Pilipi 3:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Boꞌ kitabi baw tu sukuꞌ Tuhan, lahat tabi sabanna yana sulgaꞌ. Maka ilooy ma agad tabi lakka man sulgaꞌ du, yana Papuꞌ tabi si Isa Almasi ma tukang nalamat kitabi.

Pilipi 3:20 ပူးပေါင်းရင်းမြစ်များ

Matiyu 19:21

Yuk si Isa niiya, “Bong ko doman yaꞌ luu kulang nu pa Tuhan, moleꞌ na ko, paballihan nu na altaꞌ nu sikamimon boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Lukas 12:21

Dari yuk si Isa, “Ilooy na silay palas jama ma ngumpohan dī na altaꞌ, boꞌ ilooy ma hagaan pa Tuhan, yaꞌ san paruli na. Bong ndaꞌ mata, dayahan lalla looy siꞌ, sugaꞌ ni bandingan Tuhan, tud miskin ya.”

Lukas 14:14

Bong siꞌ ina ko buwat meꞌ naa, mastiꞌ sinupaatan sina ko. Batan minsan gantaan yaꞌ tatungbasan da buddi nu njataꞌ da, Tuhan sa nungbasan kau ni llaw man na makallum sagannap ma intong ni mata na.”

Salsila siga Rasul 1:11

Yuk da, “Kaam, jama Jalil, ongoy tu amu-amu kam ngahangad langit? Si Isa ilay siꞌ ma bay takita bi inangkat pa sulgaꞌ, luu du sina masa na pabeleng. Pag duwai na ina bbos-bbos, sibuꞌ du hantang na ka waktu na siꞌ bay dutai.”

1 Korin 1:7

Boꞌ na, ni hāl siga ladjikiꞌ ma pamuwan Rū Sutsiꞌ, yaꞌ na luu kulang bi samasakali halloman bi ngagad ni katakka Papuꞌ tabi si Isa Almasi.

1 Korin 15:48

Pagka meꞌ looy, yana meꞌ mimon manusiyaꞌ nutu lalla looy ma bay pinapayak lakka man tanaꞌ, damikiyan, sagannap ma sukuꞌ Tuhan nutu na lalla looy ma bay lakka man sulgaꞌ.

2 Korin 4:18

Dari kitabi itu, kon tabi natas batan ilooy pinandang meꞌ tabi ma yaꞌ takita, yana hāl Tuhan. Batan siga pakaradjaan ma takita ina ntuu ni junyaꞌ, sandaꞌ-sandaꞌ jaꞌ. Boꞌ siga ilooy ma yaꞌ takita natas saumu-umu.

2 Korin 5:8

Sannang na pamiki tabi batan tatantu tabi mastiꞌ luu jaꞌ kaayaran ngagad kitabi. Batan katoonan tabi na, mas mahap gi kitabi sakkat ka baran tuu supaya kitabi kapagdambuwaꞌ na ka Papuꞌ Isa.

Galatiya 4:26

Boꞌ nda Nabi Ibrahim, ilooy ma saꞌ ata, yana Sitti Sara, yana sipat ni daira sarī yana Jerusalem ni sulgaꞌ. Batan yana meꞌ Sitti Sara ka anak na saꞌ ata, damikiyan, siga raayat ni daira looy pun saꞌ du ata. Dari pagka mimon kitabi ma pitsayaꞌ ni Almasi bay dari siga raayat ni daira looy, dari ko ngawon, inaa na daira ma tabilang nneꞌ tabi.

Epesus 2:19

Sangkon kaam ma saꞌ bangsa Yahudi, yaꞌ na kam jama sampi pa Tuhan. Tabeꞌ na du kam ni siga sukuꞌ na maka anak na na du kam njawom okoman na.

Epesus 2:6

Maka pagka kitabi lay na tabeꞌ ni Almasi pinakallum, meꞌ tabi ngingat, lay na du kitabi pinatabeꞌ niiya pinatingkōꞌ ndooy ni sulgaꞌ.

Pilipi 1:10

mari kam pandoy meneꞌ bong oy pataꞌ subay pabuwat bi llaw pa dangallaw. Batan bong ina mahap pabuwatan bi, mastiꞌ sutsiꞌ jaꞌ kawul-piil bi sampay yaꞌ na luu sutsutan njataꞌ bi pag taabut llaw Almasi pabeleng.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Kolossa 1:5

Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.

1 Tesaloneka 1:10

Maka lay gi sila māꞌ ngagad na kam ni Anak na, yana si Isa, pabeleng pa junyaꞌ man sulgaꞌ. Maka yuk da, pitsayaꞌ kam pus si Isa bay pinapatoy, lay na ya pinakallum meꞌ Mmaꞌ na Tuhan. Maka pitsayaꞌ na du kam iya tukang maddusan siga sukuꞌ na man mulkaꞌ Tuhan ma takka bbos-bbos.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Taytus 2:13

Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.

Hibrani 12:22

Boꞌ ningkitabi itu batnaa, sarī na punu bay inabut meꞌ tabi. Awon na Punu Zayon, daira Tuhan sabanna ma llum saumu-umu, yana daira Jerusalem man sulgaꞌ. Ndooy ilay, libu-libuhan malaikat kumpo-kumpo njawom kagakan.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

Siga Pakaradjaan bay Pinalahil 1:7

Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.