Siga Pakaradjaan bay Pinalahil 11:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Pag-anu siꞌ, pasīng na baw malaikat looy ni kapituꞌ na niyup tabuliꞌ na. Pag pōꞌ halling na, ilooy ma luu siga suwara ngahowap ni sulgaꞌ, yuk da, “Labba man batnaa, yaꞌ na luu pamarinta manusiyaꞌ ni junyaꞌ, isu-isu pamarinta Papuꞌ tabi Tuhan ka ilooy ma bay peneꞌ na, yana Almasi. Boꞌ iya sa marinta saumu-umu.”

Siga Pakaradjaan bay Pinalahil 11:15 ပူးပေါင်းရင်းမြစ်များ

Matiyu 24:31

Ni waktu ilooy du ilay mintu, luu pōꞌ halling tabuliꞌ tiniyup pahaddo. Ilooy ilay mintu sinyal para siga malaikat Anak Manusiyaꞌ pōꞌ na ngumpo mimon manusiyaꞌ ma sukuꞌ na. Pag-anu, boꞌ da ngalataan sika-mpat pidju alam ngumpo sila.”

Matiyu 6:13

Maku kami tabang ningkau mari kami yaꞌ takoleꞌ meꞌ siga sasat seytan. Batan kau du magbayaꞌ ni mimon-mimon, Sangat Kawasa ma pinudji saumu-umu. Amin.’ ”

Lukas 1:33

Maka anak nu ina mintu magbayaꞌ ni siga pagkahi nu panubuꞌ si Yaꞌkub saumu. Boꞌ na, pamarinta na ina yaꞌ na luu katapusan na.”

Lukas 15:10

Na baan ta kam, meꞌ naa du sina kagakan siga malaikat Tuhan pag takita da disu baldusa nawbat.”

Lukas 15:6

Pag takka bi pa lumaꞌ, saꞌ ba, bbuwatan bi ngaddoꞌ ga kabagayan bi sampay jama bihing lumaꞌ bi binoo nginum-mangan? Yuk bi, ‘Maglami-lami doꞌ kitabi sabap luu na tatammu ku bili-bili ku ma bay lungay!’

Salsila siga Rasul 4:26

Siga sultan ka ga pa-mmean ntuu ni junyaꞌ magtaayun nulang kau ka Almasi nu.’

Hibrani 1:8

Boꞌ ni Anak na ina, yuk Tuhan, “Meꞌ kau ina Tuhan, mastiꞌ natas saumu-umu pagkasultan nu. Maka intong jaꞌ meꞌ nu marintahan siga raayat nu.

Siga Pakaradjaan bay Pinalahil 10:7

Batan pag taabut jaꞌ mintu masa malaikat ni kapituꞌ na niyup tabuliꞌ na, hāl ma hallom na bay sinipuk meꞌ Tuhan, pinalahil na. Garaꞌ Tuhan ma bay pasampay na ni siga ata na, yana kanabi-nabihan, bohoꞌ magjatu na.”

Siga Pakaradjaan bay Pinalahil 12:10

Pag-anu siꞌ, kale na baw ku suwara haddo lakka man sulgaꞌ, yuk na, “Batnaa luu na takka kasalamatan ka kawasa man Tuhan tabi ddas ka pamarinta na. Maka luu na takka kawasa-kapatut Almasi, ilooy ma bay pineneꞌ meꞌ Tuhan marinta. Batan lai na Ibilis pinōꞌ man sulgaꞌ, panumbung looy ma sangom-llaw malaat siga pagkahi tabi sukuꞌ Almasi pa Tuhan.

Siga Pakaradjaan bay Pinalahil 15:4

Papuꞌ, soy yaꞌ ngisbat kau ka maehe awon nu meꞌ naa na isu-isu kau sutsiꞌ. Manusiyaꞌ man mimon kabangsa-bangsahan kumpo-kumpo sina mintu numba kau sabap katoonan da intong jaꞌ mimon ma pabuwat nu.”

Siga Pakaradjaan bay Pinalahil 16:17

Na pag tumpahan malaikat looy ni kapituꞌ na isi pinggan na, lay tuwaꞌ pa taꞌ baliyu. Pag lupus, luu na baw pōꞌ suwara haddo man tagan paningkoan looy ni langga looy ni sulgaꞌ, yuk na, “Lupus na.”

Siga Pakaradjaan bay Pinalahil 17:14

Bbuwatan da ina mintu, moo Bili-bili looy sibonoꞌ. Sugaꞌ ā du sila meꞌ Bili-bili looy ka siga sukuꞌ na, yana sagannap ma bay peneꞌ na sampay liyun na pa jawom okoman na, ma magkanaalla mmeꞌ niiya. Kon na ina mintu ga Bili-bili looy kaā sabap iya Papuꞌ ninggi taꞌ mimon papuꞌ; Sultan ninggi taꞌ mimon sultan.”

Siga Pakaradjaan bay Pinalahil 19:1

Pus meꞌ looy, luu na baw takale ku siga suwara manusiyaꞌ sakiyan ni sulgaꞌ ngahowap, yuk da, “Pudji mehe pa Tuhan tabi! Iya du kasalamatan tabi. Biddaꞌ na ehe kawasa na. Kabantugan na yaꞌ luu sibuꞌ sabanding na.

Siga Pakaradjaan bay Pinalahil 19:6

Pag-anu siꞌ, luu na baw takale ku meꞌ halling manusiyaꞌ sakiyan ngahowap, subay ga halling sōng mehe tumpa man taꞌ pampang ngallub atawa meꞌ halling guntu nagubtub pabasag, yuk da, “Pudji mehe pa Tuhan Sangat Kawasa batan iya Papuꞌ tabi magbayaꞌ ni mimon-mimon!

Siga Pakaradjaan bay Pinalahil 20:4

Pag-anu siꞌ, ngita na baw ku siga paningkoan ga sultan. Kuwan siga jama ma ningkōꞌ ndooy, lay kabuwanan kapatut ngahukum. Maka luu gi bay takita ku tabeꞌ ninsila siga nyawa sagannap ma bay pinonggolan kallong da sabap meꞌ da bay masaplag pasal si Isa Almasi ka palman Tuhan. Yaꞌ sila bay pingkaꞌ numba sattuwa looy atawa jama-jama bay pinabuwat ni limbagan na. Damikiyan, yaꞌ du sila bay kuhi sinapan ka sāp sattuwa looy ni tundun da atawa ni tangan da. Dari llum na sila pabalik sampay lay na tumabeꞌ ni Almasi magsultan njawom dalibu taun.

Siga Pakaradjaan bay Pinalahil 8:12

Pag tiyup malaikat ni ka-mpat na tabuliꞌ na, lay pinalindoman sabahagiꞌ tallu mataallaw, buwan sampay siga potean. Dari siꞌ, llaw pa dangallaw ngalindom du lahat sabahagiꞌ tallu njawom dangallaw. Maka sangom-sangom, lindom saꞌ alang-alang sabahagiꞌ tallu njawom dambahangi.

Siga Pakaradjaan bay Pinalahil 9:1

Pag-anu siꞌ, malaikat looy na baw ni kalima na pasīng niyup tabuliꞌ na. Pag pōꞌ halling na, luu takita ku meꞌ bantuk disu potean lay labuꞌ pa taꞌ junyaꞌ. Pag-anu, lay na baw ndean iya kunsiꞌ tangkop lowang tangob ma yaꞌ mag-ngkoran lawom na.

Siga Pakaradjaan bay Pinalahil 9:13

Pag-anu siꞌ, tiniyup na meꞌ malaikat ni ka-nnom na tabuliꞌ na. Pag pōꞌ halling na, kale na baw ku suwara pōꞌ man tagan sika-mpat tanduk ni sika-mpat pidju lamisahan mmas looy man nunu bbūg ndooy ni awpan Tuhan.