Pilipi 2:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

Pilipi 2:12 ပူးပေါင်းရင်းမြစ်များ

Matiyu 11:29

Lillaꞌ kam ka baguru jaꞌ kam niyaku, batan pangatayan ku itu diyoꞌ jaꞌ maka lammaꞌ du. Siga panohoan ku itu yaꞌ du awod inasip maka ma sinukuꞌ meꞌ ku ningkaam maggaan du. Boꞌ na, pag toklas na, nammu gi kam kasannangan njawom atay bi.”

Salsila siga Rasul 16:29

Dari tukang jaga looy siꞌ magti bay nohoꞌ binoonan siga sūꞌ, boꞌ na deꞌ-dēꞌ paasok ni bilik man ga si Pol ka si Saylas. Mipig na ga baran na sambayan na nangge ka tuut na ni awpan da.

Salsila siga Rasul 9:6

Nangge na ko, boꞌ nu pawus na pa daira looy. Ndooy sa mintu, boꞌ nu binaan bong oy subay pabuwat nu.”

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

1 Korin 2:3

Aku ilay bay pilu masaplag, tud bay tabista ku du yaꞌ luu kawasa ku ni dī ku. Boꞌ agon mipig na ga ku ni kahanggaw ku, taggahaꞌ yaꞌ tapajatu ku pabuwatan ma bay hinalap meꞌ Tuhan niyaku.

1 Korin 4:14

Na aku lay siꞌ bay nuwat meꞌ looy, yaꞌ du silay ga man ku makiyaꞌ kaam, arapun man ku jaꞌ maintong kaam, batan sibuꞌ na kam ka anak ku, yana kakasi ku.

2 Korin 7:15

Maka ndaꞌ ku, pag luu jaꞌ si Taytus bay pabeleng pitu, tud lay na pasōng ehe aseꞌ na ningkaam. Maka tud gāk ya konoꞌ tuktuk taintom na lay ya hinasi meꞌ bi paayad sampay inasip ni palbiatan na. Boꞌ hanggaw gi kam konoꞌ taggahaꞌ yaꞌ kam kinahopan meꞌ na.

Epesus 6:5

Na kuwan kaam ma ata, asipun bi siga papuꞌ bi. Mag-arat kam ni kaloman bi ninsila. Ni mimon pabuwatan bi ninsila, subay kam magtuyuꞌ buwat ni kahilas atay bi. Meꞌ bi ngingat, sibuꞌ du kam ka maghulas-sangsāꞌ kalnaꞌ Papuꞌ Isa.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Pilipi 1:29

Daa kam tawu batan lay na sina kam sinupaatan meꞌ Tuhan. Boꞌ supaat ma awnan ku ina saꞌ sat pangando bi ni Almasi, arapun sampay hāl meꞌ bi bay pineneꞌ meꞌ Tuhan natasan kabinsanaan kalnaꞌ Almasi.

Pilipi 1:5

Batan yaꞌ takupan ku mimon bay tulung bi niyaku masaplag umanat mahap labba man bi bohoꞌ bay pitsayaꞌ ni Almasi ngabut sampay batnaa.

Pilipi 1:6

Aseꞌ bi ina yana buktiꞌ tud hinalin na pin meꞌ Tuhan pangatayan bi pa kaayaran. Maka tatantu ku pagka Tuhan lay na nagnaꞌ ngahalin pangatayan bi, mastiꞌ ndarahan na pin sina meꞌ na ngabut sampay magjatu na garaꞌ na ningkaam ni llaw Almasi pabeleng.

Pilipi 2:19

Na bong itu nugut jaꞌ Papuꞌ Isa, yaꞌ hallom, sohoꞌ ku doꞌ si Timuti pa mman bi supaya katoonan ku kahalan bi nnaa. Bong ina mintu tahabal ku ayad kahalan bi, mastiꞌ kagamgaman na ku.

Pilipi 4:1

Sangkon siga danganakan ku, kakasi ku, kannahun bi bana bay bitsala ku siꞌ mari kam tattog njawman Papuꞌ Isa. Tud ngintom na situ ku ningkaam. Kaam ina yana poonan kagakan ka kabantugan mehe niyaku.

Pilipi 4:15

Sibuwa ku masaplag umanat mahap nnaa ni Masidunya, taintom bi du silay, pag lakka ku, yaꞌ luu baanan sukuꞌ si Isa bay nulung aku sarī man kaam nnaa ni Pilipi.

2 Timuti 2:10

Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.

Hibrani 12:1

Na pagka meka jama mattoꞌ bay dari suntuan ayad ningkitabi sabap meꞌ da mangando pa Tuhan, sabuli-buli tabi ngakig sila. Maka labbahan tabi na dusa tabi sampay oy-oy na pin ma kasanggalang ningkitabi buwat kahandak Tuhan. Bong dalil ta pa jama maglumbaꞌ sonse, subay lakkahan tabi oy-oy kahabo ningkitabi supaya kitabi katatas sonse ni lān ma bay sinukuꞌ meꞌ Tuhan ningkitabi.

Hibrani 4:1

Na san meꞌ looy bay katuwaꞌ ni kabboꞌ-bboan tabi, masi du situ luu pahaliyan ni timpu batnaa ma bay njanjiꞌ meꞌ Tuhan ndean siga sukuꞌ na. Sugaꞌ paliksaun bi doꞌ dī bi bong tud luu na kam njawom pahaliyan looy, taggahaꞌ luu na pin kam yaꞌ gi bay paasok.

Hibrani 4:11

Sangkon, daa na kitabi paagak paasok pa jawom pahaliyan looy. Daa na kitabi ngakig kabboꞌ-bboan tabi ma yaꞌ bay pitsayaꞌ ka yaꞌ bay ngasip ni palman Tuhan taggahaꞌ sampay kitabi pun yaꞌ na du kapaasok.

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam