Siga Pakaradjaan bay Pinalahil 11:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Kuwan sagannap ni junyaꞌ ma yaꞌ mmeꞌ ningkau, tud lasu ningkau. Sugaꞌ taabut na waktu man da ngissa mulkaꞌ nu. Taabut na waktu bay ginantaꞌ man nu ngahukum sikamimon ma bay matoy. Maka taabut na du waktu man nu makaat sagannap ma bay makaat junyaꞌ. Kuwan siga ata nu, yana kanabi-nabihan sampay mimon sukuꞌ nu balkanan maka saꞌ balkanan ma ngisbat kau, binuwanan na du meꞌ nu tungbas ayad.”

Siga Pakaradjaan bay Pinalahil 11:18 ပူးပေါင်းရင်းမြစ်များ

Matiyu 5:12

Bila ina mintu kam lumangga na meꞌ naa, pagakun bi atay bi batan luu sina mintu tungbas bi mehe ni sulgaꞌ. Intomun bi, ngkon ilay siga kanabi-nabihan pinaehe banahan sabap meꞌ da bay kanaalla natasan jinisan kabinsanaan kalnaꞌ Tuhan.”

Lukas 1:50

Manimbang ya ni sagannap ma ngisbat iya pangkat-mamangkat.

Hibrani 9:27

Na bong inawnan manusiyaꞌ, ndang lay na sina ginantaꞌ ninsila matoy sakayi du. Pag-anu, boꞌ da hinukum meꞌ Tuhan.

Siga Pakaradjaan bay Pinalahil 10:7

Batan pag taabut jaꞌ mintu masa malaikat ni kapituꞌ na niyup tabuliꞌ na, hāl ma hallom na bay sinipuk meꞌ Tuhan, pinalahil na. Garaꞌ Tuhan ma bay pasampay na ni siga ata na, yana kanabi-nabihan, bohoꞌ magjatu na.”

Siga Pakaradjaan bay Pinalahil 11:2

Sugaꞌ haman ni poan lumaꞌ looy, daa na sukurun batan lay na sinukuꞌ meꞌ Tuhan ni siga manusiyaꞌ ma kapil. Giniok-giok sina mintu meꞌ da daira Tuhan, yana Jerusalem. Pakaat da daira sutsiꞌ looy njawom mpatpuꞌ-duwam buwan,

Siga Pakaradjaan bay Pinalahil 13:10

Sagannap kam ma luu kadal bi tasungkub, mastiꞌ tasungkub jaꞌ sina kam. Damikiyan sagannap kam ma luu kadal bi pinapatoy, mastiꞌ pinapatoy jaꞌ sina kam. Sangkon meꞌ kaam siga sukuꞌ Tuhan, subay kam pandoy natas njawom kamalasahiyan sampay tattap mangando ni si Isa.

Siga Pakaradjaan bay Pinalahil 13:16

Pag-anu siꞌ, sattuwa looy ma dambuli lay maggos sikamimon, balkanan saꞌ balkanan, miskin-dayahan, ata saꞌ ata, nohoꞌ sinapan tangan da huwin pa kawnan atawa taꞌ tundun da.

Siga Pakaradjaan bay Pinalahil 14:10

yaꞌ luu pag-agak, mastiꞌ pinakissahan na sina mintu mulkaꞌ Tuhan. Ibaratan nginum, pinaggos na sila nginum inuman pait saꞌ alang-alang. Pinidjalaꞌ na sina sila ka api noleyab magsakot ka manilang ndooy ni awpan siga malaikat Tuhan ka Bili-bili looy.

Siga Pakaradjaan bay Pinalahil 15:1

Paddus meꞌ looy, ngita na baw ku balik sipat kahaylan-haylan taꞌ langit. Luu pituꞌ malaikat bay kabuwanan kapatut matakka pituꞌ balaꞌ, yana siga balaꞌ katapusan. Batan pag ilay mintu katis na siga balaꞌ looy pinatakka, ilooy na katobtoban mulkaꞌ Tuhan.

Siga Pakaradjaan bay Pinalahil 15:7

Pag-anu siꞌ, sikapituꞌ sila saliꞌ-saliꞌ lay pina-ntanan pinggan mmas meꞌ disu ni siga balnyawa looy siꞌ sika-mpat. Siga pinggan looy siꞌ saliꞌ-saliꞌ pannoꞌ meꞌ mulkaꞌ lakka man Tuhan sabanna ma llum saumu-umu.

Siga Pakaradjaan bay Pinalahil 18:6

Maka yuk suwara looy siꞌ, “Talpaksaꞌ jaꞌ sina Babilon kalabuan mulkaꞌ magpataꞌ ka bay kalaatan na ni jama, bong saꞌ lipat min duwa lagi. Bong nnaꞌ ta pa inuman pait, sa basag-basag pait inuman ma bay painum Babilon ni jama, pag iya pinainum, subay lipat min duwa lagi pait na.

Siga Pakaradjaan bay Pinalahil 19:15

Kuwan ilooy siꞌ ma ginalla Palman Tuhan, luu ka kataliꞌ tawom pōꞌ man jawom behe na man na ngalān sagannap ma yaꞌ ngahasi iya ni mimon kabangsa-bangsahan. Sagannap ma nulang iya, mastiꞌ pinakaat jaꞌ meꞌ na meꞌ karuha jama kinaka ka bassi. Sibuꞌ du sina mintu karuha da ka siga pungutan anggul giniok-giok sampay pinaggaꞌ. Batan pakissahan na na sila duga ka mulkaꞌ Tuhan Sangat Kawasa yana hisab ni siga dusa da.

Siga Pakaradjaan bay Pinalahil 19:18

Pitu na kam, boꞌ kakanun bi na isi mayat banta Tuhan sikamimon. Kakanun bi na isi mayat siga sultan ka ga sundalu da ka siga komandel da sampay isi siga kuraꞌ ddas ka jama ma bay makuraan sila. Kakanun bi na isi ata, saꞌ ata, jama balkanan saꞌ balkanan.”

Siga Pakaradjaan bay Pinalahil 19:5

Pag-anu siꞌ, luu na baw suwara pōꞌ man tagan paningkoan Tuhan, yuk na, “Kaam, siga sosohoan Tuhan, yana kaam ma ngisbat iya, balkanan saꞌ balkanan, pudjihun bi du Tuhan tabi.”

Siga Pakaradjaan bay Pinalahil 20:12

Pag-anu siꞌ, takita ku na baw mimon manusiyaꞌ ma bay matoy, balkanan maka saꞌ balkanan, nangge ni awpan paningkoan looy. Mimon manusiyaꞌ ma bay matoy pa dile pa dilawut, yana mimon manusiyaꞌ ma bay njawom tahanan jama matoy, luu na nangge ndooy ni awpan paningkoan looy. Dari siꞌ, inungkad na Būk Kaallum man bay ngalista awon sagannap ma luu kasampulnaan nyawa da saumu-umu. Maka lay na du inungkad siga būk man bay nuwatan mimon kawul-piil manusiyaꞌ mahap-maat halloman da bay taꞌ junyaꞌ. Sampay lay na binotangan hukuman ga jama looy siꞌ labbasakayi pinagpataꞌ ka bay pabuwatan da jawom siga būk looy siꞌ.

Siga Pakaradjaan bay Pinalahil 22:12

Pag-anu, yuk Papuꞌ Isa, “Iyakin kam batan tapit na sina katakka ku. Pag takka ku, tungbasan ku na sina mintu sikamimon manusiyaꞌ magpataꞌ ka bay pabuwatan da.