Siga Pakaradjaan bay Pinalahil 12:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Pag ndaꞌ naga looy yaꞌ luu dapat na, tud bay dugahan ya ni danda looy. Dari lay ya lakka mandooy ngalān siga anak danda looy ilooy kasohean. Siga anak na ilay, yana sagannap manusiyaꞌ ma mean panohoan Tuhan ka magkanaalla ngantanan tōꞌ si Isa.

Siga Pakaradjaan bay Pinalahil 12:17 ပူးပေါင်းရင်းမြစ်များ

Panagnaan 3:15

Lagiꞌ na, pagsikagigit ta na sina kam ka danda tuu sampay na siga panubuꞌ bi sikaduwa. Sugaꞌ luu du sina mintu disu panubuꞌ danda tuu maā kau. Bbuwatan nu ina mintu ninduk tikod na, sugaꞌ pinipis du sina meꞌ na kōk nu.”

Matiyu 28:20

Pabadjahun bi na sila mmeꞌ ni mimon bay panohoan ku ningkaam. Intomun bi, luu na pin sina ku ngunungan kaam ngabut sampay llaw dambuli.”

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

1 Korin 2:1

Siga danganakan, taintom bi du sina jaman ku bay pilu masaplag umanat Tuhan ma yaꞌ lagi bay binakka maruhuꞌ. Yaꞌ situ ku bay pingkaꞌ makoy bitsala lawom, batan yaꞌ luu maksud ku mailo-ilohan jama ni kaalistu ku mitsala. Damikiyan, yaꞌ du luu maksud ku muhung binilang halul-akka.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.

1 Yahiya 2:3

Na bong itu kitabi ngasip ni siga panohoan Tuhan, malaingkan tatantu tabi na katoonan tabi Tuhan.

1 Yahiya 5:10

Soysoy ina pitsayaꞌ ni Anak Tuhan, katoonan da njawom atay da tud bana du si Isa Anak Tuhan. Sugaꞌ sagannap ma yaꞌ pitsayaꞌ ni bay halling Tuhan pasal Anak na, malaingkan madustaꞌ sila Tuhan, batan yaꞌ sila kuhi pitsayaꞌ ni palman na.

1 Yahiya 5:2

Sangkon man tabi katantu maaseꞌ kitabi pa Tuhan ka mean siga panohoan na, bong kitabi maaseꞌ ni siga pagkahi tabi anak Tuhan.

Siga Pakaradjaan bay Pinalahil 1:2

Dari suwatan ku na mimon ma bay tasakup ku sampay umanat Tuhan ma bay pinalahil meꞌ si Isa Almasi niyaku.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.

Siga Pakaradjaan bay Pinalahil 11:7

Lupus jaꞌ ina mintu sila masaplag mimon ma bay hinalap meꞌ Tuhan ninsila, luu na baw disu sattuwa pōꞌ man jawom lowang tangob looy siꞌ ma yaꞌ mag-ngkoran lawom na. Pag-anu, boꞌ na monoꞌ ga sosohoan looy. Boꞌ yaꞌ sina mintu sila kaatu ni sattuwa looy, boꞌ pinapatoy gi sila.

Siga Pakaradjaan bay Pinalahil 12:16

Sugaꞌ yaꞌ bay luu dapat na sabap danda looy lay tinabang meꞌ gumi. Batan lay bakkaꞌ gumi sampay nallon mimon boheꞌ ma bay sapputan naga looy.

Siga Pakaradjaan bay Pinalahil 13:7

Lay jaꞌ ya pinabiya ngalān siga sukuꞌ Tuhan sampay lay sila tumandiyoꞌ meꞌ na. Maka lay gi ya binuwanan kawasa-kapatut marintahan manusiyaꞌ ni mimon kalahat-lahatan ka ni mimon kabangsa-bangsahan, kaniya-kaniya ka jinisan pallun da.

Siga Pakaradjaan bay Pinalahil 14:12

Sangkon sagannap sukuꞌ Tuhan, yana sagannap ma ngasip ni siga panohoan na, subay takkoꞌ pangando da ni si Isa maka subay pandoy natas njawom kabinsanaan.

Siga Pakaradjaan bay Pinalahil 17:14

Bbuwatan da ina mintu, moo Bili-bili looy sibonoꞌ. Sugaꞌ ā du sila meꞌ Bili-bili looy ka siga sukuꞌ na, yana sagannap ma bay peneꞌ na sampay liyun na pa jawom okoman na, ma magkanaalla mmeꞌ niiya. Kon na ina mintu ga Bili-bili looy kaā sabap iya Papuꞌ ninggi taꞌ mimon papuꞌ; Sultan ninggi taꞌ mimon sultan.”

Siga Pakaradjaan bay Pinalahil 17:6

Pag ndaꞌ ku, lango na danda looy meꞌ lahaꞌ siga sukuꞌ Tuhan bay ininum meꞌ na, yana lahaꞌ sagannap ma bay pinapatoy sabap meꞌ da bay masaplag pasal si Isa. Dari siꞌ, tud bay inu-inu ku ngandaꞌ iya.

Siga Pakaradjaan bay Pinalahil 18:20

Pag-anu, yuk suwara looy lagi, “Kaam, siga kanabi-nabihan ka ga rasul sampay mimon sukuꞌ Tuhan ma luu na ntuu ni sulgaꞌ, subay kam gāk banahan. Subay kam gāk sabap lai na daira looy llabuan meꞌ Tuhan hukuman, yana hisab ni kalaatan bay pabuwat na ningkaam.”

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 19:19

Pag-anu, takita ku na baw sattuwa looy siꞌ ma bay pōꞌ man dilawut. Maka luu mmeꞌ niiya siga sultan ni sikaliput junyaꞌ ddas ka ga baanan sundalu da. Bbuwatan da kumpo-kumpo sibonoꞌ ka ilooy ma bakuraꞌ taꞌ kuraꞌ poteꞌ ka ga baanan sundalu na.

Siga Pakaradjaan bay Pinalahil 20:4

Pag-anu siꞌ, ngita na baw ku siga paningkoan ga sultan. Kuwan siga jama ma ningkōꞌ ndooy, lay kabuwanan kapatut ngahukum. Maka luu gi bay takita ku tabeꞌ ninsila siga nyawa sagannap ma bay pinonggolan kallong da sabap meꞌ da bay masaplag pasal si Isa Almasi ka palman Tuhan. Yaꞌ sila bay pingkaꞌ numba sattuwa looy atawa jama-jama bay pinabuwat ni limbagan na. Damikiyan, yaꞌ du sila bay kuhi sinapan ka sāp sattuwa looy ni tundun da atawa ni tangan da. Dari llum na sila pabalik sampay lay na tumabeꞌ ni Almasi magsultan njawom dalibu taun.

Siga Pakaradjaan bay Pinalahil 22:14

“Njawom supaat sina sagannap ma mopoan juba da mari yaꞌ na luu tamak na, batan binuwanan sila kapatut pingkaꞌ man siga lawang paasok pa jawom daira looy. Maka binuwanan du sila kapatut mangan buwaꞌ kayu looy ma muwan kaallum ma yaꞌ luu katapusan na.

Siga Pakaradjaan bay Pinalahil 6:9

Pag lukap Bili-bili looy kanjiꞌ ni kalima na, ngita na baw ku pangulbanan. Ndiyoꞌ na luu ndooy siga nyawa sagannap ma bay pinapatoy sabap meꞌ da bay masaplag palman Tuhan ka meꞌ da kanaalla masampay kabanahan pasal Almasi.