Pilipi 3:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Siga danganakan, akigun bi jaꞌ kawul-piil ku. Maka bong kam ngita jama ma sibuꞌ arat-tabiat da ka ningkami, akigun bi du.

Pilipi 3:17 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 16:17

Siga danganakan, junjung ku na ningkaam, iyakin kam ni siga jama ma moo pagsaggaan ni baanan bi sabap meꞌ da nulang kabanahan ma bay tinōꞌ ningkaam. Ilagan bi sila

1 Korin 10:32

Sangkon, iyakinan bi dī bi mari kam yaꞌ kapabuwat oy maka oy na ma kaboo jama yaꞌ doman pitsayaꞌ ni si Isa. Bangsa Yahudi atawa ssaꞌ, sukuꞌ si Isa atawa ssaꞌ, daa kam buwat man da nuwak si Isa.

1 Korin 11:1

Kainagon ku, yana meꞌ ku ngakig Almasi, akigun bi jaꞌ ku.

1 Korin 4:16

Sangkon, junjung ku na ningkaam, akigun bi jaꞌ kadarihan ku.

Pilipi 4:9

Maka ikutun bi na pin mimon ma bay takoleꞌ bi man ku, labba man siga tōꞌ ku sampay na kawul-piil ma bay tasakup bi njataꞌ ku. Bong siꞌ ina inaa pakutuꞌ bi, mastiꞌ inunungan jaꞌ sina kam meꞌ Tuhan ma muwan kasannangan njawom atay bi.

1 Tesaloneka 1:6

Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.

2 Tesaloneka 3:14

Bong ndaꞌ bi luu nnaa yaꞌ maruli ni pituwa kami jawom suwat tuu, indanan bi. Daa na kam palamud ninsila supaya tabista da na yaꞌ tuwaꞌ pabuwatan da, boꞌ da iyaꞌ ni dī da.

2 Tesaloneka 3:7

Akigun bi jaꞌ suntuan kami. Kaam na silay mismu bay kasakup bay kadarihan kami jaman kami nnaa ni lahat bi. Lay jaꞌ kami magtuyuꞌ buwat. Yaꞌ kami bay takita bi nangge-nangge jaꞌ hūk ngusaha.

2 Tesaloneka 3:9

Kamasaꞌ, meꞌ kami itu sosohoan si Isa, pataꞌ du bong siꞌ kami bay binalanjaan meꞌ bi. Sugaꞌ honaꞌ-honaꞌ kami, gam na kami bay muwanan kaam suntuan ayad mari luu inakig meꞌ bi.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

Hibrani 13:7

Sarī man naa, daa takupan bi siga pa-mmean bi ma bay noan kaam palman Tuhan. Kannahun bi ayad kawul-piil da maka akigun bi pangando da ni si Isa.

1 Pitel 5:3

Maka daa kam buwat sagannap ma njawman bi subay ga tindog bi, saula-ula kaam na papuꞌ da. Arapun subay kam makitahan sila kawul-piil ayad mari luu suntuan taakig da.