Pilipi 2:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² junjung ku na ningkaam, magdambuwaꞌ pamiki na kam. Maka magtaayun na kam maasean mimon pagkahi bi. Bong siꞌ ina pakutuꞌ bi jaꞌ meꞌ naa, mehe meꞌ ku gāk ningkaam.

Pilipi 2:2 ပူးပေါင်းရင်းမြစ်များ

Yahiya 3:29

Ndang katoonan ku du pag luu jaꞌ Almasi, talpaksaꞌ pasōng kabantugan na, boꞌ niyaku tu, talpaksaꞌ pakulang. Iya ilay meꞌ sapantun disu pangantin ma lalla, boꞌ sagannap ma mmeꞌ niiya meꞌ sapantun pangantin ma danda. Sangkon bong sikamimon bahuklud pa mman na, malaingkan biddaꞌ na ehe kagakan ku, batan inawnan pangantin ma danda, ndang sukuꞌ na. Boꞌ aku tu meꞌ sapantun bagay pangantin ma lalla sadjaꞌ nangge ni bihing na. Maka gāk ku pakale ni bitsala na.

Salsila siga Rasul 1:14

Sila ilay ndang daran kumpo-kumpo ndooy maku duwaa. Maka luu gi kasohean danda sampay na si Mariyam, yana nneꞌ si Isa, ka siga siyali si Isa ma lalla daran du mmeꞌ ninsila maku duwaa.

Salsila siga Rasul 2:1

Na pag taabut llaw paballangan bangsa Yahudi inawnan Pentekos, mimon sukuꞌ si Isa lay kumpo taꞌ lumaꞌ.

Salsila siga Rasul 2:46

Llaw-llaw kumpo sila numba ni langga mehe. Ni kahilas atay da, gāk sila sipahampit-pahampit kinakan da maka tigiꞌ sila siharung-harung mangan ni siga lumaꞌ da.

Salsila siga Rasul 5:12

Ni jaman looy du siꞌ, meka pabuwatan kahaylan-haylan ka sipat kawasa Tuhan bay pinōꞌ meꞌ siga rasul ni mayran ndooy ni Jerusalem. Daran sila kumpo-kumpo ka mimon pagkahi da sukuꞌ si Isa ndooy ni langga mehe, ni Sawrung Sultan Sulayman.

Suwat si Pol pa mman Baanan Sukuꞌ si Isa ndooy ni Rom 12:16

Maka ingatun bi dī bi pantay-pantay ka siga pagkahi bi. Daa kam maglangkaw atay, gam pin subay kam mangatas panun ka jama miskin. Maka daa kam mista halul-akka gi kam man kasohean.

1 Korin 1:10

Na siga danganakan, kalnaꞌ awon Papuꞌ tabi si Isa Almasi, junjung ku na ningkaam, subay kam dambuwaꞌ pamiki. Yaꞌ sikatuwaꞌ bong magsulemaꞌ pamiki bi dambaanan. Subay kam dambuwaꞌ atay sampay dambuwaꞌ angan-angan.

2 Korin 13:11

Katapusan bitsala ku, siga danganakan, pagakun bi atay bi. Pagbuli-bulihan bi mogbogan kawul-piil ayad. Kannahun bi banahan palbiatan ku maka tuyuan bi meꞌ bi dambuwaꞌ atay. Miha kam jalan man bi wā njawom kasalassayan ka pagkahi bi. Bong siꞌ ina bean bi jaꞌ, inunungan jaꞌ sina kam meꞌ Tuhan, yana poonan aseꞌ ka kasannangan.

2 Korin 2:3

Sangkon lay na doꞌ bay paruhuꞌ ku suwat ku man mitsalahan kaam, taggahaꞌ pag pilu ku, susa na baw ku leꞌ bi. Boꞌ kainagon ku ilay siꞌ, tuktuk ku pilu, subay ku koleꞌ jaꞌ kagakan njataꞌ bi. Batan katoonan ku, tiyap-tiyap ku gāk sabapan kadarihan bi, malaingkan gāk du kam.

2 Korin 7:7

Sarī man katakka si Taytus, lay gi pasampun kagakan kami pag lay jaꞌ kami tabaan na pasal meꞌ bi bay magāk atay na. Lay gi kami tuntutan na ehe kainagon bi sitammu ka aku pabalik. Maka biddaꞌ na konoꞌ bay sasso bi pag lay jaꞌ batsa bi bay suwat ku nahawi kaam. Maka lay gi ku tuntutan na tud lay du kam konoꞌ bana ngasip ni panohoan ku.

Pilipi 1:4

Maka tuktuk kam pakuhan ku duwaa, tud mehe meꞌ ku gāk.

Pilipi 2:16

Labi na bong pasampay bi lagi umanat ma kabuwan kaallum bahau ninsila. Dari pag ina mintu taabut llaw Almasi pabeleng, tud mehe na meꞌ ku gāk, batan kaam na sina buktiꞌ yaꞌ bay lopas hulas-sangsāꞌ ku noan jama kabanahan.

Pilipi 2:20

Pataꞌ du baw tu si Timuti sohoꞌ ku pilu sabap ni mimon pagkahi ku, isu-isu iya magbēꞌ pamiki ka aku doman ngayaran kaam.

Pilipi 4:2

Sugaꞌ kuwan ga si Yuriya ka si Sintiki, baan bi doꞌ niyaku, junjung ku na ninsila, ddong na sila magsaggaꞌ. Subay sila magsulut batan ndang inaa pataꞌ ni siga danganakan njawman Papuꞌ Isa.

Kolossa 2:5

San ku yaꞌ luu nnaa, tattap kam njawom atay ku. Maka kaam ina kagakan mehe niyaku sabap magtaayun pamiki bi maka takkoꞌ na pangando bi ni Almasi.

2 Tesaloneka 2:13

Boꞌ kaam ina, siga danganakan, pabiddaꞌ man sila. Sangkon pataꞌ du kami wā muwan pagsukuhan pa Tuhan sabapan bi, yana siga kakasi Tuhan. Labba man sibuwa lagi, ndang lay na kam peneꞌ Tuhan tabeꞌ ni sukuꞌ na. Maksud Tuhan supaya kam salamat man sabapan Rū na nutsiꞌ pangatayan bi maka sabap meꞌ bi pitsayaꞌ ni kabanahan.

2 Timuti 1:4

Timuti, tud basag situ kainagon ku sikita ka kau pabalik. Yaꞌ na pin situ takupan ku boheꞌ mata nu ngattap waktu ta bay sakkat. Bong siꞌ itu kita nduwan gi sitammu pabalik, landuꞌ na ehe kagakan ku.

Pilimun 1:20

Sangkon danganakan, meꞌ kita dambuwaꞌ atay njawman Almasi, pagakun na atay ku. Duwanun na paku ku pasal si Onesimas. Pakitahan nu na ku kaayaran sabap meꞌ nu mmeꞌ ni Papuꞌ.

2 Yahiya 1:4

Tud bay gāk ku sitammu ka kasohean anak nu batan ndaꞌ ku mmeꞌ du sila ni kabanahan ma bay sohoꞌ Mmaꞌ tabi Tuhan ningkitabi.

3 Yahiya 1:4

Gāk ku banahan tuktuk ku kale aka pasal siga anak ku njawman Almasi mmeꞌ ni kabanahan. Bong niyaku, yaꞌ luu kagakan labi gi man naa.