Pilipi 2:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Na bong itu nugut jaꞌ Papuꞌ Isa, yaꞌ hallom, sohoꞌ ku doꞌ si Timuti pa mman bi supaya katoonan ku kahalan bi nnaa. Bong ina mintu tahabal ku ayad kahalan bi, mastiꞌ kagamgaman na ku.

Pilipi 2:19 ပူးပေါင်းရင်းမြစ်များ

Matiyu 12:21

Iya na sina mintu inasahan meꞌ jama ni mimon bangsa.”

Salsila siga Rasul 16:1

Pag-anu, lay na baw pawus ga si Pol ka si Saylas pa Delbe ka Listra. Ndooy siꞌ ni Listra, luu disu lalla inawnan si Timuti ma ndang pitsayaꞌ na du ni si Isa. Nneꞌ na ilay bangsa Yahudi, boꞌ ndang pitsayaꞌ na du ya. Sugaꞌ mmaꞌ si Timuti bangsa Greek.

Suwat si Pol pa mman Baanan Sukuꞌ si Isa ndooy ni Rom 15:12

Maka luu gi tunaꞌ bay sinuwatan meꞌ Nabi Isaya, yuk na, “Bbos-bbos luu du sina pōꞌ panubuꞌ si Jesse. Inuwakilan ya nohoꞌ magbayaꞌ ni mimon kabangsa-bangsahan. Sampay iya na sina mintu asahan da man da koleꞌ mimon ma bay janjiꞌ Tuhan ni sukuꞌ na.”

Suwat si Pol pa mman Baanan Sukuꞌ si Isa ndooy ni Rom 16:21

Doꞌ kam beꞌ, si Timuti pun, yana limbang ku maghulas-sangsāꞌ kalnaꞌ Papuꞌ Isa, lay du nohoꞌ masampay salam duwaa na pa mman bi. Maka siga pagkahi ku Yahudi, yana ga si Lusiyus, si Jeson ka si Sosipatel, lay du nohoꞌ masampay salam duwaa da.

1 Korin 4:17

Dari supaya luu suntuan man bi ngakig aku, sohoꞌ ku sa pilu si Timuti gantiꞌ ku. Iya itu meꞌ anak ku na du, disu kakasi ku ma magkanaalla mean kahandak Papuꞌ. Iya sa maintoman kaam bong pooy kawul-piil ku njawman si Isa Almasi mari taakig bi. Batan kawul-piil ku itu magbēꞌ ka mimon ma pinagtōꞌ meꞌ ku ni siga baanan sukuꞌ si Isa nnoy-nnoy jaꞌ lahat.

Epesus 1:13

Na kaam pun nnaa, meꞌ kami na du sina kam bay lliyun binuwat sukuꞌ Tuhan. Batan pag lay jaꞌ takale bi kabanahan, yana umanat mahap pasal kasalamatan, lay na du kam pitsayaꞌ ni Almasi. Pag-anu, boꞌ bi bay pinaasokan Rū Sutsiꞌ meꞌ ndang bay njanjiꞌ meꞌ Tuhan, tandaꞌ sukuꞌ na na kam.

Pilipi 1:1

Ituu itu kami, si Pol ka si Timuti. Kami itu siga ata si Isa Almasi. Itu suwat kami pa mman bi sukuꞌ Tuhan njawman Almasi nnaa ni Pilipi sampay pa mman siga pa-mmean bi ka siga tatabang da.

Pilipi 2:18

Damikiyan kaam pun, kamura-murahan gāk du kam maka gāk du kam niyaku.

Pilipi 2:28

Sangkon papoleꞌ ku na ya deꞌ-dēꞌ pa mman bi supaya gāk na kam saliꞌ-saliꞌ pag mintu kam sitammu. Maka aku pun, kagamgaman na du pamiki ku.

1 Tesaloneka 3:5

Sangkon, pagka yaꞌ na bay tasaggaꞌ ku gampang ku ningkaam, lay na bay sohoꞌ ku si Timuti pilu ngandaꞌ bong masi hallot pangando bi ni Papuꞌ. Ilooy kagampangan kami, taggahaꞌ senseng jaꞌ bay hulas-sangsāꞌ kami bong mintu lay na baw kam patatak sabapan sasat Ibilis.

2 Tesaloneka 1:3

Siga danganakan, pataꞌ na du situ kami wā muwan pagsukuhan pa Tuhan sabapan bi, batan pabasag na pin pangando bi ni si Isa maka magsasōng na pin meꞌ bi sikaaseꞌ-kaaseꞌ.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

Yaꞌkub 4:15

Subay siꞌ gam na meꞌ tuu halling bi, “Bong malaingkan mintu kami tinugutan du meꞌ Tuhan sampay binuwanan umu, meꞌ tuu, meꞌ tuu pabuwat kami.”

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.