Pilipi 2:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Pataꞌ du baw tu si Timuti sohoꞌ ku pilu sabap ni mimon pagkahi ku, isu-isu iya magbēꞌ pamiki ka aku doman ngayaran kaam.

Pilipi 2:20 ပူးပေါင်းရင်းမြစ်များ

Yahiya 10:13

Kon na ilay mabiya batan iya tukang ngipat ginadjihan jaꞌ. Yaꞌ dari oy na niiya oy-oy katuwaꞌ ni siga bili-bili looy.

Yahiya 12:6

Na sabana na, yaꞌ silay luu luuy si Judas ni jama miskin, arapun kon na bay halling meꞌ looy sabap panangkaw ya. Minsan iya bay hinalap ngantanan pangannaan sīn ni baanan ga si Isa, bbuwatan na daran ngulangan sīn da para ni dī na.

Suwat si Pol pa mman Baanan Sukuꞌ si Isa ndooy ni Rom 15:5

Tuhan ina yana poonan gaos tabi maka tukang mataggu iman tabi supaya kitabi natas njawom kasusahan. Kamura-murahan tinabangan du kam meꞌ na supaya kam dambuwaꞌ pamiki njawom kasalassayan sasang bi ngikut siga tōꞌ si Isa Almasi.

1 Korin 16:10

Na bong mintu bay takka pilu si Timuti, hasiyun bi sa paayad supaya yaꞌ luu loman na ningkaam. Iya ilay, meꞌ aku du, magtuyuꞌ maghulas-sangsāꞌ kalnaꞌ Papuꞌ.

Pilipi 2:2

junjung ku na ningkaam, magdambuwaꞌ pamiki na kam. Maka magtaayun na kam maasean mimon pagkahi bi. Bong siꞌ ina pakutuꞌ bi jaꞌ meꞌ naa, mehe meꞌ ku gāk ningkaam.

Pilipi 2:22

Boꞌ si Timuti itu, katoonan bi na du, ndang kanaalla ya man maruhuꞌ lagi. Ndang tigiꞌ ya nabangan aku masaplag umanat mahap meꞌ karuha anak-anak nabangan mmaꞌ na.

Kolossa 4:11

Maka luu gi ntuu si Justus ma inawnan du si Isa, lay du nohoꞌ masampay salam duwaa na ningkaam. Na siga lalla tuu itu siꞌ sikatallu, sila du pagkahi ku bangsa Yahudi ntuu maghulas-sangsāꞌ masōng pamarinta Tuhan. Sabapan tabang da niyaku, tud bay kagamgaman ku.

1 Timuti 1:2

Itu suwat ku pa mman nu Timuti. Kau ina subay ga anak ku na rahasiyaꞌ sabap meꞌ ta dambuwaꞌ atay pitsayaꞌ ni Papuꞌ Isa. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

1 Timuti 4:6

Na bong itu pasampay nu du bay bitsala ku siꞌ ni siga danganakan ta nnaa, malaingkan kau sosohoan si Isa Almasi kanaalla. Maka sasang nu nōꞌ kabanahan ma kinapitsayaan meꞌ ta sampay mmeꞌ ni tōꞌ ayad ma ndang binean meꞌ nu, mastiꞌ pasambu nu na nyawa nu.

2 Timuti 1:5

Niyaꞌ takupan ku hilas pangando nu ni Papuꞌ Isa. Pangando nu ina, sibuꞌ du hantang na ka pangando bboꞌ nu Daꞌ Lowis ka nneꞌ nu si Yunis. Tumatandaꞌ na niyaku meꞌ bay na sinaynan pangando da ni jataꞌ nu.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.