Pilipi 4:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

Pilipi 4:8 ပူးပေါင်းရင်းမြစ်များ

Panagnaan 18:19

Iya itu jama bay peneꞌ ku supaya iya na noan ga anak-mpu na mmeꞌ ni kahandak ku ka buwat mahap sampay nanggehan kaintongan. Na bong ina mintu ngasip du siga anak-mpu na ni kahandak ku, mastiꞌ tinuman jaꞌ sina mimon ma bay janjiꞌ ku niiya.”

Matiyu 22:16

Dari siꞌ, lay sohoꞌ da kasohean mulit da ka kasohean raayat Gubnul Herod pilay nohoꞌ nual si Isa. Pag takka da, yuk da, “Tuwan Guru, katoonan kami bonto ko maka wā ko noan jama kabanahan pasal kahandak Tuhan. Yaꞌ ko minig jama maka yaꞌ ko loman ni jama san gi pooy langkaw ntan da.

Malkus 6:20

sabap lay sohoꞌ Gubnul Herod si Yahiya njagahan mari yaꞌ kongoy-kongoy. Mehe maltabat Gubnul Herod ni si Yahiya batan katoonan na si Yahiya jama intong sampay sutsiꞌ pa Tuhan. Sarī gi, tigiꞌ ya pakale ni tōꞌ si Yahiya. Sat na jaꞌ, daran na baw ya takkahan hanggaw bila ya pakale.

Lukas 16:15

Sugaꞌ yuk si Isa ninsila, “Kaam itu, tud alistu baw kam magpakita-kita intong ni mata manusiyaꞌ. Sugaꞌ yaꞌ san tabista bi katoonan Tuhan du kalaatan njawom atay bi. Indanan bi. Meka sina pakaradjaan ma meꞌ punu njawom atay manusiyaꞌ sinukang meꞌ Tuhan.”

Lukas 2:25

Na ndooy ni Jerusalem, luu disu lalla inawnan si Simiyun. Iya ilay intong maka tud ngisbat Tuhan. Ndang hallom na ya magdautan katakka tukang nalamat bangsa Israil. Maka luu na pin Rū Sutsiꞌ ngunungan iya.

Lukas 23:50

Na ndooy siꞌ, luu disu lalla inawnan si Yusup man daira inawnan Aramatiya ndooy ni Yahudiya. Iya ilay jama mahap maka intong. Maka ndang ngagad ya ni pamarinta Tuhan pinatangge. Iya ilay disu pa-mmean ni baanan kapakihan ma bay ngahukum si Isa. Sugaꞌ ndang yaꞌ ya dambuwaꞌ pamiki ka siga soheꞌ na ma bay nohoꞌ si Isa pinapatoy.

Yahiya 7:18

Bong ina luu jama nōꞌ makoy akka ma lakka man dī na sadjaꞌ, ilooy du puhung na, sanglit ni dī na. Boꞌ aku tu saꞌ meꞌ naa. Bila ku nōꞌ na, ilooy ya puhung ku sanglit ni jataꞌ ilooy ma bay mapitu aku. Kamura-murahan tabista bi du bonto ku maka intong jaꞌ niyat ku.

Salsila siga Rasul 10:22

Pag tampung da, “Tuwan, kami tu la siga sosohoan disu kapitan sundalu inawnan si Kolniliyus. Iya ilay jama intong maka tawu pa Tuhan. Pinagmaltabatan ya meꞌ mimon pagkahi bi Yahudi ni lahat kami. Bahau jaꞌ silay ya bay tinammuhan meꞌ disu malaikat man Tuhan. Tugun malaikat looy niiya nohoꞌ doꞌ ko kinaddoꞌ pa lumaꞌ na supaya takale na na umanat nu.”

Salsila siga Rasul 22:12

“Na ndooy siꞌ ni Damaskus, luu disu lalla inawnan si Ananiyas. Iya ilay lalla basag mmeꞌ ni siga saraꞌ agama tabi maka pinagmaltabatan meꞌ mimon bangsa Yahudi ndooy.

Salsila siga Rasul 6:3

Sangkon siga danganakan, meneꞌ kam ni baanan tabi pituꞌ jama ma ndang taindan meꞌ sikamimon mahap arat-tabiat da. Maka subay sila halul-akka sampay wā mmeꞌ ni kahandak Rū Sutsiꞌ. Bong luu na bay peneꞌ bi, sila na buwanan kami kapatut nohoꞌ mahampitan siga bawu balanjaꞌ.

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

Suwat si Pol pa mman Baanan Sukuꞌ si Isa ndooy ni Rom 13:3

Kamasaꞌ, bong ina kita buwat kaintongan, yaꞌ sina luu katawuhan ta ni siga pa-mmean parinta. Boꞌ sagannap ma buwat maat, mastiꞌ subay sila tawu. Sangkon, bong kam yaꞌ doman luu katawuhan bi, buwat jaꞌ kam kaintongan. Bong ina asip bi jaꞌ palbiatan tuu, malaingkan kasulutan sina jama ningkaam.

Suwat si Pol pa mman Baanan Sukuꞌ si Isa ndooy ni Rom 14:18

Na sagannap ma makutuꞌ hāl meꞌ looy sambayan da ngisbat Almasi, mastiꞌ kinahopan jaꞌ sina meꞌ manusiyaꞌ awla na Tuhan.

Suwat si Pol pa mman Baanan Sukuꞌ si Isa ndooy ni Rom 2:29

Arapun ilooy ya initung siga Yahudi sabanna, yana jama ma luu na pangatayan da bahau, ma muhung sanglit man Tuhan, saꞌ ga sanglit manusiyaꞌ. Batan inislam sabanna ina yana pabuwatan Rū Tuhan njawom atay tabi nutsiꞌ, saꞌ ga pasal kuwit baran kinehet man mogbogan saraꞌ Nabi Musa.

1 Korin 4:5

Sangkon daa subay na pin kam os-os manding pabuwatan jama. Agarun bi na doꞌ katakka Papuꞌ. Iya sa mungka mimon ma bay sinipuk sampay mimon niyat atay jama. Bong ina mintu mahap du niyat atay da, koleꞌ jaꞌ sina sila saliꞌ-saliꞌ sanglit Tuhan.

2 Korin 13:7

Maku na pin kami duwaa pa Tuhan, kamura-murahan yaꞌ na kam luu buwat oy maka oy ma maat. Saꞌ baw tu kon kami makuhan kaam meꞌ tuu supaya kami sinanglitan inawnan guru alistu nōꞌ. Arapun binilang kami pandoy atawa niyaꞌ, ilooy ya puhung kami bong pin kam nūs jaꞌ lān intong.

2 Korin 6:8

Dari kami itu, sinanglitan na ka kami atawa pinadiyoꞌ, pinitnahan na ka kami atawa binitsala pa kaayaran, basta buwat jaꞌ kami kaintongan. Salla na, san kami bonto, baꞌ-bāꞌ kasohean, pangandupang lagi kami.

2 Korin 8:18

Sarī man si Taytus, luu gi situ sohoꞌ kami mmeꞌ niiya disu danganakan tabi. Iya itu sinanglitan meꞌ mimon baanan sukuꞌ si Isa sabap meꞌ na tiggo masaplag umanat mahap.

2 Korin 8:21

Kainagon kami itu saꞌ sat ni mata Tuhan man kami buwat kaintongan, arapun sampay ni mata manusiyaꞌ.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Epesus 4:25

Sangkon ddong na kitabi ngandustaꞌ. Arapun subay kabanahan sadjaꞌ bitsala tabi ni pagkahi tabi. Batan tibuuk na kitabi bilang siga kalangkapan baran Almasi.

Epesus 5:9

Batan tiyap-tiyap ina jama njawom karantaan, mastiꞌ tumatandaꞌ ni tangge-tingkōꞌ na kaayaran, kaintongan ka kabontohan.

Epesus 6:14

Na siga kalangkapan man bi ngatuhan siga seytan ina meꞌ tuu: Duhuꞌ-duhuꞌ subay kam wā nanggehan kabanahan. Batan kabanahan ina bong dalil ta pa kalangkapan sundalu, yana kambot bi. Pasunuꞌ, subay kam wā paintong. Batan kaintongan bi ina binilang ampi bassi para dakan bi.

Pilipi 3:1

Na siga danganakan ku, pagakun bi atay bi sabap sukuꞌ Papuꞌ Isa na sina kam. Yaꞌ situ ku jamu magsibalik-balik bitsala njawom suwat tuu batan palbiatan ku itu pa kaayaran ningkaam mari kam yaꞌ takoleꞌ pinagsian.

Kolossa 4:5

Na bila kam maglaw-lamud ka jama ma yaꞌ pitsayaꞌ ni Papuꞌ Isa, amay-amay buwat kam suntuan ayad. Bong luu dapat bi, pahampitan bi sila kabanahan pasal si Isa Almasi padpad luu gi waktu.

1 Tesaloneka 4:12

Dari bong siꞌ tu bean bi jaꞌ palbiatan tuu siꞌ, yaꞌ luu meꞌ bi diyoꞌ ni mata jama ma yaꞌ pitsayaꞌ ni si Isa. Maka san kam yaꞌ na ngaholat binalanjaan meꞌ jama.

1 Timuti 2:2

Maka subay du pakuhan da duwaa siga sultan ka mimon ma ngantanan kawasa-kapatut marinta supaya yaꞌ luu kalingogan ni siga paglahat tabi, maka supaya sumunsayaꞌ na jaꞌ kitabi ngisbat Tuhan ka buwat kahandak na.

1 Timuti 3:11

Damikiyan, kuwan nda tukang nabang, subay du hatu maka subay yaꞌ pandoy mitna. Subay ya pandoy ngagak dī na sampay taasahan buwat mimon ma sinukuꞌ niiya.

1 Timuti 3:4

Subay mahap meꞌ na magpandoy ni anak-nda na. Maka subay ya inasip sampay pinag-aratan meꞌ mimon anak na.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

1 Timuti 5:10

Lagiꞌ na, subay sila bay tamasa nabiat buwat mahap. Hati na, subay mahap meꞌ da bay nganad anak da maka ndang nabiat ngahulmat jama. Maka subay sila biyasa magpangintu siga pagkahi da sukuꞌ si Isa. Maka subay sila biyasa magpanulung jama njawom kasusahan. Hantak bitsala ku ilay siꞌ, subay sila bay tamasa buwat jinisan kaayaran.

1 Timuti 5:2

Tuwaꞌ pa karandahan ma umuhan gi man kau, subay du hanunut-hanunut meꞌ nu naup sila. Buwatun sila meꞌ saparati nneꞌ nu. Kuwan karandahan ma sumiyali man kau, bila ko naup, buwatun du sila meꞌ saparati danganakan nu. Maka subay sutsiꞌ niyat atay nu ka sila.

Taytus 1:8

Iya pataꞌ ninsila, subay sila pangahulmat ka tigiꞌ buwat mahap ni jama. Subay patong mamiki maka subay sila intong. Subay sutsiꞌ kawul-piil da ka subay sila pandoy ngagak dī da.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Taytus 2:2

Baan nu sagannap matatoa ma lalla, subay sila pandoy ngagak dī da. Maka subay sila pahatu-hatu ka patong mamiki mari sila tawop pinag-aratan. Subay sila tattap mmeꞌ ni tōꞌ ma kinapitsayaan meꞌ tabi ka maaseꞌ ni jama, sampay natas njawom katiksaan.

Taytus 2:7

Labi na kau Taytus, subay bogbogan nu hāp kawul-piil nu mari luu suntuan ayad inakig meꞌ siga soheꞌ nu. Maka mimon tangge-tingkōꞌ nu subay magbēꞌ jaꞌ ka kabanahan ma tinōꞌ meꞌ nu.

Taytus 3:14

Kuwan siga pagkahi ta sukuꞌ si Isa nnaa, sohoun sila makutuꞌ meꞌ da buwat kaayaran. Maka sohoun sila nulung jama tiksaꞌ. Meꞌ naa ina, mehe kapansahaliyan da ni manusiyaꞌ.

Hibrani 11:2

Sabapan pangando tabi, manganna kitabi mimon-mimon ni sikaliput alam bay pinapayak meꞌ palman Tuhan. Dari mimon ma takita tabi batnaa bay pinaluu meꞌ ilooy ma yaꞌ takita, yana palman. Tud hagaan pangando pa Tuhan. Sabapan pangando siga kabboꞌ-bboan tabi, ilooy na man Tuhan kasulutan ninsila.

Hibrani 13:18

Siga danganakan, pakuhan bi na pin kami duwaa supaya wā kami moo kabantugan pa Tuhan man sabapan kawul-piil kami. Kamasaꞌ, san itu kami maku meꞌ tuu, katoonan kami du yaꞌ luu ni kawul-piil kami gantaꞌ pataꞌ man kami sinusunan.

Yaꞌkub 1:27

Ilooy ya binilang meꞌ Mmaꞌ tabi Tuhan agama sabanna ma yaꞌ luu tamak na, meꞌ tuu: Subay kita nulung ga iluꞌ-iluꞌ iyatin ka ga bawu danda ma njawom tiksaꞌ. Maka subay kita patā man mimon kalaatan ma pinaabak meꞌ siga jama ma yaꞌ ngisbat Tuhan.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

1 Pitel 4:8

Maka numbul satu isbatun bi meꞌ bi sikaaseꞌ-kaaseꞌ ni kahilas atay bi. Batan bong ina kam maasean siga pagkahi bi, mastiꞌ ampun bi jaꞌ sila san du pooy eka dusa da ningkaam.

2 Pitel 3:1

Na siga kakasi ku, ituu itu suwat ku ni kaduwa na ningkaam. Ngkon ku itu nuwatan kaam ni kaduwa na man ku maintoman kaam kabanahan pabalik mari tattog na pamiki bi.

1 Yahiya 3:18

Sangkon siga anak, daa kita maaseꞌ ni bitsala jaꞌ atawa ni kuwit tōng sadjaꞌ. Arapun subay du takita aseꞌ ta ni tangge-tingkōꞌ ta batan inaa aseꞌ sabanna.

1 Yahiya 3:3

Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.