Pilipi 3:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Sampay mimon-mimon, bilang ku na du yaꞌ na luu hagaꞌ na bong bista ku ka ehe hagaꞌ pagkalungbid ku ka Papuꞌ ku si Isa Almasi. Kalnaꞌ iya, lay na labbahan ku mimon ma bay hagaan niyaku maruhuꞌ. Meꞌ ku ngingat, mimon ilooy siꞌ boboꞌ jaꞌ. Kon meꞌ looy batan ituu na batnaa hagaan niyaku pasal meꞌ ku madara pagkalungbid ku ka Almasi.

Pilipi 3:8 ပူးပေါင်းရင်းမြစ်များ

Lukas 1:43

Jama oy doꞌ tu meꞌ aku taggahaꞌ luu na ga nneꞌ Papuꞌ ku takka pitu pa mman ku?

Lukas 11:20

Padahal, ilooy ilay siꞌ kon ku kapalakka siga seytan man sabapan kawasa-kapatut Tuhan ni jataꞌ ku. Maka ilooy na silay siꞌ buktiꞌ mehe luu na pamarinta Tuhan takka pitu pa mman bi.”

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 14:7

Bong sabana-bana katoonan bi ku, malaingkan katoonan bi du Mmaꞌ ku. Ni sabana na, labba man batnaa, katoonan bi na Mmaꞌ ku maka ndang lay na ya takita bi.”

Yahiya 16:3

Kon da ilay buwat meꞌ looy sabap yaꞌ katoonan da Mmaꞌ ku atawa pun aku.

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Yahiya 17:8

Mimon bay sohoꞌ nu pinamāꞌ niyaku, lay na pasampay ku ninsila, sampay lay na du bay kinapitsayaan meꞌ da. Katoonan da na bana aku lakka mman nu. Pitsayaꞌ na sila kau bay mapitu aku.

Yahiya 20:13

Tilaw da siꞌ niiya, “Ongoy tu ko Nang nangis?” Pag tampung si Mariyam, “Luu la bay ngalakkahan mayat Papuꞌ ku. Boꞌ yaꞌ san katoonan ku bong bay binoo paninggai meꞌ da.”

Yahiya 20:28

Yuk si Tomas niiya, “Papuꞌ ta ko! Tuhan ta ko!”

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Suwat si Pol pa mman Baanan Sukuꞌ si Isa ndooy ni Rom 8:18

Sugaꞌ kumpas ku, siga kamalasahiyan ma lingkaan tabi ni batnaa, sibuꞌ du ka yaꞌ luu bong binista ka kaayaran ka kabantugan takoleꞌ tabi bbos-bbos.

1 Korin 2:2

Batan ilooy du ilay bay hagaan niyaku bong pin tapasaplag ku jaꞌ umanat pasal Almasi sampay kapatoy na taꞌ tehang.

1 Korin 9:10

arapun sampay pa sagannap kitabi ma maghulas-sangsāꞌ kalnaꞌ Papuꞌ Isa. Intong na, yana meꞌ siga tukang madjaꞌ atawa tukang ngattom ngaholat koleꞌ hasil, damikiyan, siga jama pun ma magtuyuꞌ kalnaꞌ Papuꞌ Isa, pataꞌ du ngaholat binuwanan hasil ni bay hulas-sangsāꞌ da.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Galatiya 1:16

Lay na palahil Tuhan Anak na niyaku supaya tapasampay ku na umanat mahap pasal iya ni kabangsa-bangsahan ma saꞌ Yahudi. Dari yaꞌ na san ku bay mangaruha ni soy maka soy na bong oy subay pabuwat ku.

Epesus 4:13

Pag toklas na, dambuwaꞌ atay na kitabi mmeꞌ ni umanat mahap. Maka pasōng na pin meꞌ tabi toon Almasi, yana Anak Tuhan. Dari song hallom, sukup iman na tabi ngabut sampay sumibuꞌ na du arat-tabiat tabi ka Almasi.

Pilipi 1:1

Ituu itu kami, si Pol ka si Timuti. Kami itu siga ata si Isa Almasi. Itu suwat kami pa mman bi sukuꞌ Tuhan njawman Almasi nnaa ni Pilipi sampay pa mman siga pa-mmean bi ka siga tatabang da.

Pilipi 3:10

Kainagon ku magsasōng na pin meꞌ ku toon Almasi. Maka kainagon ku luu na pin kawasa Tuhan njataꞌ ku ngahalin pangatayan ku, meꞌ karuha basag kawasa na bay makallum Almasi pabalik. Maka doman du ku nūs limpaꞌ Almasi bay lumingkaꞌ ni jinisan kamalasahiyan kalnaꞌ Tuhan. Maka doman du ku ngikut tabiat na. Dari meꞌ iya na du ku yaꞌ mean kahandak ku supaya tabean ku na kahandak Tuhan san gi man ku patuhut meꞌ bay kapatoy Almasi.

Pilipi 3:12

Yaꞌ baw tu ku kabāꞌ ga lay na taabut ku kaallum meꞌ looy atawa yaꞌ na luu salla ku samasakali. Sugaꞌ tuyuan ku na pin ngabut kaallum meꞌ looy batan ndang ilooy silay maksud Almasi bay ngaliyun aku binuwat sukuꞌ na.

Pilipi 3:7

Sugaꞌ mimon ammal-ibarat ku maruhuꞌ ma kanna ku kaboo kaayaran niyaku, binilang na meꞌ ku yaꞌ na luu kapuspusan na. Batan tibuuk na ku ka Almasi.

2 Timuti 4:6

Kuwan aku tu, yaꞌ na meꞌ noy tahaꞌ umu ku. Tapit na situ waktu man ku limbu man junyaꞌ tuu.

Hibrani 3:14

Basta ina yaꞌ jaꞌ labbahan tabi pangando tabi ni Almasi ngabut sampay pa katapusan, mastiꞌ hampit jaꞌ kitabi ni mimon supaat na.

1 Pitel 2:7

Sangkon na ina, bong inawnan Almasi, mastiꞌ hagaan banahan ningkitabi ma pitsayaꞌ niiya. Boꞌ sagannap ma yaꞌ pitsayaꞌ, niyaꞌ san ya gunahan ninsila. Subay siꞌ mamintang doꞌ sila ni halling njawom kitab, ilooy ma yuk na, “Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.”

2 Pitel 1:2

Kamura-murahan lipat man lipat na pin kasannangan ka barakat ningkaam sabap meꞌ bi lungbid ka Tuhan saltaꞌ na Papuꞌ tabi si Isa.

2 Pitel 1:3

Ni kaehe kawasa Tuhan, luu na bay dean na kitabi kaallum bahau sampay mimon ma gunahan ningkitabi man ngikut arat-tabiat na. Lay na dean na kitabi ilooy siꞌ sikamimon pag lay jaꞌ tabi lungbid ka iya. Maka lay na kitabi liyun na pa jawom okoman na supaya kitabi tumabeꞌ ni kabantugan na ka kaayaran na.

2 Pitel 1:8

Na bong siꞌ ina tabogbog bi na mimon arat meꞌ naa boꞌ duhunan bi lagi, malaingkan meka na sina kaayaran takita ni tangge-tingkōꞌ bi. Maka tumatandaꞌ na mehe kapansahaliyan bi ni manusiyaꞌ sabap meꞌ bi lungbid ka Papuꞌ tabi si Isa Almasi.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

1 Yahiya 2:19

Ga jama ma nguntra ilay, lay du bay pingkaꞌ tabeꞌ ningkitabi, sugaꞌ lay na pasakkat. Bong ilay siꞌ tud bay dambuwaꞌ atay sila ka kitabi, yaꞌ du sila bay pasakkat. Sugaꞌ pagka lay na du sila pasakkat, tumatandaꞌ na saꞌ du sila pagkahi tabi sukuꞌ si Isa.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.