Pilipi 3:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Siga danganakan, meꞌ halling sambat ku na siꞌ, yaꞌ du baw tu ku mista ga lay na taabut ku kaallum meꞌ looy. Sugaꞌ oy-oy bay pabuwat ku atawa bay lingkaan ku ma kasanggalang niyaku, palungay ku na. Maksud ku mari sumunsayaꞌ na ku mupusan basag ku ngabut angan-angan ku koleꞌ kaallum meꞌ looy.

Pilipi 3:13 ပူးပေါင်းရင်းမြစ်များ

Lukas 10:42

Sugaꞌ disu du patingkat gunahan ni jama, yana ituu na situ ma bay peneꞌ si Mariyam. Boꞌ yaꞌ na sina talakkahan mman na.”

Lukas 9:62

Iya tampung si Isa niiya, “Soysoy mmeꞌ niyaku subay kahandak ku pandang na. Bong nnaꞌ ta pa jama madjaꞌ, subay ya ngandaꞌ paruhuan sadjaꞌ. Bong ina ya magtelean lagi, yaꞌ sampulnaꞌ pabuwatan na. Damikiyan, jama ma mmeꞌ niyaku ina, bong yaꞌ disu du pandang na, malaingkan yaꞌ ya tawop pinakoy masōng pamarinta Tuhan.”

2 Korin 5:16

Sangkon batnaa, pagka pakutuꞌ tabi na kahandak Almasi, yaꞌ na sibuꞌ meꞌ tabi manding jama ka bay jaman tabi yaꞌ gi pitsayaꞌ ni Almasi. Jaman looy ilay, sampay Almasi sarī du bandingan tabi niiya.

Pilipi 2:12

Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

Pilipi 3:12

Yaꞌ baw tu ku kabāꞌ ga lay na taabut ku kaallum meꞌ looy atawa yaꞌ na luu salla ku samasakali. Sugaꞌ tuyuan ku na pin ngabut kaallum meꞌ looy batan ndang ilooy silay maksud Almasi bay ngaliyun aku binuwat sukuꞌ na.

Pilipi 3:8

Sampay mimon-mimon, bilang ku na du yaꞌ na luu hagaꞌ na bong bista ku ka ehe hagaꞌ pagkalungbid ku ka Papuꞌ ku si Isa Almasi. Kalnaꞌ iya, lay na labbahan ku mimon ma bay hagaan niyaku maruhuꞌ. Meꞌ ku ngingat, mimon ilooy siꞌ boboꞌ jaꞌ. Kon meꞌ looy batan ituu na batnaa hagaan niyaku pasal meꞌ ku madara pagkalungbid ku ka Almasi.

Hibrani 6:1

Sangkon, ddong na kitabi kataddasan ni tōꞌ ma ndang lay na takoleꞌ tabi jaman tabi bahau bay mmeꞌ ni Almasi. Palanja na kitabi pa pangahati lawom mari pataggu na iman tabi. Ibaratan buwat lumaꞌ, bong kita lay na matangge tehang, san kita yaꞌ na matangge pabalik. Hati na, san yaꞌ na pagsibalik-balik tabi tōꞌ ma ndang katoonan tabi na. Awnan ku ilay siꞌ yana hāl meꞌ sapantun nawbatan dusa, pangando pa Tuhan,

2 Pitel 3:8

Sugaꞌ siga kakasi ku, yaꞌ baw sina tatunaꞌ tabi bong sumilan binakbul mimon ituu siꞌ. Ingatun bi, bong pa Tuhan, dalibu taun sibuꞌ du ka dangallaw. Damikiyan, dangallaw sibuꞌ du ka dalibu taun.