taꞌ langit du, yana naga akket ka mehe. Eka kōk na pituꞌ, saliꞌ-saliꞌ ddas ka karuna da. Maka luu gi tanduk na sapū.

Siga Pakaradjaan bay Pinalahil 12:7

Pag-anu siꞌ, luu na baw bonoꞌ mehe ni sulgaꞌ. Mikail ka siga malaikat ndiyoan na lay sibonoꞌ ka naga looy ka siga malaikat ndiyoan na.

Siga Pakaradjaan bay Pinalahil 12:8

Boꞌ lay ā naga looy meꞌ Mikail. Dari lay na pinaggos naga looy ka malaikat na nohoꞌ lakka man sulgaꞌ.

Siga Pakaradjaan bay Pinalahil 13:14

Dari man sabapan siga sipat kawasa bay tapabuwat sattuwa looy ma dambuli kalnaꞌ sattuwa looy ma duhuꞌ, lay takoleꞌ na inakkahan mimon manusiyaꞌ ni junyaꞌ ma saꞌ sukuꞌ Tuhan. Sampay lay gi sila sohoꞌ na buwat jama-jama ni limbagan sattuwa looy ma duhuꞌ, ilooy ma lay na kaulian, dak bay matoy meꞌ bakat kataliꞌ.

Siga Pakaradjaan bay Pinalahil 16:14

Siga seytan looy siꞌ luu kawasa da buwat jinisan pakaradjaan kahaylan-haylan. Dari bbuwatan da, lay patiluꞌ pa mman siga sultan ni sikaliput junyaꞌ. Maksud da moo-moo siga sultan kumpo-kumpo naggaꞌ Tuhan Sangat Kawasa ni bonoꞌ mehe pag taabut llaw bay ginantaꞌ meꞌ Tuhan man na ngahukum manusiyaꞌ.

Siga Pakaradjaan bay Pinalahil 18:2

Bbuwatan na ngahowap, yuk na, “Binasa na Babilon! Binasa na daira tanyag looy! Lai na dari katattogan jinisan seytan ka siga sattuwa haram ma kasipin-sipin. Sampay pinagsangan na ga leꞌ mimon manuk-manuk ma haram.

Siga Pakaradjaan bay Pinalahil 18:23

Yaꞌ na sina mintu luu palitaan akket ni Babilon pabalik. Damikiyan, yaꞌ na du luu takale jama maglami-lami ngawin ndooy batan yaꞌ na luu jama na. Inaa na sina mintu palas Babilon batan bbuwatan siga tukang maglilitu ni daira looy subay ga siga sultan magbayaan manusiyaꞌ ni sikaliput junyaꞌ. Ilooy gi ilay mintu man Babilon talpaksaꞌ tuwaꞌ hisab sabap luu ilmuꞌ seytan na man na bay magsian mimon kabangsa-bangsahan.

Siga Pakaradjaan bay Pinalahil 19:20

Sugaꞌ yaꞌ bay luu dapat sattuwa looy sabap lay ya tasungkub haboy ka nabi palsu looy ma bay mōꞌ siga sipat kahaylan-haylan kalnaꞌ sattuwa looy. Sabapan siga sipat bay pōꞌ na, lay takoleꞌ na inakkahan sagannap ma bay sinapan ka sāp sattuwa looy, sampay mimon ma bay numba jama-jama looy ma bay pinabuwat ni limbagan na. Dari siꞌ, hisab ni sattuwa looy ka nabi palsu looy, lay hiniyakan, kaallum-llum da, pa jawom danaw looy ma pannoꞌ leꞌ api ka manilang ngereꞌ.

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.

Siga Pakaradjaan bay Pinalahil 2:24

“Na kasohean kaam nnaa ni Tayatira yaꞌ bay ngikut tōꞌ danda looy. Yaꞌ kam bay mmeꞌ ni ilooy ma pinagbahasa meꞌ kasohean ilmuꞌ lawom. Boꞌ ko, ni sabana na, lakka man Ibilis. Dari ituu meꞌ ku ka kaam: Yaꞌ du baw tu ku doman mabognahan kaam ka jinisan panohoan.

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.

Siga Pakaradjaan bay Pinalahil 20:10

Kuwan Ibilis ma bay ngoyo-ngoyohan sila, hiniyakan na sina pa jawom danaw looy ma pannoꞌ leꞌ api ka manilang ngereꞌ. Boꞌ ndooy na ya tiniksaꞌ llaw-sangom saumu-umu dambuwaꞌ ka sattuwa looy ka nabi palsu looy ma ndang bay duhuꞌ hiniyakan pilay.

Siga Pakaradjaan bay Pinalahil 20:8

Pag pōꞌ na ina mintu, ngalataan sika-mpat pidju alam ngandupang jama ni mimon kabangsa-bangsahan pabalik. Inoyo-oyohan sila meꞌ na nohoꞌ kumpo-kumpo magtaayun ngalān siga sukuꞌ Tuhan. Boꞌ eka da ina mintu subay ga ungus ni tapiyan. Gallahan ninsila Gog ka Magog.

Siga Pakaradjaan bay Pinalahil 3:9

“Na luu siga jama nnaa ma mangaku bangsa Yahudi sila bahasa sukuꞌ Tuhan sila, sugaꞌ ngandustaꞌ jaꞌ sina sila. Ni sabana na, sukuꞌ Ibilis sila. Ndaun bi sa, pasujud ku du sina mintu sila ni battis bi. Maka bohoꞌ da ina mintu makibana na kaasean ta kam.

Siga Pakaradjaan bay Pinalahil 9:1

Pag-anu siꞌ, malaikat looy na baw ni kalima na pasīng niyup tabuliꞌ na. Pag pōꞌ halling na, luu takita ku meꞌ bantuk disu potean lay labuꞌ pa taꞌ junyaꞌ. Pag-anu, lay na baw ndean iya kunsiꞌ tangkop lowang tangob ma yaꞌ mag-ngkoran lawom na.

Siga Pakaradjaan bay Pinalahil 9:20

Sugaꞌ san meꞌ looy, kuwan manusiyaꞌ ma yaꞌ bay matoy leꞌ siga balaꞌ looy, masi du yaꞌ bay kuhi magsiddik. Gam pin amu-amu sila numba siga seytan ka ga tuhan-tuhan ma bay jaꞌ pinabuwat ka mmas, pilak porol, tumbagaꞌ, batu atawa kayu. Mingkan siga tuhan-tuhan meꞌ looy ilay, yaꞌ san ngita, yaꞌ san kale, sampay yaꞌ san kapalān.