Pilipi 2:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Boꞌ da mangaku na si Isa Almasi yana Papuꞌ, pamaehe sanglit ni Mmaꞌ tabi Tuhan.

Pilipi 2:11 ပူးပေါင်းရင်းမြစ်များ

Matiyu 10:32

Maka yuk si Isa, “Soysoy māꞌ ni awpan manusiyaꞌ mmeꞌ ya niyaku, malaingkan māꞌ du sina ku mintu ni awpan Mmaꞌ ku ni sulgaꞌ, sukuꞌ ku ya.

Lukas 2:11

Sangom tuu du siꞌ, luu na tukang nalamat bahau jaꞌ bay pinamaddihan ndooy ni bay daira Sultan Daud. Anak-anak looy ilay yana Almasi, Papuꞌ ma bay njanjiꞌ meꞌ Tuhan.

Yahiya 12:42

Dari san kaekahan Yahudi yaꞌ pitsayaꞌ ni si Isa, meka gi du baw bay pitsayaꞌ sampay kasohean pa-mmean da. Sugaꞌ ni katawu da ni siga Parisi, yaꞌ du sila bay nawakka magpasayu taggahaꞌ yaꞌ na baw sila pinadari nindak langga.

Yahiya 13:13

Pahatiyan ta doꞌ kam. Saꞌ ba, meꞌ bi ngawnan aku, ‘Tuwan Guru’ maka ‘Papuꞌ’? Katuwaꞌ du silay kam sabap bana du.

Yahiya 13:14

Na bong meꞌ aku Papuꞌ bi ka guru bi bay magpadiyoꞌ ngosoan battis bi, malaingkan subay du kam magpadiyoꞌ meꞌ karuha jama sikosoꞌ-kosoꞌ battis.

Yahiya 14:13

Maka oy-oy paku bi ni awon ku, duwan ta jaꞌ sina kam supaya Mmaꞌ ku koleꞌ kabantugan mehe ni jataꞌ ku.

Yahiya 14:23

Pag tampung si Isa, “Bong jama maaseꞌ niyaku, bean na jaꞌ sina bitsala ku. Jama meꞌ looy ilay kinaasean meꞌ Mmaꞌ ku. Dari patiluꞌ sina kami ka Mmaꞌ ku pa mman na, boꞌ kami patannaꞌ njawom atay na.

Yahiya 17:1

Lupus si Isa siꞌ bay mitsala meꞌ looy, lay na ya pahangad pa taꞌ langit sambayan na halling, “Maꞌ, taabut na waktu bay gantaꞌ nu niyaku. Mōꞌ na ko kabantugan ni Anak nu mari ku kaboo kabantugan ningkau.

Yahiya 20:28

Yuk si Tomas niiya, “Papuꞌ ta ko! Tuhan ta ko!”

Yahiya 5:23

Batan kahandak Mmaꞌ ku subay Anak na inisbat meꞌ mimon manusiyaꞌ meꞌ kadari iya du. Meꞌ aku Anak na, soysoy yaꞌ ngisbat aku, sibuꞌ du ya ka yaꞌ ngisbat Mmaꞌ ku ma bay mapitu aku.

Yahiya 9:22

Na kon da siꞌ bay mitsala meꞌ looy sabap tawu sila ni siga pa-mmean Yahudi. Batan katoonan da pag-isunan siga pa-mmean ndooy yaꞌ pinadari paasok pa jawom langga soysoy bay mangaku si Isa yana Almasi.

Salsila siga Rasul 10:36

“Batnaa pasampay ku na ningkaam umanat mahap ma lay na palahil Tuhan duhuꞌ ningkami bangsa Israil. Meꞌ tuu: Luu na situ jalan man manusiyaꞌ mahap na pa Tuhan man sabapan pabuwatan si Isa Almasi, yana Papuꞌ manusiyaꞌ sikamimon.

Salsila siga Rasul 2:36

“Sangkon,” yuk si Pitel, “subay katoonan bi na sampay mimon pagkahi tabi bangsa Israil, inawnan si Isa ma bay lansang bi taꞌ tehang, iya na silay bay pineneꞌ meꞌ Tuhan binuwat Papuꞌ tabi ka Tukang Nalamat tabi.”

Suwat si Pol pa mman Baanan Sukuꞌ si Isa ndooy ni Rom 14:11

Boꞌ magbēꞌ du silay ka suwat njawom kitab, ilooy ma yuk Tuhan, “Meꞌ aku Papuꞌ llum saumu-umu, basta luu jaꞌ sina mintu masa manusiyaꞌ labbasakayi nujud aku sampay mangaku bana-bana aku Tuhan.”

Suwat si Pol pa mman Baanan Sukuꞌ si Isa ndooy ni Rom 14:9

Batan kon ilay Almasi bay matoy sampay pinakallum pabalik supaya ya dari Papuꞌ sikamimon ma pitsayaꞌ niiya, sagannap ma lay na matoy sampay na sagannap ma masi llum.

Suwat si Pol pa mman Baanan Sukuꞌ si Isa ndooy ni Rom 15:9

Sugaꞌ saꞌ silay sat kalnaꞌ siga Yahudi kon Almasi bay pitu, arapun sampay kalnaꞌ kabangsa-bangsahan ma saꞌ Yahudi. Sila pun lay na du pinanimbangan mari sila mudji Tuhan na du. Boꞌ ndang meka silay tunaꞌ njawom kitab pasal siga bangsa ma saꞌ Yahudi mudji Tuhan. Yuk disu nabi, “Ū Tuhan, luu du sina masa ni sinōng haboy-haboy na ku ka siga kabangsa-bangsahan ma saꞌ Yahudi mudji kau. Maka ngalang ku kalangan pudji ningkau.”

1 Korin 12:3

Dari meꞌ tuu meꞌ bi mindoga bong guru pataꞌ binean atawa niyaꞌ. Soysoy ina malaat Papuꞌ Isa, malaingkan bitsala na yaꞌ lakka man Rū Sutsiꞌ. Sugaꞌ soysoy ina māꞌ si Isa yana Papuꞌ, malaingkan pinagmundaan ya meꞌ Rū Sutsiꞌ.

1 Korin 8:6

Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.

1 Yahiya 4:15

Dari soysoy ina mangaku si Isa yana Anak Tuhan, malaingkan tattog Tuhan niiya maka iya pun tattog du ni Tuhan.

1 Yahiya 4:2

Man bi ngila guru ma pinagmundaan meꞌ Rū Tuhan meꞌ tuu: Soysoy māꞌ si Isa Almasi yana Anak Tuhan bay dari manusiyaꞌ, tumatandaꞌ bana-bana ya sosohoan Tuhan.

2 Yahiya 1:7

Batnaa tu, meka na guru palsu ni junyaꞌ magsian jama. Baꞌ-bāꞌ da, si Isa saꞌ Almasi bay pitu pa junyaꞌ magbaran manusiyaꞌ. Pangandustaꞌ sila maka tukang nguntra Almasi.

Siga Pakaradjaan bay Pinalahil 3:5

“Na soysoy ina kanaalla mmeꞌ niyaku tanne-pasuꞌ, malaingkan pinapatukan du sina mintu pamakoy poteꞌ. Maka basta yaꞌ du sina pawman ku awon da man jawom Būk Kaallum man ngalista awon sagannap ma luu kasampulnaan nyawa da saumu-umu. Boꞌ na, mangaku du sina ku sila sukuꞌ ku ni awpan Mmaꞌ ku Tuhan ka ga malaikat na.