Siga Pakaradjaan bay Pinalahil 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.

Siga Pakaradjaan bay Pinalahil 1:7 ပူးပေါင်းရင်းမြစ်များ

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Matiyu 16:28

Maka baan ta kam banahan, kasohean kam ma luu nangge ntuu, yaꞌ gi situ kam mintu bay matoy, ndang takita bi na katakka Anak Manusiyaꞌ ddas ka pamarinta na.”

Matiyu 24:30

Pag-anu, luu na pōꞌ man taꞌ langit sipat ni katakka Anak Manusiyaꞌ. Maka takita na sina ya duwai taꞌ tayiꞌ baliyu nahayaꞌ na ni kaehe kawasa na. Dari sikamimon manusiyaꞌ ma yaꞌ mmeꞌ niiya magkarukkaan na sina.

Matiyu 25:31

Yuk si Isa lagi, “Pag ina mintu takka Anak Manusiyaꞌ ni kaehe sahayaꞌ na haboyan mimon malaikat, ningkōꞌ na ya ni paningkoan kawasa-kapatut magsultan.

Matiyu 26:64

Iya tampung si Isa niiya, “Meꞌ halling sambat nu na du bilay siꞌ. Maka baan ta kam banahan, luu du sina masa ni sinōng, takita bi Anak Manusiyaꞌ ningkōꞌ huwin pa kawnan man Tuhan Sangat Kawasa. Maka bbos-bbos takita bi du sina ya takka man sulgaꞌ taꞌ tayiꞌ baliyu.”

Malkus 13:26

“Pus meꞌ looy, takita na sina Anak Manusiyaꞌ duwai njawom tayiꞌ baliyu ni kaehe kawasa na ddas ka sahayaꞌ na.

Malkus 14:62

Pag tampung si Isa, “Bana, aku na situ. Maka luu gi sina masa ni sinōng takita bi aku, Anak Manusiyaꞌ, ningkōꞌ huwin pa kawnan ni bihing Tuhan Sangat Kawasa. Maka takita bi du sina ku duwai man sulgaꞌ njawom tayiꞌ baliyu.”

Lukas 21:27

“Na pus meꞌ looy, takita na leꞌ sikamimon manusiyaꞌ aku, yana Anak Manusiyaꞌ, liput meꞌ tayiꞌ baliyu duwai pa junyaꞌ ddas ka kawasa mehe ka kabantugan saꞌ alang-alang.

Yahiya 19:34

Sugaꞌ kuwan disu sundalu ndooy, lay gi nugsuk saddi si Isa ka budjak sampay magti pōꞌ lahaꞌ haboyan boheꞌ.

Yahiya 19:37

Maka luu gi disu tunaꞌ njawom kitab lay na du binakbul, ilooy ma yuk na, “Paimanan da sina mintu jama looy ma bay binudjak meꞌ da.”

1 Tesaloneka 1:10

Maka lay gi sila māꞌ ngagad na kam ni Anak na, yana si Isa, pabeleng pa junyaꞌ man sulgaꞌ. Maka yuk da, pitsayaꞌ kam pus si Isa bay pinapatoy, lay na ya pinakallum meꞌ Mmaꞌ na Tuhan. Maka pitsayaꞌ na du kam iya tukang maddusan siga sukuꞌ na man mulkaꞌ Tuhan ma takka bbos-bbos.

1 Tesaloneka 4:17

Pag-anu, boꞌ kitabi ma masi llum haboy-haboy na ka sila inangkat pa jawom tayiꞌ baliyu nampang iya ni antalaan. Dari labba mandooy ilay mintu, dambuwaꞌ na kitabi ka iya saumu-umu.

Hibrani 10:29

Na bong meꞌ naa bohat pidjalaꞌ ni jama ma bay nuwak saraꞌ, labi na saꞌ bohat pidjalaꞌ ni sagannap ma nikutan Anak Tuhan saula-ula puus boboꞌ sadjaꞌ ya. Sat da saꞌ māꞌ yaꞌ na luu kapansahaliyan lahaꞌ si Isa bay pinaduwai. Padahal, lahaꞌ na ilay bay man da pingkaꞌ sinutsiꞌ sampay muwan kasāhan ni pagsulutan bahau antaraꞌ Tuhan ka manusiyaꞌ. Ga jama meꞌ looy ilay, sibuꞌ du sila ka bay mahinaꞌ Rū Sutsiꞌ ma bay masampayan sila aseꞌ.

1 Yahiya 3:2

Siga kakasi ku, batnaa anak Tuhan na situ kitabi, sugaꞌ yaꞌ gi baw bay pinalahil ningkitabi bong pooy kadari tabi bbos-bbos. Ilooy du katoonan tabi, pag beleng Almasi, meꞌ iya na du kitabi batan takita tabi na sina mintu bong pooy kadari na banahan.

Suwat Lakka man si Jūd 1:14

Kasongan jama meꞌ looy ilay ndang luu bay tinunaꞌ meꞌ Nabi Idris, lalla ma pituꞌ pangkatan owangan na ka Boꞌ Adam. Yuk na, “Indanan bi. Pitu du sina mintu Papuꞌ ddas ka libu-libuhan malaikat na

Siga Pakaradjaan bay Pinalahil 22:20

Na mimon pakaradjaan looy ilay siꞌ ma bay pinalahil niyaku, Papuꞌ Isa mismu māꞌ mastiꞌ bana sadjaꞌ. Sampay bay gi ya halling, “Yaꞌ na hallom, pilu na du ku.” Pag tampung ku, “Ohoꞌ Papuꞌ Isa. Pitu na ko deꞌ-dēꞌ!”

Siga Pakaradjaan bay Pinalahil 22:4

sampay takita da na luwa na. Boꞌ luu gi awon na bay sinuwatan ni tundun da.