Pilipi 1:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Ilu na Tuhan pakale-kale, tud mehe sina meꞌ ku ngintom ningkaam sikamimon, batan ssob ku meꞌ aseꞌ si Isa Almasi ningkaam.

Pilipi 1:8 ပူးပေါင်းရင်းမြစ်များ

Lukas 1:78

Kon ina Tuhan bay nganggantaꞌ meꞌ naa sabap mehe timbang na ka aseꞌ na ni manusiyaꞌ. Sangkon luu na sina mintu papitu na Almasi, yana tukang nalamat man sulgaꞌ. Katakka na ina mintu meꞌ karuha mataallaw pakallat muwan dantaꞌ ni manusiyaꞌ.

Suwat si Pol pa mman Baanan Sukuꞌ si Isa ndooy ni Rom 1:9

Wā situ kam pakuhan ku duwaa, ilu na Tuhan pakale-kale, yana Tuhan ma inisbat meꞌ ku ni kahilas atay ku jawom ku masaplag umanat mahap pasal Anak na.

Suwat si Pol pa mman Baanan Sukuꞌ si Isa ndooy ni Rom 9:1

Na pasal pagkahi ku bangsa Israil ma nuwak Almasi, yana tukang nalamat man Tuhan, biddaꞌ na situ susa ku ninsila. Sila ilay sibuꞌ du ka danganakan ku. Tud yaꞌ kuhi maglumba karukkaan njawom atay ku batan yaꞌ sila pitsayaꞌ ni Almasi. Bong siꞌ bay dari, atas ku na pinagantiꞌ ninsila minulkaan sampay man ku na sakkat man Almasi bong pin sila tasalamat jaꞌ. Tud bana situ bitsala ku. Meꞌ aku itu njawman Almasi, yaꞌ ku nawakka ngandustaꞌ. Luu du situ Rū Sutsiꞌ māꞌ njawom honaꞌ-honaꞌ ku tud hilas bay halling ku siꞌ.

2 Korin 13:9

Dari basta hallot jaꞌ pangando bi ni Almasi, gāk du situ kami san kami pinamāꞌ na yaꞌ luu gaos kami. Sarī man naa, paku kami duwaa pa Tuhan, kamura-murahan magsasōng na pin hāp kawul-piil bi ngabut sampay yaꞌ na luu salla na samasakali.

2 Korin 6:12

Bong sabagay lay na maglumba meꞌ tabi sikaaseꞌ, saꞌ na situ man kami.

2 Korin 7:15

Maka ndaꞌ ku, pag luu jaꞌ si Taytus bay pabeleng pitu, tud lay na pasōng ehe aseꞌ na ningkaam. Maka tud gāk ya konoꞌ tuktuk taintom na lay ya hinasi meꞌ bi paayad sampay inasip ni palbiatan na. Boꞌ hanggaw gi kam konoꞌ taggahaꞌ yaꞌ kam kinahopan meꞌ na.

Galatiya 1:20

Bana situ bitsala ku ni suwat tuu. Ilu na Tuhan pakale-kale. Yaꞌ ku pandoy ngandustaꞌ.

Galatiya 3:26

Kaam pun ina labbasakayi, anak Tuhan na du kam sabap meꞌ bi pitsayaꞌ ni si Isa Almasi.

Galatiya 4:19

Siga anak, halloman ku ilay bay ngagad kaam pitsayaꞌ ni Almasi, tud bay gampang ku ningkaam. Sibuꞌ du parasahan ku ka danda magkamaddi-maddi ngagad anak na pōꞌ. Pag batnaa, meꞌ ga pabalik na baw gampang ku ningkaam, batan kahalloman ku la ngagad kawul-piil Almasi tumatandaꞌ ni jataꞌ bi.

Pilipi 2:1

Siga danganakan, saꞌ ba, gāk kam sabap tibuuk na kam ka Almasi maka kagamgaman na kam sabapan aseꞌ na ningkaam? Maka saꞌ ba, lungbid na kam ka Rū Sutsiꞌ sampay luuy na kam ni jama? Pagka meꞌ naa,

Pilipi 2:26

Kon ku itu nohoꞌ iya moleꞌ pa mman bi batan ngintom na konoꞌ ya banahan ningkaam sikamimon. Maka susa ya taggahaꞌ gampang na pin kam pagka lay taaka bi bay ya saki.

Pilipi 4:1

Sangkon siga danganakan ku, kakasi ku, kannahun bi bana bay bitsala ku siꞌ mari kam tattog njawman Papuꞌ Isa. Tud ngintom na situ ku ningkaam. Kaam ina yana poonan kagakan ka kabantugan mehe niyaku.

Kolossa 2:1

Siga danganakan, karomanan ku tasayu bi na bong pooy basag ku magtuyuan kaam ka sila ndooy ni Leyodisiya, sampay mimon ilooy kasohean sukuꞌ si Isa ma yaꞌ gi bay pingkaꞌ sitammu ka aku.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

1 Tesaloneka 2:5

Kami ilay, tamasa bi na du, san sakayi yaꞌ kami bay pingkaꞌ ngabbu-ngabbu kaam. Maka ilu na Tuhan pakale-kale, yaꞌ du bay luu niyat kami ngulihal altaꞌ bi.

1 Tesaloneka 2:8

Tandaꞌ ehe aseꞌ kami ningkaam, sarī man umanat mahap man Tuhan bay pasampay kami ningkaam, lay gi du atas kami narapan umu kami kalnaꞌ kaam. Tud maaseꞌ kami ningkaam.

2 Timuti 1:4

Timuti, tud basag situ kainagon ku sikita ka kau pabalik. Yaꞌ na pin situ takupan ku boheꞌ mata nu ngattap waktu ta bay sakkat. Bong siꞌ itu kita nduwan gi sitammu pabalik, landuꞌ na ehe kagakan ku.

Pilimun 1:12

Batnaa, ilu na sina ya papoleꞌ ku pa mman nu minsan ya meꞌ bigi jantung ku na.

Pilimun 1:20

Sangkon danganakan, meꞌ kita dambuwaꞌ atay njawman Almasi, pagakun na atay ku. Duwanun na paku ku pasal si Onesimas. Pakitahan nu na ku kaayaran sabap meꞌ nu mmeꞌ ni Papuꞌ.

1 Yahiya 3:17

Damikiyan, subay du kitabi nulung siga pagkahi tabi ma njawom sigpit. Bong luu pangabut tabi, boꞌ yaꞌ san kitabi nulung ninsila, pooy meꞌ tabi kabāꞌ maaseꞌ kitabi pa Tuhan?