Pilipi 2:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Batnaa, bistahan ku gam na sohoꞌ ku na danganakan tabi si Epaproditus pabeleng pa mman bi, ilooy ma bay sohoꞌ bi nuhiyan tulung bi niyaku. Tud mehe sina tabang na niyaku bilang limbang ku maghulas-sangsāꞌ kalnaꞌ Almasi. Meꞌ ku ngingat, iya disu pagkahi ku sundalu Almasi matangge kabanahan.

Pilipi 2:25 ပူးပေါင်းရင်းမြစ်များ

Yahiya 13:16

Na pagka Papuꞌ bi lay magpadiyoꞌ, sapatut na, kaam pun iyadu. Batan baan ta kam banahan, yaꞌ sina luu ata patingkat gi man papuꞌ na. Damikiyan yaꞌ du luu sosohoan patingkat gi man ilooy ma bay nohoꞌ iya.

Yahiya 17:18

Batnaa sohoꞌ ku na sila ngalataan junyaꞌ masaplag umanat nu meꞌ karuha aku du bay sohoꞌ nu pitu pa junyaꞌ.

Suwat si Pol pa mman Baanan Sukuꞌ si Isa ndooy ni Rom 16:3

Sarī man naa, pasampayun bi doꞌ salam duwaa ku pa mman ga si Prisila ka si Akila. Sila ina limbang ku maghulas-sangsāꞌ kalnaꞌ si Isa Almasi.

Suwat si Pol pa mman Baanan Sukuꞌ si Isa ndooy ni Rom 16:9

Maka salam duwaa du ni si Urbanus yana limbang kami maghulas-sangsāꞌ kalnaꞌ si Isa. Salam duwaa du ni kakasi ku si Istakis

1 Korin 3:9

Sangkon, bong inawnan kami ka si Apolos, sosohoan sadjaꞌ situ kami maglimbang buwat kalnaꞌ Tuhan. Kuwan kaam ina, meꞌ sapantun huma Tuhan inintu meꞌ kami. Dan jinis meꞌ halling, kaam ina meꞌ sapantun lumaꞌ Tuhan pinabuwat.

2 Korin 2:13

Sugaꞌ san meꞌ looy, gampang na pin ku sabap danganakan tabi si Taytus yaꞌ bay kaluwa ni waktu man kami bay tugun. Dari lay na ku muwan salam duwaa ni siga pagkahi ku ndooy ni Troas, boꞌ ku lay na pawus pa Masidunya miha iya.

Pilipi 2:26

Kon ku itu nohoꞌ iya moleꞌ pa mman bi batan ngintom na konoꞌ ya banahan ningkaam sikamimon. Maka susa ya taggahaꞌ gampang na pin kam pagka lay taaka bi bay ya saki.

Pilipi 4:18

Batnaa, sabapan tulung ma bay pokonan bi man si Epaproditus, luu na labi man balanjaꞌ ku. Tulung bi ilay niyaku binilang jakat ma kasulut banahan pa Tuhan. Bong ibaratan bawu, kahamutan ya.

Pilipi 4:3

Maka Susugus, meꞌ kau disu pagkahi ku magkanaalla mmeꞌ ni kahandak Tuhan, subay ko nabang nalassay supaya sikatuwaꞌ na ga danda naa sikaduwa. Sila ina bay magtuyuꞌ-tuyuꞌ nabangan aku masaplag umanat mahap. Maka bay du sila nabangan si Kelemen ka siga limbang ku kasohean maghulas-sangsāꞌ kalnaꞌ Almasi. Sila ilay sikamimon, lay na tabeꞌ awon da njawom Būk Kaallum man ngalista awon sagannap ma luu kasampulnaan nyawa da saumu-umu.

Kolossa 1:7

Boꞌ inaa na kabanahan ma bay takoleꞌ bi man si Epapras, disu limbang kami sosohoan Tuhan. Iya itu kakasi kami maka tiggo ya maghulas-sangsāꞌ kalnaꞌ Almasi pa kaayaran ningkaam.

Kolossa 4:11

Maka luu gi ntuu si Justus ma inawnan du si Isa, lay du nohoꞌ masampay salam duwaa na ningkaam. Na siga lalla tuu itu siꞌ sikatallu, sila du pagkahi ku bangsa Yahudi ntuu maghulas-sangsāꞌ masōng pamarinta Tuhan. Sabapan tabang da niyaku, tud bay kagamgaman ku.

Pilimun 1:24

Ga si Malkus pun ka ga si Aristalkus, si Dimas, ka si Lukas, siga pagkahi ku ma maghulas-sangsāꞌ kalnaꞌ Almasi, lay du bay nohoꞌ masampay salam duwaa da ningkau.

Hibrani 3:1

Na siga danganakan ku, yana sukuꞌ Tuhan, kaam ina, meꞌ aku na du, lay na lliyun meꞌ Tuhan pa jawom okoman na. Sangkon kannahun bi na si Isa ma pinagbāꞌ meꞌ tabi ni manusiyaꞌ iya rasul Tuhan ka panghuluꞌ imam ma asahan tabi.