Pilipi 4:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Batnaa, sabapan tulung ma bay pokonan bi man si Epaproditus, luu na labi man balanjaꞌ ku. Tulung bi ilay niyaku binilang jakat ma kasulut banahan pa Tuhan. Bong ibaratan bawu, kahamutan ya.

Pilipi 4:18 ပူးပေါင်းရင်းမြစ်များ

Salsila siga Rasul 10:4

Na si Kolniliyus siꞌ tu tud bay tawu njawom na matong malaikat looy. Yuk na, “Oy lay siꞌ Tuwan?” Pag tampung malaikat looy, “Siga duwaa nu ilay sampay na siga saraka nu ni jama miskin lay na du inindanan meꞌ Tuhan.

Suwat si Pol pa mman Baanan Sukuꞌ si Isa ndooy ni Rom 12:1

Sangkon siga danganakan, sabapan ehe aseꞌ Tuhan ningkitabi, junjung ku na ningkaam, suhuran bi na dī bi pa Tuhan. Ingatun bi na Tuhan dapu baran bi halloman bi llum. Labbahan bi na oy-oy arat-tabiat ma yaꞌ nulut ni kahandak Tuhan mari kam sutsiꞌ. Batan subay silay meꞌ looy meꞌ bi makitahan iya bana-bana kam ngisbat iya.

2 Korin 11:8

Halloman ku nnaa ni lahat bi, iya bay malanjaan aku yana siga baanan sukuꞌ si Isa man siga lahat sarī. Inaa ko ngawon, lay jaꞌ ku mangan hulas-sangsāꞌ da bong pin kam tatoan ku.

2 Korin 9:12

Dari duwa sina mintu kaayaran man sabapan tulung bi. Disu, kabuwan kam balanjaꞌ ni sukuꞌ Tuhan ma sigpit. Kaduwa na, inaa na poonan meka muwan pagsukuhan pa Tuhan.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Pilipi 4:12

Sigpit ku atawa njawom sannang, lingantu atawa sso, lay na tatammu ku jalan man ku magsuku ni mimon kahalan ku. Maglabi balanjaꞌ ku atawa kabus ku, sannang jaꞌ du njawom atay ku,

2 Tesaloneka 1:3

Siga danganakan, pataꞌ na du situ kami wā muwan pagsukuhan pa Tuhan sabapan bi, batan pabasag na pin pangando bi ni si Isa maka magsasōng na pin meꞌ bi sikaaseꞌ-kaaseꞌ.

Hibrani 13:16

Maka daa na layam-layam tabi meꞌ tabi buwat mahap ni jama sampay meꞌ tabi nulung sagannap ma sigpit. Batan meꞌ naa ina, sibuꞌ du kitabi ka bay nongan jakat ma kasulut ni Tuhan.