Pilipi 3:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

Pilipi 3:21 ပူးပေါင်းရင်းမြစ်များ

Matiyu 17:2

Lay jaꞌ siꞌ sila ndooy, ilooy ma halin na bantuk si Isa ni awpan da. Sahayaꞌ luwa na meꞌ mataallaw na sampay pakayan na lay na ga papoteꞌ malaas na maka nahayaꞌ na.

Matiyu 22:29

Dari yuk si Isa ninsila, “Tud magsāꞌ kam sabap yaꞌ san tahati bi suwat njawom kitab maka yaꞌ du katoonan bi ehe kawasa Tuhan.

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Suwat si Pol pa mman Baanan Sukuꞌ si Isa ndooy ni Rom 8:29

Labba man sibuwa, ndang katoonan Tuhan na bong soy tumabeꞌ ni sukuꞌ na. Boꞌ ndang luu na silay garaꞌ na ngahalin arat-tabiat da supaya sumibuꞌ na du ka arat-tabiat Anak na, yana si Isa. Kon na ilay buwat meꞌ looy supaya sila pataꞌ inawnan siyali si Isa ma ginalla Anak Siyaka.

Kolossa 3:4

Dari pagka kaallum Almasi yana kaallum tabi, pag taabut na mintu pinalahil, malaingkan tabeꞌ na du kitabi ni kabantugan na.

1 Yahiya 3:2

Siga kakasi ku, batnaa anak Tuhan na situ kitabi, sugaꞌ yaꞌ gi baw bay pinalahil ningkitabi bong pooy kadari tabi bbos-bbos. Ilooy du katoonan tabi, pag beleng Almasi, meꞌ iya na du kitabi batan takita tabi na sina mintu bong pooy kadari na banahan.

Siga Pakaradjaan bay Pinalahil 1:8

Na yuk Papuꞌ tabi Tuhan, “Aku itu yana Alpa ka Omega Sangat Kawasa, yana ilooy ma ndang luu na man maruhuꞌ-ruhuꞌ lagi ngabut batnaa sampay saumu ni sinōng.”